Nm 32:3 - Chuj San Sebastian Bible

^3-4 —'Iltec wal lum lum macb'il yuj chon̈b' Atarot, Dibón, Jazer, Nimra, Hesbón, Eleale, Sebam, Nebo yet' Beón. Caw wal wach' swa no cajb'en noc' 'a lu'um. A Jehová x'i'n can 'ec' lu'um, yic tz'och lum quico'oc an̈ israel on̈c tic. 'In eyojc pax si'mb'il to cajm on̈ noc' an̈ tic on̈.

Chuj San Mateo Bible

^3-4 —Ilec val lum macb'il yuj juntzan̈ chon̈ab' tic: Aton Atarot, Dibón, Jazer, Nimra, Hesbón, Eleale, Sebam, Nebo yed' Beón, te vach' sva masanil noc' molb'etzal noc' d'a juntzan̈ lum luum tic. Yuj scolval Jehová ix quic'canec' luum yic tz'ochcan lum quicoc a on̈ israel on̈ tic. Eyojtacpaxi to ay juntzan̈ noc' noc' tic molb'il cuuj.

Nm 32:3 ပူးပေါင်းရင်းမြစ်များ

Nehemías 9:22

'Ix ac' jun tzo'n̈ chon̈ab' yet' jun tzo'n̈ nacion̈ 'a eb'. Xa pojn 'ec' slum eb'. Xchan eb' smacl lum 'a Hesbón, atn 'a jun chon̈b' chi 'aj 'aych win Sehón reyal, yet' 'a Basán, 'a 'aj 'aych win Og reyal.

Is 15:6

'Oj tup chan̈ eb' a a 'a yol yic Nimrim, ax stacj chan̈ smasnil te c'ultac. Man̈x 'a xon junc te c'ultc yax xil 'oj canoc.

Jeremías 48:1

A Jehová tztac' yuj smasnil, atn sDiosal Israel, a 'ix aln 'ixtc 'a yib'n̈ chon̈b' Moab: ¡'Oltac wal chon̈b' Nebo, caw 'ix lan̈chj 'ejmi! An̈jtona pax chon̈b' Quiriataim, tox 'ix 'ajx ganar, caw 'ix 'ijx 'ejmi. Tox 'ix ma'x 'ejm lan̈chjoc smuroal 'a sat lu'um.

Jeremías 48:2

Tox 'ix lajw 'ejm sb'inab'ilal Moab. A 'a chon̈b' Hesbón, ata tzmol alj eb' 'ajc'ojol, tas 'oj yutc eb' satn 'el nacion̈ Moab 'a jun 'ejmn̈ej. An̈jtona pax chon̈b' Madmena, 'oj lajwc 'eli, a jun owl cha, ma'oj 'och wan ya'n lajwc 'eli.

Jeremías 48:32

Yel xo wal niwn 'oj woc' yuj chon̈b' Sibma 'a yib'n̈ 'icha tz'aj yoc' eb' 'aj Jazer. Yujto a yawb'en uva eb', caw tzc'axw 'ec' 'a junx sc'axpil 'ec' sti a mar, masnto tzc'och 'a sti a yic Jazer. Palta ax ticnec, 'ix jaw eb' 'oj satnc 'el sat te uva cha, yet' sat jun tzo'n̈ xo 'awb'en.

Jeremías 48:34

A eb' 'anma 'aj Hesbón, caw tz'el yaw eb' yuj yailal. Tzc'och yel yaw eb' 'a Eleale yet' 'a Jahaza. Tzc'och pax yel yaw eb' 'a Zoar masnto 'a Horonaim, yet' pax 'a Eglat-selisiya, an̈jtona eb' a spac'b'a 'a Nimrim 'ix tup chan̈ eb' a'.

Jeremías 48:45

A eb' wan cob' s'at 'eloc, man̈x 'a yip eb', 'oj 'at say eb' 'aj tz'at scol sb'a 'a Hesbón. Palta a 'a Hesbón cha, atn schon̈b' win rey Sehón, ata 'oj n̈ilchjoc 'elt c'ac' 'a 'a, caw 'oj b'eyn̈j s'at c'ac' cha. 'Oj sn̈usn̈j tz'a jun tzo'n̈ lugar cha, masnto 'oj c'och 'a lum jolmctac witz 'a yol snacion̈ jun tzo'n̈ caw tzcob' sb'an̈ sb'a cha.

Ez 25:9

Yuj cha, 'oj in jac jun b'e 'a smon̈jonal Moab, ax slajw 'el jun tzo'n̈ chon̈b' caw nib'jub'tac yilxi, atn chon̈b' Bet-jesimot, Baal-meón yet' Quiriataim.

Nm 21:28

A 'a lum Hesbón cha, lum schon̈b' Sehón, ata 'ix n̈ilchj cot jun c'ac' xlajn 'el chon̈b' Ar 'a yol yic Moab. 'Ix lajw pax 'el eb' yajl yaj 'a eb' chon̈b' 'ay 'a spa'nil q'ue sti a Arnón.

Nm 21:30

Ax ticnec, tox 'ix lajw 'ejm sjelnal eb' 'aj Hesbón. 'Ix lajw 'el eb' 'aj Dibón masnto xc'och slajw 'el eb' 'a Nofa 'a stz'ey Medeba, xchi eb'.

Nm 21:32

Xlajw cha, 'ix schecn 'at Moisés jaywn̈ eb' winac, yic tz'at yilnoc eb' tas yaj chon̈b' Jazer. 'Ix ya'n eb' israel owl yet' eb' 'anma cha, 'ix ya'n ganar eb' israel spechn 'el eb' amorreo cajn 'a jun tzo'n̈ xo chon̈b' 'a sla'nil cha.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Nm 32:2

Yuj cha, 'ix 'at eb' sc'umc Moisés, yet' Eleazar win ya'mal 'och sti eb' 'anma 'a Dios yet' 'a eb' yajl yaj 'a scal eb' chon̈b' cha. 'Ix yaln eb' 'ixtc 'a eb':

Jueces 11:26

An̈ israel on̈ tic, 'ayx 'oxe ciente ab'il qui cajn chon̈b' Hesbón yet' yaldeail, xqui cajn pax chon̈b' Aroer yet' jun tzo'n̈ xo aldea 'a stz'ey, xqui cajn eb' lum chon̈b' 'ay 'a sti a Arnón. ¿Tas yuj man̈oc ta e c'anb'jnac lum 'a yic jun tiempoal cha?