Nm 6:20 - Chuj San Sebastian Bible

²⁰ 'Oj lajwc cha, ax sb'achn 'och win ya'mal 'och sti eb' 'anma chi jun tzo'n̈ chi 'a wojltac an Jehová in, atn sn̈i sc'ojl no xajmb'al yet' pax xub' no'. To tzsi'x can 'el jun tzo'n̈ cha, yic win ya'mal 'och sti eb' 'anma chi tz'aji. Ax yic tzlajw 'ec' jun tzo'n̈ cha, a jun xya'ch sb'a nazareoal cha, tztac' xo yu'n pax yal uva cha.

Chuj San Mateo Bible

²⁰ Slajvi chi', sb'achanoch juntzan̈ chi' vin̈ sacerdote chi' d'a vichan̈ a in Jehová in tic. A juntzan̈ chi' sic'b'ilel vicoc, yic eb' sacerdote chi' yaji yed' pax sn̈isc'ol noc' sb'achchajoch d'a vichan̈, xub' noc' to sic'chajcaneli, yic vin̈ sacerdote chi' yaji. Ayic toxo ix lajvi masanil juntzan̈ chi', a jun yac'nacoch sb'a nazareoal chi', tzaxo yal yuc'an vino.

Nm 6:20 ပူးပေါင်းရင်းမြစ်များ

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Is 25:6

A Jehová tztac' yuj smasnil, a 'a tzaln Sión ata 'oj sb'o jun niwn wa'el. 'Oj yac' wa smasnil eb' nacion̈ ta', a jun schib'l wal cha, caw wal wach', ax ya'n yuc' eb' yal uva jawnac sti', atn jun yal uva to caw wach' yaj sb'o'i.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Lv 7:30

Caw a tz'i'n cot jac no tz'a chi 'a wojltac, no sn̈i sc'ojol yet' xepual, tzb'achx 'och 'a wojltac.

Lv 7:31

A no xepu cha, tz'ajx tz'a no 'a yib'n̈ yet'l xajmb'al yuj win ya'mal 'och sti eb' 'anma', ax no sn̈i sc'ojl cha, yic Aarón yaj no yet' eb' yunnal.

Lv 7:32

A win ya'mal 'och sti eb' 'anma cha, a win tz'a'n 'och no schic'l chi yet' no xepu chi 'a wojltac, a no xub' no xajmb'al chi 'a swach', yic win tz'aj no'.

Lv 7:34

A no sn̈i sc'ojl tzb'achx 'och 'a wojltac yet' no xub' 'a swach' cha, an tzwac' no 'a Aarón yet' 'a eb' yin̈til. A jun tzo'n̈ tic yicn̈ej eb' yaj 'a no xajmb'al yic junc'ojlal tzyac' eb' israel 'ayin, xchi Dios 'a Moisés.

Lv 9:21

Palta, ax no sn̈i sc'ojol, yet' no xub' 'a swach', ton̈j xb'achx 'och no 'a yojltac Jehová, 'icha 'ix yutj yaln 'a Moisés.

Zacarías 10:7

A eb' 'aj Israel, caw te'n 'oj 'aj eb' 'icha soldado, 'oj tzaljoc chan̈ eb' 'icha eb' tzalj yu'n yal uva jawnc sti'. A yic 'oj yilnc yunnal eb' jun tic, 'oj tzaljc pax eb'. Caw 'oj tzaljc sc'ojl eb' yuj in colwal.

Zacarías 9:15

A Jehová tztac' yuj smasnil, a 'oj colwjoc 'a eb' schon̈ab'. A yet' smejech eb', ax ste'x 'ejm eb' chuc chon̈b'al yuj eb', 'oj 'ajxoc ganar eb' 'ajc'ojl yuj eb'. Caw 'oj ya'l eb' schon̈b' chi yaw 'a scal owal, 'icha eb' 'u'm 'an̈. 'Oj 'elcn schic'l eb' 'ajc'ojl chi yuj eb', 'icha wal tzyac' schic'l no xajmb'al 'ay 'a yol niwc waso yic tztob'x 'ejm 'a yib'n̈ sch'ac junc yet'l xajmb'al.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Nm 18:18

Ec tz'aj no schib'jal cha, no sn̈i sc'ojol, yet' no xub' 'a swach', yujto a jun xajmb'al cha, to niwn yel'chi.

Nm 5:25

Tzchan 'ec' jun ya'mal 'och sti eb' 'anma chi jun ofrenda yic c'a'lc'ojlal chi 'a yol sc'ab' 'ix; ax win tzwul 'a'nc 'a wojltac,

Nm 6:21

Atn jun checnb'il tic 'a junc mach tzta'wj stic 'ayn an Jehová in, yic tzya'n 'och sb'a nazareoal. Yowlal 'oj yac' jun tzon̈ ofrenda tic 'ayin. Toto tznib'j tzyac' sti ya'n jun tzo'n̈ocx ofrenda 'a yib'n̈ 'icha sleyal, yowlal tzyiclj sb'on 'a tas 'aj tzyac' sti cha, xchi Dios.

Mt 26:29

Palta tzwalcn 'ayx ticnec, man̈x 'a junc yal uva 'oj wuc', masnto 'a jun c'u 'oj wuc' jun yal uva 'a't eyet'oc, at 'a yic 'oj 'och qui Mamc Yajlil, xchi 'a eb'.

Mr 14:25

Wal yel tzwal 'ayex, man̈x 'a junc yal uva 'oj wuc', masnto 'a jun c'u 'oj wuc' jun yal uva 'a't 'a yic 'oj 'och Dios Yajlil, xchi Jesús 'a eb'.

Jn 19:30

'Ix stz'ub'ni. Xlajwn̈ej cha, 'ix yaln 'ixtic: —Tox 'ix b'o 'el'ch smasnil, xchi. Xlajw xoj cha, 'ix 'em n̈ojnjoc, 'ix chami.