Nm 4:19 - Chuj San Sebastian Bible

¹⁹ sec wach' ma'oj comn cham eb', yic tzyamn eb' jun tzo'n̈ tas to wic yaji. Yowlal tze b'eylb'ej jun tzo'n̈ 'oj wal tic: Ach Aarón ach tic yet' eb' onnal, yowlal ax 'oj eyal 'a eb' tastc 'oj sb'o junjn eb', yet' pax tastc 'oj yic' eb'.

Chuj San Mateo Bible

¹⁹ Yic max javi chamel d'a yib'an̈ eb', yuj syaman eb' tastac to vicn̈ej yaji, yovalil tze b'eyb'alej juntzan̈ tic: Ach Aarón yed' eb' uninal, yovalil tzex och yed' eb' d'a yol in cajnub'. A ex tzeyal d'a eb' tastac syic'b'at junjun eb'.

Nm 4:19 ပူးပေါင်းရင်းမြစ်များ

A Ch'an̈ Schab'l Libro Samuel 6:6

Ax yic xjaw eb' 'a jun 'amc' 'aj tzte'x strigo win Nacón, 'ix ya'n 'at Uza sc'ab' 'a te scaxail strato Dios, yic tzyamn 'och wan te snani, yujto xtelw e no mam wacx to'jnac te careta cha.

Ex 19:21

'Ix yaln Jehová 'ixtc 'a 'a: —A ticnec, 'ixic, 'at al 'a eb' et chon̈b' cha, to matz tac' sc'axw 'e't eb' 'a 'aj 'aycn 'ejm yechl o'oj, matz tac' ya'n pural eb' in yilni; to ma'ay, 'ay smay niwn eb' 'oj chamoc.

Nm 1:51

Toto 'ay 'aj 'oj 'ijxoc 'ati, a eb' 'ajcuenta xuyn cha'an̈, tzb'on pax 'ejm eb' 'a 'aj tzc'och cha. Tzann̈j 'anmal tzjaw 'a stz'ey in cajnub' cha, toto man̈ levitaoc, tojln̈ej schami.

Nm 18:3

Atn eb' 'oj munljoc et' 'a in cajnub' cha, palta checln̈ej 'aj wach' scolwj eb'. Matz tac' yochch eb' 'aj 'ay syamc'ab'il in cajnub', mto 'a yet'l xajmb'al. Toto ma'ay 'oj cham eb', ax e cham pax jun xo.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Nm 4:18

Man̈ e cha satl eb' yin̈tl Coat 'a scal eb' levita,