Nm 8:21 - Chuj San Sebastian Bible

²¹ A eb' levita 'ix 'achn eb', sju'n pax 'el eb' spichul, ax Aarón 'ix 'a'n 'och eb' 'a yojltac Jehová 'icha ofrendail, xya'n pax xajmb'al yic sacb'tzax can eb'.

Chuj San Mateo Bible

²¹ Ix sacb'itan sb'a eb' levita chi', ix sjuc'anel spichul eb', axo vin̈aj Aarón ix ac'anoch eb' d'a yichan̈ Jehová d'a ofrendail. Ix yac'anpax silab' vin̈ yic stupcanel smul eb'.

Nm 8:21 ပူးပေါင်းရင်းမြစ်များ

Ex 19:10

Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Lv 14:11

Ax win ya'mal 'och sti eb' 'anma cha, a win tzchecn 'och lin̈n junc 'anma chi yet' jun tzo'n̈ yofrenda chi 'a wojltac, 'a yamq'uil Mantiado 'a 'aj tzin chaj in b'a eyet'oc.

Nm 19:12

A yic schab'jil syamn junc chamnc cha, tzsacb'tzan sb'a yet' a a cha, ax 'a yucb'ixial b'i'an, wach'xo tz'ajcni. Palta toto matz sacb'tzej sb'a 'a schab'jial, ax 'a yucb'ixial cha, man̈ wach'c tz'ajcni.

Nm 19:19

A junc mach wach' yaj cha, a tzicn 'och a a chi 'a jun man̈ wach'c yaj cha, 'a schab'jial tzicx 'och a 'a 'a, ax 'a yucl c'u cha, ax sb'ox can 'el'chi. A junc 'anma man̈ wach'c yaj cha, tzju'l spichul, tz'achn paxi, sec tzb'oxcan yuj a a cha. Palta man̈ wach'oc masnto yic tzq'uic'b'i.

Nm 3:12

A ticnec 'ix in si'cn 'el eb' levita sjelc junjn b'ab'l winc 'unn 'a scal eb' et israelal, yujto wic yaj eb' levita cha.

Nm 8:15

A yic tox xlajw sacb'tzax can eb' 'icha yaln sleyal, yet' 'a yic tox 'ix 'ajx eb' 'ayn cha, tztac' xo sjaw eb' munljoc 'a in Mantiado cha.

Nm 8:20

Ax Moisés yet' Aarón yet' smasnil chon̈b' Israel, 'ix syiclj eb' tas 'ix yal Jehová 'a Moisés yuj eb' levita cha.

Nm 8:22

Ax yic xlajw ye'cn jun tzo'n̈ tic, 'ix 'el yich smunlj eb' levita 'a jun Mantiado cha, ax Aarón yet' eb' yunnal, a tzjucb'tzan eb'. 'Icha wal xyutj Jehová yaln 'a Moisés, 'ixta xyutj eb' syiclni tas 'ix alx yuj eb' levita cha.

Nm 8:7

'Ixtc 'oj otc a sacb'tzan eb': Tza tzicch a a 'a eb', a tzc'anx 'a yic tzsacb'tzax can junc tas. Tzlajw cha, tzjosn 'el eb' xil smasnil sniwnal, tzju'n pax 'el eb' spichul, 'ixta tz'aj sacb'tzan sb'a eb'.