Nm 32:13 - Chuj San Sebastian Bible

¹³ Yuj cha, xcot yowl sc'ojl Jehová 'a quib'n̈ec, chawinc ab'il on̈ oyyec 'ec' 'a lum cusltac lum yu'uj, masnto 'ix satl eb' 'anma chi smasnil, man̈x 'a xon junc eb' xcani, yujto ma'ix syiclj eb' tas xyal Jehová.

Chuj San Mateo Bible

¹³ Cot yoval Jehová chi' d'ayon̈, yuj chi' 40 ab'il on̈ ec' d'a tz'inan lum yuuj, masanto ix satel masanil eb' maj c'anab'ajani, man̈xo junoc eb' ix cani.

Nm 32:13 ပူးပေါင်းရင်းမြစ်များ

Salmos 107:4

'Ay eb' quit chon̈b'ec xlaj satc' 'a lum cusltac lum sch'ocoj, ma'ix 'ilchj sb'e eb' 'aj xlaj 'ati, yic tzc'och cajn eb' 'a junc chon̈ab'.

Salmos 78:33

Yujn̈ej wal cha, 'ix satn 'el Dios eb', 'icha wal yic tzqui'n quic', 'ixta x'aj eb' satl 'a scal xiwc'ojlal.

Salmos 95:10

Chawinc ab'il stzuntzjnac cot eb' 'anma chi wowal, yuj cha, waln 'ixtic: A eb' 'anma tic, chucchc 'aj 'aych snab'en eb', ma'ix ya'ch eb' sc'ojl 'a tas xwac' scuyu'.

Ex 16:35

A eb' israel cha, chawinc ab'il sc'ux eb' maná, masnto 'ix jaw eb' 'a smon̈jonal lum Canaán.

Am 2:10

Palta ax tic, wijnac 'elt eb' e mam eyichm 'a Egipto, chawinc ab'il wijnac b'ey eb' 'a lum cusltac lu'um, yuj wa'n slum eb' amorreo chi 'a eb'.

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

Nm 14:32

Ax xo ax tic, 'oj can t'ocn e niwnal 'a lum cusltac lum tic.

1 Co 10:5

Wach'xam 'ixta 'ajnc eb', palta an̈ja til wal eb' maysch'olnil snab'en 'a sat Dios. Yuj cha, chamnc can eb' 'a jun cusltac lum 'aj 'e'nc cha.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.

Jueces 2:20

Yuj cha, xcot yowl Jehová 'a eb', xyaln yuj eb' 'ixtic: A jun tzo'n̈ 'anma tic, caw matz yiclj eb' jun trato ya'jnac can smam yichm eb' wet'oc, matz tzyab' eb' tas tzwala.