Nm 8:17 - Chuj San Sebastian Bible

¹⁷ Yujto wic yaj smasnil eb' e b'ab'l 'unnal, 'ixta pax sb'ab'l 'une e cajb'en noc'. A wal yic xwa'n cham smasnil eb' sb'ab'l 'unnal eb' 'aj Egipto, a wal ta 'ix in si'cn 'el eb' e b'ab'l 'unnal chi wico'oc.

Chuj San Mateo Bible

¹⁷ Yujto vic yaj masanil sb'ab'el vinac yune' eb' ix eyetchon̈ab' tz'alji yed' pax sb'ab'el yune' noc' e molb'etzal noc' tato vinac noc'. Ayic ix in milancham masanil eb' b'ab'el unin d'a Egipto, ata' ix vac'can masanil eb' b'ab'el vinac unin yic tz'ochcan eb' vicoc.

Nm 8:17 ပူးပေါင်းရင်းမြစ်များ

Salmos 105:36

'Ix smiln cham smasnil sb'ab'l 'unnal eb' 'aj Egipto cha, xcham eb' 'a junjn n̈ail.

Salmos 135:8

A xmiln cham eb' sb'ab'l 'unnal junjn n̈al eb' 'aj Egipto, yet' pax sb'ab'l 'une scajb'en noc' eb'.

Salmos 78:51

'Ix smiln cham eb' b'ab'l 'unin, c'uxn xcham sb'ab'l 'unnal junjn n̈al eb' 'aj Egipto cha.

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.

Ex 13:2

A eb' b'ab'l winc 'unn tz'alj 'a e cal, pojc 'el eb', yujto wic tz'ajcn eb'. An̈jtona no cajb'en noc', a sb'ab'l 'une e no', wic yaj no', xchi.

Ex 29:44

Tz'ochcn jun Mantiado chi wico'oc yet' jun yet'l xajmb'al cha, yet' pax Aarón. Tzin si'cn 'och wico'oc yet' eb' yunnal, yic tzya'n 'och eb' sti eb' israel 'ayin.

Ez 20:12

'Ix waln 'a eb' to tzyiclj eb' sc'ul 'iljelal yic tzcheclj 'eli to wic eb', to 'ay in trato yet' eb'. An Jehová in, an si'jnac 'el eb'.

Lv 27:26

Palta a sb'ab'l 'une e wacax, e calnelu mto e chiwo, a jun tzo'n̈ noc' cha, wic xon yaj e no an Jehová in, yuj cha, may junc mach tztac' yalni to tzyac' no ofrendail 'ayin.

Nm 3:13

A yic xwa'n cham smasnil eb' sb'ab'l winc 'unn eb' 'aj Egipto, 'ix in colcn 'el eb' sb'ab'l winc 'unn eb' et israelal yic tz'och eb' wico'oc. 'Ixta pax smasnil sb'ab'l 'une no scajb'en noc' eb', wic yaj no'. An Jehová in, an tzwala, xchi Dios.

Nm 8:18

Yuj cha, ax eb' levita tzin chaj sjelc eb' e b'ab'l 'unnal chi ticnec.

Lc 2:23

'Ixta xyutj sb'a eb', yujto a 'a sley Cajlil, ata tz'ib'b'il can 'ixtic: A junjn winc 'unn tzb'ab'l 'alji, a tz'ajx yico'oc Cajlil, xchi 'a Ch'an̈ U'un̈.

Jn 10:36

An xo tic, a Dios si'jnacn 'eli, schecn in cot 'a yolyib'n̈q'uinl tic. Yuj cha, ¿tas yuj tzeyala to tzin b'uchwj 'a Dios, yic tzwalni to Yunnaln Dios cha?

Jn 17:19

Yuj swach'loc eb', yuj cha, tzwac' in b'a 'ayach, yic wach' tz'och eb' eco'oc wal 'a yel.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 11:28

A Moisés cha, yujto ya'jnac 'och Dios 'a sc'ojol, yuj cha, syiclni yi'n 'el yich jun q'uin̈ yic snanb'il cot yel eb' israel 'a libre. Yaljnac 'a eb' yit israelal, to tzlaj stzicch eb' chic' 'a spuerta, sec a jun ángel 'ay yopiso smilwji, matz 'ec' smil junjn sb'ab'l 'unnal eb'.

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.