Nm 5:18 - Chuj San Sebastian Bible

¹⁸ Tzyi'n 'och wan win 'ix 'a wojltac, tzyi'n 'el win spotl sjolm 'ix, tzya'n 'och win jun ofrenda yic c'a'lc'ojlal chi 'a yol sc'ab' 'ix, yic tzya'n checljoc 'el smul 'ix; ax win ya'mal 'och sti eb' 'anma cha, a tz'i'n cot a a caw c'a, jun tz'i'n cot yailal,

Chuj San Mateo Bible

¹⁸ Tz'och lin̈an ix ix chi' yuj vin̈ sacerdote chi' d'a vichan̈ a in Jehová in tic, syic'anel sc'ox ix, tz'ac'jipaxoch jun ofrenda yuj c'ac'alc'olal chi' d'a yol sc'ab' ix. Axo vin̈ sacerdote chi' ed'jinacq'ue a a' c'a' tz'ic'ancot yaelal,

Nm 5:18 ပူးပေါင်းရင်းမြစ်များ

Pr 5:4

palta ax 'a slajub', lajn 'ix 'icha sc'al te 'ixaj, 'icha tzon̈ 'aj qui lajw yuj q'uen espada chab' ye.

Ec 7:26

'Ay wal jun tas yel xo wal tu x'ilchj wuj 'a yib'n̈ chamel. Atn 'ix 'ix caw wal 'ay smon yejm win winc yu'uj, man̈xtzac yactj 'el 'ix win winc cha. A win winc yiclum 'a Dios, matz 'ejm win yuj 'ix, palta ax win tzb'on xon maysch'olnil, tzmonchj win yuj 'ix.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Lv 13:45

A mach ya'ay yuj lepra cha, yowlal jatquixtac spichl tzya'chi, tz'el pax sc'oxl sjolom, tzmacx sat yic tz'at 'a scal 'anma'. Yowlal tz'el yaw tz'eq'ui. 'Ixtcn̈ej tzyutj yalni: 'Aych yab'il 'ayin, man̈ ex jawc 'a in tz'ey, xchi.

Nm 5:15

A chab' nab'en tic, a win winc cha, tzyij 'at win 'ix yistl chi 'a yojltac win ya'mal 'och sti eb' 'anma'. Tzlajw cha, tzya'n chan̈e'oc libra 'ixm harina cebada 'icha ofrendail yuj 'ix. Matz secx 'ejm aceite 'a yib'n̈ 'ixim, matz 'ajx pax incienso yet'oc, yujto a jun ofrenda cha, yic c'a'lc'ojlal yaji, ofrenda yic tzya'n checljoc 'el 'ajmulal.

Nm 5:17

Ax win ya'mal 'och sti eb' 'anma cha, yajn̈ej tzyi'n cot jac a a to wicn̈ej yaj 'a yol junc 'uc'ab', tzyi'n chan̈ jac pococ 'ay 'a in cajnub', tzya'n 'ejm 'a scal a a cha.

Nm 5:19

ax 'oj 'a'nc yac' 'ix 'ix chi sti', 'oj yalnc 'a 'ix 'ixtic: Toto caw yel may 'aj ach muln yet' junc winc 'a yol sc'ab' echmil tic, may pax junc winc xa c'umej, yic tzach juw 'el yu'uj, to 'ixta', may tas 'oj aji, yic 'oj o'nc a a c'a 'et'jnac yailal tic.

Nm 5:22

Atn wal jun yailal chi 'oj jawc 'a eb'an̈, yic 'oj o'nc 'ejm jun a a 'et'jnac yailal tic, 'oj schic win 'a 'ix. Ax sta'w 'ix 'ix chi 'ixtic: B'o cab' 'ixta', xchi 'ix.

1 Co 11:15

Ax eb' 'ix 'ix, yujto niwc xil sjolm eb', yel xo wach' yilx eb'. A yopiso xil sjolm eb' cha, tzch'oxo, to smoj 'ay tas 'ay q'ue 'a sjolm eb'.

1 Co 11:6

Toto 'ay eb' 'ix 'ix matz yal sc'ojl tzyac' q'ue junc tas 'a sjolom, wach' joxx cab' 'el sjolm eb' cha. Toto tzq'uixw eb', yic tzjoxx 'el sjolm eb' cha, yac' cab' q'ue eb' junc tas 'a sjolm cha.

Dt 29:18

Comnoc may junc mach 'a qui calc tic, winac mto 'ix, mto eyunnal, mto eyisil, mto junc 'in̈tal eb' quit chon̈b'ec tz'actn can Jehová qui Diosalec, yic tzyaln sb'a 'a sdiosal jun tzo'n̈ xo nacion̈ cha. Comnoc may junc ex lajn ex 'icha junc yib' te tzq'uib' swol, caw c'a sat tzyac'a, tzcham 'anma yu'uj.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

A Ch'an̈ B'ab'el Libro Samuel 15:32

Xlajw cha, xyaln Samuel chi 'ixtic: —'Ijec cot win Agag sreyl can eb' amalecita, xchi. Ax yic xjaw lin̈n win 'a yojltac Samuel, caw tzcob' tzaljoc yic xjawi, am wal snani tox 'ix 'ec' chaml 'a yib'an̈.