Nm 6:9 - Chuj San Sebastian Bible

⁹ Toq'ue jun yaj yet' junc 'anma tzchami, yuj cha, man̈ wach'c tz'ajcn xil sjolom, jun 'ac'b'il cob' 'ayn yu'uj. Toto 'ixta', ax 'a yucl c'ual, tzya'n joxxoc 'el xil sjolm cha, atn 'a yic sc'ul tzsacb'tzaxi.

Chuj San Mateo Bible

⁹ Talaj ay junoc mach junn̈ej ayec' yed'oc schami, a xil sjolom to vic yaj chi', man̈xo vach'oc tz'ajcan icha yalan ley. Yuj chi' ayic slajvi yec'b'at uqueoc c'ual ayic sb'oxican icha yalan ley, ichato chi' sjoxjiel xil sjolom chi'.

Nm 6:9 ပူးပေါင်းရင်းမြစ်များ

Ez 44:27

'ixta to b'i'an, tz'ochx 'a yamq'uil sti watut cha. Yowlal tzyac' junc xajmb'al 'ayn ta', yic tz'ajx lajwc smul, tzlajw cha, tzin ya'n pax servil.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Lv 14:9

Ax 'a yucl c'u cha, caw wach' tz'aj sjoxx 'el xil sjolm smasnil, wach' tzyutj yi'n 'el xil sti', tzjosn 'el xil sat yet' smasnil xil smatzab', tzju'n 'el spichul, tz'achn paxi, 'ixta to b'i'an, tztac' yochx 'a yol yatut.

Nm 6:18

A jun tzyac' sti yoch nazareoal cha, ata 'oj joxxoc 'el xil sjolm 'a yojltac Mantiado cha, ax si'n chan̈ jun tzo'n̈ xil sjolm wicn̈ej yaj cha, ax yajx tz'a 'a scal te c'ac' 'aych 'a yaln̈ no xajmb'al yic junc'ojlal cha.

Nm 6:8

A 'a yic jun tiempoal yic tzya'n sti cha, jun 'ejmn̈ej to wic tz'aj an Jehová in tic.

A Tas Sc'ulejnac Eb' Schecab' Jesús Hechos 18:18

A Pablo, niwn to tiempo x'och wan 'a Corinto cha. Xlajw cha, xyaln can sb'a 'a eb' creyente, 'ix 'ati yic tzpax 'a Siria. 'Ix 'at canb' Priscila yet' cu'tac Aquila yet'oc. 'Ix 'emch eb' 'a jun chon̈b' Cencrea. Yic mantzac 'och eb' 'a yol barco, 'ix sjoxn can 'el Pablo xil sjolom. A jun chi senya, chajtlto 'ay jun strato tzyac' 'a Dios.

A Tas Sc'ulejnac Eb' Schecab' Jesús Hechos 21:27

Ax yic wan slajw uque c'u cha, 'ay jaywn̈ eb' israel 'aj Asia, 'ix yiln eb', to 'ayc' Pablo 'a yamq'uil yatut Dios. 'Ix ya'n eb' q'ue somnjoc smasnil eb' 'anma yowxi. 'Ix syamn eb' Pablo cha.

Dt 21:12

toto 'ixta', yowlal tzyij cot win 'ix 'a yatut, tzya'n win joxxoc 'el xil sjolm 'ix, tzlot'x 'el yech 'ix,