Nm 6:23 - Chuj San Sebastian Bible

²³ Al jun tic 'a Aarón yet' 'a eb' yunnal, a 'a yic 'oj yaln̈c eb' wach' paxti 'a yib'n̈ eb' eyit israelal, 'ixtc wal 'oj yutc eb' yalni:

Chuj San Mateo Bible

²³ Al d'a vin̈aj Aarón yed' d'a eb' yuninal, ayic syalan vach' lolonel eb' d'a yib'an̈ eb' eyetisraelal, syal eb' icha tic:

Nm 6:23 ပူးပေါင်းရင်းမြစ်များ

Gn 24:60

'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

Gn 47:10

Xlajw cha, xyaln can Jacob wach' paxti 'a yib'n̈ win rey cha, xlajw xoj cha, x'elt 'a yol sdespacho winac.

Gn 47:7

Xyi'n pax 'at José smam 'a yojltac win rey, sec wach' tzyojquej 'el winac; 'ix ya'n Jacob stzatzl sc'ojl win rey cha.

Gn 48:20

Atn wal 'a jun c'u cha, ata xyalcn Jacob swach' paxti 'a yib'n̈ eb' 'ixtic: —A eb' eyican b'aq'uin̈, 'oj sc'anlb'oc eb' e b'i yic tzyaln eb' wach' paxti 'a yib'n̈ junc 'anma'; 'oj yal eb' 'ixtic: Ya' cab' qui Mam Dios syaxilal 'a eb'an̈, 'icha xyutj ya'n 'a win Efraín, yet' 'a win Manasés, 'oj schic eb', xchi win Israel cha. 'Ixta xyutj win ya'n b'ab'ljoc win Efraín 'a win Manasés.

A Ch'an̈ B'ab'el Libro Yic Yab'ixal Eb' Rey 8:55

Xlajw cha, xq'ue wan lin̈an, xyaln wach' paxti 'a yib'n̈ smasnil eb' yit israelal, xyaln 'a caw 'ip 'ixtic:

1 Cr 23:13

Eb' yunnal Amram: atn Aarón yet' Moisés. Ax Aarón a si'x 'el yet' eb' yin̈tl yuj Jehová, yic tzyiln eb' jun tzo'n̈ tas to yic yaji, yic tzn̈usn eb' incienso 'a yojltac, yic tz'a'w servil eb' 'a 'a, yic tzyaln eb' wach' paxti 'a sb'i 'a smasnil tiempo.

2 Cr 30:27

Xlajw cha, 'ix q'ue wan lin̈n eb' ya'mal 'och sti eb' 'anma 'a Dios yet' eb' yit levitail, yic tzc'ann eb' syaxilal Jehová 'a yib'n̈ eb' chon̈ab'. Caw 'ix 'ab'x slesl eb' chi 'a satcha'an̈, atn 'a 'aj cajn Dios.

Ex 39:43

A yic xyiln Moisés to caw wach' x'aj 'el'ch sb'o jun tzo'n̈ tic yuj eb', 'icha yaj yaln can Jehová, 'ixta to b'i'an, xyaln can swach' paxti 'a yib'n̈ eb' chon̈b' cha.

Nm 6:22

'Ix yaln Jehová 'a Moisés 'ixtic:

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

1 Co 1:3

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

2 Co 13:14

Ya' cab' Cajlil Jesucristo swach'c'ojlal 'ayex, tzya'n pax Dios schamc'ojlal 'ayex. 'Aychn̈ej cab' Yespíritu Dios eyet'oc. [Ya' cab'i'.]

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

Dt 21:5

Tzlajw cha, ax eb' ya'mal 'och sti eb' 'anma 'a Dios, atn eb' yin̈tl can Leví, tzc'och eb' 'a stz'ey no'. Yujto a eb' sic'b'il 'el yuj Jehová qui Diosalec yic tz'ajx servil yuj eb', ax eb' tzc'ann swach'c'ojlal Jehová chi 'a eyib'an̈. Yuj tas tzyalcn eb' cha, tz'ajx can lajwc junc owal, mto junc chacjb'al 'a yol e chon̈ab'.

Dt 33:1

A yic jab'xoj sc'och stiempoal scham Moisés win schecb' Dios, 'ix syamn 'och yaln can wach' paxti 'a yib'n̈ eb' yit israelal.

A Ch'an̈ Carta D'a Eb' Hebreo 7:1

A win Melquisedec, sreyl chon̈b' Salem win 'a pecti'. Ya'mal 'och pax sti eb' 'anma win 'a Dios, atn jun caw niwn yel'chi. A 'a jun 'el, xit'nc Abraham yac' owl yet' jun tzo'n̈ eb' rey, yic yajx ganar eb' yu'uj. Ax yic spaxta, ax win Melquisedec xit' c'umnoc 'a yol b'e. Sc'anjnac win swach'c'ojlal Dios 'a yib'an̈.

A Ch'an̈ Carta D'a Eb' Hebreo 7:7

Cojquec, a mach tzc'ann swach'c'ojlal Dios 'a yib'n̈ junc xo mach, wal yel, yel xo niwn yel'ch 'a yib'n̈ jun 'aj tzc'an cot swach'c'ojlal Dios cha.

Josué 8:33

Ax eb' israel chi smasnil, eb' chuc chon̈b'al cajn 'a scal eb', eb' yichm wincal chon̈ab', eb' yajl yaj 'a scal eb' soldado, yet' eb' yajl tzb'on yaj eb' 'anma', 'ix spoj eb' snan̈al; nan̈l eb' 'ix can 'a yich witz Gerizim, ax nan̈l xo eb' xcan 'a yich witz Ebal. 'Ix cot q'ueln eb' schac'ajil 'a eb' ya'mal 'och sti eb' 'anma 'a Dios, atn eb' yin̈tl can Leví, eb' 'et'jnac te scaxail strato Jehová. 'Ixta 'ix 'aj yel'ch tas yaljnac can Moisés, atn win schecb' Jehová yuj tas tz'aj yalx wach' paxti 'a yib'n̈ eb' israel.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

2 Jn 1:3

Tzin nib'ej a qui Mam Dios, yet' Cajlil Jesucristo, atn Yunnal, tzch'ox swach'c'ojlal yet' sjunc'ojlal 'ayx ta'. Yujto cojtquec 'aj 'ay jun cuynb'il caw yel, 'ay pax qui chamc'ojlal.