Nm 8:12 - Chuj San Sebastian Bible

¹² Tzlajw cha, tzya'n 'at eb' levita chi sc'ab' 'a sjolm e no quelm wacx cha, tz'ajx junc no xajmb'al-l yuj mul, ax junc xo no tz'ajx tz'a xajmb'al-l 'ayn an Jehová in, yic tzsacb'tzax can eb' levita cha.

Chuj San Mateo Bible

¹² Slajvi chi', syac'anq'ue sc'ab' eb' levita chi' d'a sjolom chavan̈ noc' quelemtac vacax chi'. Jun noc' tz'ac'ji silab'il yuj yac'ji tup mul, axo junxo noc' sn̈usjitz'a smasanil silab'il d'ayin. Icha chi' tz'aj stupcanel smul eb'.

Nm 8:12 ပူးပေါင်းရင်းမြစ်များ

Ex 29:10

Tzlajw cha, tze'n 'at no quelm wacx chi 'a 'aj 'ay Mantiado 'a 'aj tzin chaj in b'a eyet'oc, sec wach' tzyac'q'ue Aarón sc'ab' yet' eb' yunnal 'a sjolm no wacx cha.

Lv 1:4

Yowlal tzyac' q'ue jun 'anma chi sc'ab' 'a sjolm no noc' cha, sec chab'il no 'a 'a, yuj yajx lajwc smul.

Lv 14:22

Tzyi'n cot pax chawn̈oc no cowojte', mto chawn̈oc no parama, a tzyal tas tztechj yuj junc 'anma cha, jun no tz'ajx xajmb'al-l yuj yajx lajwc smul, ax junx no tz'ajx tz'a smasnil xajmb'alil.

Lv 16:11

A yic lista xo yaj no smasnil, tzmiln Aarón no quelm wacx cha yic tzya'n no xajmb'al-l yuj smul, yet' pax yuj yic eb' 'ayc' 'a yol yatut, sec 'oj 'ajxc lajwc smul eb'.

Lv 16:21

Tzya'n q'ue sc'ab' schab'l 'a sjolm no', tzyamn 'och yaln 'ejm smul yet' stenmtacl eb' eyit israelal 'a yib'n̈ no'. 'Ixta tzyutj ya'n can 'och jun tzo'n̈ mul chi 'a yib'n̈ no', sic'b'ilx cab' pax junc winc tz'at 'a'noc can no 'a lum cusltac lum 'a najat.

Lv 16:6

Tzyi'n cot Aarón no quelm wacx yic tz'och no xajmb'al-l yuj smul yet' yuj eb' yic 'ayc' 'a yol yatut.

Lv 4:15

Ata tzyac' q'ue eb' yichm wincal chon̈b' sc'ab' 'a sjolm no'. Tzlajw cha, tzmiln cham eb' no 'a wojltac an Jehová in.

Lv 4:20

tzyal 'el'chi, to tzb'o jun quelm wacx chi xajmb'al-l 'icha no xajmb'al tox 'ix b'inaxi. 'Ixta tzyutj win ya'mal 'och sti eb' 'anma sb'on no xajmb'al chi yuj smul eb' chon̈b' cha, ax smul eb' cha, 'oj 'ajxoc can lajwoc.

Lv 4:35

Tz'ijx 'el smasnil xepual no', 'icha wal tz'aj yijx 'el yic no tz'ajx xajmb'al-l yic junc'ojlal. Tz'ajx tz'a xepual no 'a yib'n̈ yet'l xajmb'al. Junn̈j tz'aj stz'a yet' jun tzo'n̈ xo xajmb'al tz'ajx xon tz'a 'a wojltac an Jehová in. 'Ixta tzyutj jun ya'mal 'och sti eb' 'anma chi sb'on jun xajmb'al cha, sec tz'ajx lajwc smul jun 'anma cha.

Lv 4:4

Tzyij cot win no 'a yamq'uil Mantiado 'aj tzin chaj in b'a eyet'oc, ata tzyac' q'ue sc'ab' 'a sjolm no'. Tzlajw cha, tzmiln cham win no 'a wojltac.

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Lv 8:14

Xlajw cha, xya'n Moisés 'ijxoc cot no quelm wacx tz'och xajmb'al-l yuj yajx lajwc mul, ax Aarón yet' eb' yunnal, x'a'n q'ue sc'ab' 'a sjolm no'.

Lv 8:15

Smiln cham Moisés no', 'ix yi'n 'at jab' schic'l no yet' yune sc'ab', sb'on̈n 'och 'a sch'ac jun yet'l xajmb'al 'aych 'a schicn schan̈il, sec wach' chab'il yuj Dios. Ax jantc to chic' xcani, 'ix seccn 'ejm 'a yich yet'l xajmb'al cha. 'Ixta x'ajcn jun chi yochcn yico'oc Dios, sec wach' tz'ajx can lajwc mul.

Lv 8:18

'Ix ya'n pax Moisés 'ijxoc cot no mam calnelu tz'ajx tz'a smasnil xajmb'alil, ax Aarón yet' eb' yunnal, xyac' q'ue eb' sc'ab' 'a sjolm no'.

Lv 8:34

A ticnec, tic 'ix qui b'oc 'icha wal 'ix yutj Jehová ya'n qui b'o', yic tzlajw can e mul 'a eyib'an̈.

Lv 9:7

Xlajw cha, xyaln Moisés 'ixtc 'a Aarón: Nitz cot a b'a 'a stz'ey yet'l xajmb'al tic, tza'n no noc' chi a xajmb'alc yuj a mul yet' no xajmb'al tz'a'i, yic tz'ajx lajwc a mul cha. Tza'n pax no xajmb'al yuj yajx lajwc smul eb' quit israelal, 'icha wal xyutj Jehová yalni, xchi Moisés 'a Aarón.

Nm 6:14

Tzlajw cha, tz'ajx tz'a junc no quelm calnelu xajmb'alil, no jun ab'il sq'uinal, no may spaltail. An̈jtona', tz'ajx pax junc no cob's calnelu jun ab'il sq'uinal, no may spaltail, a jun cha, xajmb'al yic tz'ajx lajwc mul. Tz'ajx pax junc no mam calnelu xajmb'al-l yic junc'ojlal 'ayn an Jehová in.

Nm 6:16

Ax win ya'mal 'och sti eb' 'anma cha, a 'oj wul 'a'nc junc no xajmb'al yuj mul chi 'a wojltac, yet' pax no xajmb'al tz'ajx tz'a smasnil,

Nm 8:13

Tzlajw cha, tza'n 'och eb' levita chi 'a yojltac Aarón yet' 'a yojltac eb' yunnal, yic tz'ajx eb' 'ayin.

Nm 8:8

Tzlajw cha, tzyi'n cot eb' junc no quelm wacax yet' jac 'ixm harina caw wach' calb'il yet' aceite, yic tzya'n eb' yofrendail 'ixm trigo, tz'ajx pax junc xo no quelm wacx xajmb'al-l yuj mul.

A Ch'an̈ Carta D'a Eb' Hebreo 9:22

Tztac' calnec, to yuj jun ley cha, yowlal tzsacb'tzax smasnil tas yet' chic'. May junc mach tzlajw can smul, toto may chic' tz'el yuj smul cha.