Nm 32:1 - Chuj San Sebastian Bible

¹ A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Chuj San Mateo Bible

¹ A eb' yin̈tilal Rubén yed' eb' yic Gad man̈xo jantacoc noc' smolb'etzal noc' eb'. Ayic ix yilan eb' to a lum scuchan Jazer yed' Galaad, te vach' lum yic smolji noc' noc',

Nm 32:1 ပူးပေါင်းရင်းမြစ်များ

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

Gn 13:5

A Lot, jun tz'ec' yet' Abram, til wal scalnelu, swacax, yet' schecb' tzmunlj yet'oc.

Gn 29:32

Scuchn chan̈ 'ix Lea yune', ax yic x'alj jun swinc 'unn 'ix, xya'n eb' sb'ic Rubén, yujto xyal 'ix 'ixtic: A Jehová, a x'ilni to patcab'iln 'el yuj wichmil, ax ticnec 'oj in chamc'ojlax yu'uj, xchi 'ix.

Gn 47:4

On̈ jaw 'a jun lugar tic, yujto a 'a Canaán 'aj cajn on̈, caw wal 'ay wejel, man̈x 'a pax 'aj wach' swa qui calnelu on̈, yuj cha, tzon̈ tew 'och 'ayach, comnoc tzchaj a c'ojl tzon̈ can cajn 'a lum Gosén, xchi ewinac.

A Ch'an̈ Schab'l Libro Samuel 24:5

'Ix 'ec' eb' 'a a Jordán, 'ix schan 'el eb' yich sb'isn 'a Aroer, jun chon̈b' 'ay 'a snan̈l jun lum pan̈n 'a'lic, 'ix 'ec' eb' 'a yol yic Gad masnto 'ix c'och eb' 'a Jazer.

A Ch'an̈ Schab'l Libro Samuel 24:6

Xlajw cha, 'ix 'ec' eb' 'a Galaad, yet' 'a lum Cades, atn lum yic eb' hitita. 'Ix 'ec' pax eb' 'a Dan, 'ixta to b'i'an, 'ix meltzj eb' 'a stitc yic Sidón.

1 Cr 4:41

Palta a 'a yol stiempoal Ezequías sreyl Judá, ata xjaw jun tzo'n̈ eb' tox 'ix b'inax sb'i tic. 'Ix satx 'el eb' 'anma cajn ta yuj eb', yet' scamplamento eb', yet' pax yatut eb', jun 'ejmn̈ej 'ix sat 'ejm smasnil, masnto ticnec. A eb' xcajn can slum eb' cha, yujto caw 'ay te c'ultc caw yax 'aj wach' swa scajb'en noc' eb'.

Ex 12:38

An̈jtona', til wal scalnelu eb' xyij coti, xyi'n cot eb' swacax yet' schiwo. Til wal eb' chuc chon̈b'al 'ix cot yet' eb'.

Jeremías 22:6

'Ix yaln Jehová 'ixtic: A sdespacho win sreyl Judá, lajn yilx 'a in sat 'icha swach'l yilx lum Galaad, 'icha pax jolm witz Líbano. Palta tzwa'cn in ti', to 'oj wa'cn 'och 'a cusltac lumal. Man̈x 'a mach 'oj can cajn 'a jun despacho tic.

Jeremías 48:32

Yel xo wal niwn 'oj woc' yuj chon̈b' Sibma 'a yib'n̈ 'icha tz'aj yoc' eb' 'aj Jazer. Yujto a yawb'en uva eb', caw tzc'axw 'ec' 'a junx sc'axpil 'ec' sti a mar, masnto tzc'och 'a sti a yic Jazer. Palta ax ticnec, 'ix jaw eb' 'oj satnc 'el sat te uva cha, yet' sat jun tzo'n̈ xo 'awb'en.

Jeremías 50:19

'Oj wi'x meltzjoc eb' israel 'a slum jun 'ejm xo. 'Oj sc'ux eb' smasnil tas wach' tzc'uxxi, atn tas tzpac' 'a lum Carmelo, yet' 'a Basán. 'Oj sc'ux eb' jantc tas tznib'ej, atn tas tzpac' 'a lum jolmctac witz 'a yol yic Efraín, yet' 'a Galaad.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Nm 21:32

Xlajw cha, 'ix schecn 'at Moisés jaywn̈ eb' winac, yic tz'at yilnoc eb' tas yaj chon̈b' Jazer. 'Ix ya'n eb' israel owl yet' eb' 'anma cha, 'ix ya'n ganar eb' israel spechn 'el eb' amorreo cajn 'a jun tzo'n̈ xo chon̈b' 'a sla'nil cha.

Nm 32:2

Yuj cha, 'ix 'at eb' sc'umc Moisés, yet' Eleazar win ya'mal 'och sti eb' 'anma 'a Dios yet' 'a eb' yajl yaj 'a scal eb' chon̈b' cha. 'Ix yaln eb' 'ixtc 'a eb':

Nm 32:26

A eb' 'ix quistzil on̈, eb' qui cotc 'unin, yet' smasnil qui cajb'en noc' on̈, 'oj can eb' 'a lum Galaad tic.

Nm 32:3

—'Iltec wal lum lum macb'il yuj chon̈b' Atarot, Dibón, Jazer, Nimra, Hesbón, Eleale, Sebam, Nebo yet' Beón. Caw wal wach' swa no cajb'en noc' 'a lu'um. A Jehová x'i'n can 'ec' lu'um, yic tz'och lum quico'oc an̈ israel on̈c tic. 'In eyojc pax si'mb'il to cajm on̈ noc' an̈ tic on̈.

Dt 33:21

A eb' yin̈tl Gad, 'ix can eb' 'a lum lum caw wach' sat. A jun lum cha, smoj wal to a eb' capitan̈ 'aj x'ajx lu'um. A yic syamn sb'a eb' yichm wincal chon̈b' Israel, ax eb' yin̈tl Gad, a eb' xya'ch sb'a sjucb'tzan eb' chon̈ab', syiclni eb' smasnil tas 'ix yal Jehová yuj eb' schon̈ab', xchi.

Josué 13:25

A jun tzo'n̈ slum eb' chi xyijcani, atn Jazer, yet' smasnil jun tzo'n̈ chon̈b' Galaad, yet' spacl xo lum yic eb' amonita, masnto tzc'och 'a Aroer, jun 'ay 'a yojltac 'at Rabá.

Josué 22:13

'Ix schecb't eb' win Finees, win yunnal Eleazar ya'mal 'och sti eb' 'anma 'a Dios 'a Galaad, 'a 'aj 'ayc' eb' meltzjnacx 'a slugar.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.

Jueces 5:16

¿Tas yuj ex cancn 'aj macn no calnelu 'a yol scolal, xe maclni eyab' yawtn ewin tan̈m calnelu chi no scalnelu cha? ¡Wal yel, a wal 'a scal eb' yin̈tl Rubén tic, caw 'ay chab'c'ojlal!