Nm 6:15 - Chuj San Sebastian Bible

¹⁵ An̈jtona', yowlal tz'ajx pax junc yune xuc 'ixm pan may yich, b'ob'il 'a 'ixm harina caw wach', calb'il yet' aceite. Tz'ajx pax 'ixm c'oxox pan may yich, 'aych aceite 'a 'a. Junn̈j tzyutj ya'n yet' yofrendail 'ixm harina yet' pax yic te yal uva.

Chuj San Mateo Bible

¹⁵ An̈ejtona', yovalil syac' junoc yune' mooch ixim pan malaj yich, a ixim harina te vach' ayoch d'ay calab'il yed' aceite. Syac'pax ixim c'oxox pan malaj yich, ayoch aceite d'ay. Junn̈ej tz'aj yac'an yed' yofrenda d'a ixim trigo yed' vino d'in̈antaxon yac'ani.

Nm 6:15 ပူးပေါင်းရင်းမြစ်များ

Ex 29:2

Tza'n b'o pax 'ixm pan yet' harina caw wach'. Tza'n b'o 'ixm niwc pan may yich; caw wach' tz'aj scalx yet' aceite; tza'n b'o pax 'ixm c'oxox pan may yich, tzicx 'och pax aceite 'a 'a.

Is 62:9

Palta to caw ax 'oj e mol chan̈ sat eyawb'en, ax laj e c'uxni. 'Oj eyal e wach' paxti 'ayn yu'uj. 'Oj e mol chan̈ sat eyuva, ax eyu'n te yalil chi 'a yamq'uil sti in cajnub', xchi Dios.

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.

Jl 1:9

'Ixta cab' tz'aj yoc' eb' ya'mal 'och qui ti 'a Dios, yujto man̈x 'a tas tzc'uxxi, man̈x 'a pax yal uva 'a yatut Dios, atn wal jun tzo'n̈ ofrenda tz'ajx 'a Jehová.

Jl 2:14

Meltzjan̈c 'a 'a, toq'ue matz ya'ch yailal 'a quib'n̈ec, ax tz'aji, tzya'n cot yaxilal 'a quib'n̈ec, atn qui trigo, yet' yal qui uva. Yuj cha, 'ay tas tztac' ca'nec ofrendail 'a 'a.

Lv 2:4

A yic tz'ajx junc ofrenda c'anb'nac 'a yol jorna 'ayin, b'ob'il cab' yet' 'ixm harina caw wach', 'ixm may yich, pim tz'aj sb'o'i, tzcalx yet' aceite. Tztac' pax sb'o c'oxoxal, b'on̈b'il cab' yet' aceite.

Lv 7:12

Toto a junc no xajmb'al tz'ajx cha, yic alj yuj diosal yaj no', yowlal tz'ajx 'ox c'ajoc 'ixm pan may yich yet' no'. Chab' pan pim tz'aji tzcalx yet' yaceiteal te olivo, yet' jun tzo'n̈ c'oxox pan, tzq'ue aceite 'a yib'an̈.

Lv 8:2

'Ij cot Aarón yet' eb' yunnal, tze'n pax cot spichl eb' tzya'ch 'a yic tzyiln yopiso ya'malc 'och sti eb' 'anma 'ayin, yet' pax perjuma tzc'anlb'ax 'a yic tzsi'x can 'och eb' 'a yopiso cha. Tze'n cot pax junc no quelm wacx 'oj 'ajxoc xajmb'al-l yuj yajx lajwc mul, chawn̈oc no calnelu, yet' junc yune xuc 'ixm pan may yich.

Lv 9:4

Tzyi'n cot eb' junc xo no wacax, yet' junc xo no mam calnelu; tzmilx cham e no 'a yojltac Jehová xajmb'alil, yic tzch'oxn 'eli, to 'ay junc'ojlal 'a scal eb' 'anma yet' Dios. Tzyi'n pax cot eb' ofrenda 'a 'ixm sat trigo mto 'ixm cebada, calb'il yet' aceite, yujto a Jehová 'oj sch'ox sb'a 'ayx ticnec, xchi Moisés 'a Aarón.

Nm 15:10

chab' pax litro yal uva tz'ajx yet'oc, yujto a jun tzo'n̈ cha, xajmb'al to tz'a'i, wach' sjab' tzwab'i.

Nm 6:16

Ax win ya'mal 'och sti eb' 'anma cha, a 'oj wul 'a'nc junc no xajmb'al yuj mul chi 'a wojltac, yet' pax no xajmb'al tz'ajx tz'a smasnil,

1 Co 10:31

Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

1 Co 11:26

Yuj cha, a yic tzqui wanec jun pan tic, tzcu'lb'anec jun vaso tic 'a junjn 'ejem, tzqui ch'oxnec 'el schaml Cajlilec. 'Ixtc 'oj qui b'o'ec, masnto 'oj jawc pax Cajlilec cha.