Nm 4:49 - Chuj San Sebastian Bible

⁴⁹ 'Ix 'ijx q'ue wan sb'isl eb' winc tic, xlaw cha, 'ix alx 'a junjn eb' tas yowlal 'oj sb'o eb', yet' tas smoj 'oj yi't eb', 'icha 'ix yutj Jehová yaln 'a Moisés.

Chuj San Mateo Bible

⁴⁹ A jun sb'isul tic, ix ic'chajq'ue vaan, ix alchaj d'a junjun eb' tastac sc'ulej yed' tastac syic'b'ati, icha ix aj yalan Jehová d'a vin̈aj Moisés.

Nm 4:49 ပူးပေါင်းရင်းမြစ်များ

Nm 1:47

A eb' yin̈tl Leví, ma'ix 'och eb' sb'isloc eb' yit israelal cha,

Nm 1:54

'Ix syiclj eb' israel sb'on smasnil tas xyal Jehová 'a Moisés.

Nm 2:33

Ma'ix 'och eb' levita sb'isloc eb', 'icha yutjnac Jehová yaln 'a Moisés.

Nm 3:51

Xlajw cha, xya'n Moisés q'uen 'a Aarón yet' 'a eb' yunnal, 'icha wal xyutj Jehová yalni.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Nm 4:21

'Ix yaln pax Jehová 'ixtc 'a Moisés:

Nm 4:24

A smunljel eb' yin̈tl Gersón, atn tic:

Nm 4:31

A smunljel eb', to a eb' tz'i'n 'at smasnil te stel Mantiado cha, atn ya'nte'al, scan̈nub'al, yoyal, sb'achnub'al; smasnil te 'oy oyn 'och 'a stitc yamq'uil in cajnub', sb'achnub'al, sch'an̈il, yistacail yet' smasnil syamc'ab'il tzc'anx 'a 'a. A Itamar onnal, a 'oj alnoc 'a eb' yin̈tl Merari tas 'oj sb'o junjn eb' yet' tas smoj yi'n 'at junjn eb', xchi Dios.

Nm 5:1

'Ix yaln Jehová 'a Moisés 'ixtic: