Nm 5:7 - Chuj San Sebastian Bible

⁷ Yowlal tzyojquej 'el tas 'aj tz'och smul cha. An̈jtona', yowlal pax tzyac' sjel jun 'aj tzsay smulc cha, tzya'n pax junc xo yomacn̈il 'a yib'n̈ 'icha 'aj tz'och smul cha.

Chuj San Mateo Bible

⁷ Yovalil syojtaquejel spaltail chi'. An̈ejtona', yovalil syac'xi sq'uexul tastac ix yixtejb'at chi', syac'an jab'ocxo d'a yib'an̈ stojol juntzan̈ chi'.

Nm 5:7 ပူးပေါင်းရင်းမြစ်များ

Salmos 32:5

Mamin Jehová, 'ix wojquej 'eli to x'och in mul 'ayach. 'Ix yaln in c'ojl waln q'uet in mul cha, may tas xin c'ub'j can 'eli. Ach xo, 'ix ac' lajwc in mul chi 'a wib'an̈.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Lv 26:40

Yujto 'ix 'och stenmtacl eb' 'ayin, yuj cha, 'oj woch 'ajc'ojlal 'a eb', ax wa'n can 'at eb' 'a schon̈b' eb' 'ajc'ojl yajch 'a eb' cha. Toto 'oj sna sb'a sc'ojl eb' 'aj pit 'oj yutc sb'a 'ayin, ax yi'n 'ejm sb'a eb' 'a wojltac yuj yaln q'uet' eb' smul yet' e mul ax tic, tzyactn can eb' sb'on masych'olnilal,

Lv 5:15

Q'uinloc 'ay mach man̈ sc'anc sc'ojl tzya'ch smul, yic matz yac' tas to wicn̈ej yaj an Jehová in, a jun cha, yowlal tzyij cot junc no mam calnelu may spaltail 'a wojltac, yic tz'och no xajmb'al-l yuj stojloc smul cha. A no tzyij cot 'ayn cha, yowlal tznaxi jantc tz'el'ch stojl no 'a q'uen plata, 'icha q'uen 'echtab' tzc'anx 'a in cajnub'.

Lv 5:16

A jun 'anma cha, yowlal tzyac' sjel tas 'aj 'ix 'och smul 'a tas to wicn̈ej yaj cha. Yowlal tztoj junc xo yomacn̈il 'a 'icha stojol, tzya'n 'a junc win ya'mal 'och sti eb' 'anma cha. Junn̈j tzyutj ya'n yet' no calnelu tzyac' xajmb'al-l yuj smul cha. Ax win ya'mal 'och sti eb' 'anma chi tzb'on no xajmb'al cha. 'Ixta to b'i'an, tz'ajx can lajwc smul cha.

Lv 5:5

A mach tz'och smul 'a jun tzo'n̈ tic, yowlal tzchaj 'och smuloc.

Lv 7:7

A no xajmb'al yic stojl mul, lajnn̈ej yel'ch yet' no xajmb'al yic tz'ajx lajwc mul. A no chib'j yic jun tzo'n̈ xajmb'al cha, yic win ya'mal 'och sti eb' 'anma chi yaji.

Nm 5:8

Toto tox xcham junc 'anma chi 'aj say smuloc, mto man̈x 'a pax junc mach 'ayt yuj sb'a yet'oc, junc smoj schan sjel junc tas cha, to 'ixta', a junc cha, tz'ochcn wico'oc, ax 'a yol sc'ab' junc ya'mal 'och sti eb' 'anma tzcani. An̈jtona tzya'n pax junc no mam calnelu xajmb'aloc, sec wach' tz'ajx can lajwc smul jun 'anma cha.

Lc 19:8

Ax win Zaqueo cha, 'ix q'ue lin̈an, 'ix yaln 'ixtc 'a Cajlil: —Al ticnec Mamin, jantcn̈ej tas 'ay 'ayin, spacl 'oj wutoc. 'Icha wic 'oj canoc, 'ixta 'oj wac' a eb' meb'a'. Toto 'ay eb' xlaj wixtoc, xlaj welc' stumin, chan̈ 'ejm 'oj in jel 'a eb', xchi winac.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.