Nm 32:29 - Chuj San Sebastian Bible

²⁹ —Toto smasnil ewin yin̈tl Rubén yet' eb' yin̈tl Gad, lista yaj eb' 'a owal yic tz'ec' eb' eyet' 'a yojl a Jordán 'a yojltac Jehová, tzcan eb' eyet'oc masnto tzeyac' ganar eyi'n can 'ec' lum lum chi yet' eb', to 'ixta', tzeya'cn lum Galaad yico'oc eb'.

Chuj San Mateo Bible

²⁹ —Tato masanil eb' vinac d'a yin̈tilal Gad yed' d'a yic Rubén lista yaj yac'an oval, ol ec' eb' eyed'oc d'a yol a' Jordán icha yalan Jehová, masanto ol eyic' lum luum chi', ichato chi' tzeyac'an lum Galaad tic smacb'enoc eb'.

Nm 32:29 ပူးပေါင်းရင်းမြစ်များ

Nm 32:17

An̈ xo an̈ tic on̈, tzca'x lista pax qui b'a on̈, tzon̈ b'ab'lj pax yuj eb' quit israelal tic, masnto tzc'ochcn eb' 'a sat slum cha. Ya' sb'a ax eb' 'ix quistl on̈ yet' eb' cunnal on̈, junc'ojlal yajcn eb' 'a jun tzo'n̈ chon̈b' tic, yujto wach' tz'ajcn 'och smuroal, sec may tz'aj eb' yuj eb' 'anma cajn 'a jun tzo'n̈ lugar tic.

Nm 32:28

Xlajw cha, xyaln can Moisés 'ixtc 'a Eleazar win ya'mal 'och sti eb' 'anma 'a Dios, yet' 'a Josué yet' pax 'a smasnil eb' yajl yaj 'a scal junjn c'aj eb' yin̈tl Israel cha:

Nm 32:30

Palta toto matz 'at eb' 'a owl chi eyet'oc, to 'ixta', ata tzeyac' smacl lum eb' chi eyet' 'a lum Canaán cha, xchi Moisés.

Josué 12:6

Atn eb' rey chi 'emnc yuj Moisés win schecb' Jehová, yet' pax yuj eb' soldado israel. Ax Moisés cha, a 'ix 'a'n can jun tzo'n̈ lum tic 'a eb' yin̈tl Rubén, 'a eb' yin̈tl Gad yet' 'a spacl eb' yin̈tl Manasés.

Josué 13:11

Xyique'ej eb' lum Galaad, atn lum slum eb' guesureo, yet' pax lum yic eb' maacateo, smasnil lum switzl Hermón, yet' pax smasnil lum yic Basán, masnto 'a Salca.

Josué 14:3

A 'a yic yaln̈taxi, 'ix ya'n can Moisés lum 'ay 'a sc'axpil 'ec' a Jordán 'a nan̈l yoxc'ajil 'in̈tal.

Josué 18:7

Ax pax eb' yin̈tl Leví, may xon slum eb' 'oj yic'. A tas yic eb' yaji, atn ya'malc 'och sti eb' 'anma 'a Dios. A pax eb' yin̈tl Gad yet' eb' yic Rubén, yet' spacl xo eb' yin̈tl Manasés, 'ayx can smacl lum eb' 'a stojlal 'aj tzq'uel c'u 'a sti a Jordán, atn lum xya'cn Moisés win schecb' Jehová, xchi Josué 'a eb'.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.

Jueces 10:3

Xlajw cha, ax Jair win 'aj Galaad, a win x'ochx can yac' yajlil 'a chab'schawinc ab'il.

A Ch'an̈ B'ab'el Libro Samuel 18:17

Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.