Nm 31:8 - Chuj San Sebastian Bible

⁸ 'Ix smilcn eb' own̈ ewin sreyl eb' 'aj Madián cha, atn win rey Evi, Requem, Zur, Hur yet' Reba. 'Ix smiln can pax eb' Balaam win yunnal Beor.

Chuj San Mateo Bible

⁸ D'a scal eb' ix cham chi', ix cham vin̈aj Evi, vin̈aj Requem, vin̈aj Zur, vin̈aj Hur yed' vin̈aj Reba, aton ovan̈ eb' vin̈ yajal d'a Madián. Ix champax vin̈aj Balaam yuninal vin̈aj Beor.

Nm 31:8 ပူးပေါင်းရင်းမြစ်များ

Salmos 10:2

A eb' tzb'on maysch'olnil caw tzyij chan̈ sb'a eb', tz'och eb' 'ajc'ojlal 'a eb' 'emmquilal yeq'ui; palta mun a eb' 'oj syaloc sb'a yet' jun sch'an̈ yal tzb'o cha.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Pr 11:3

Toto tojl qui b'eyb'alec, a qui tojl b'eyb'alec chi tzon̈ 'i'nec b'eyoc, palta toto tzquixtjec quit 'anma'il, mun a qui tu b'eyb'alec chi tzon̈ satnec 'eli.

Pr 13:17

A junc checb' to man̈ wach'c tz'aj 'el'ch junc checnb'il yu'uj, cojn owl tzyij coti; ax junc checb' caw wach' tz'aj 'el'ch schecnb'il cha, caw 'ay junc'ojlal yu'uj.

Habacuc 3:7

'Ix wil yochcn eb' 'aj chon̈b' Cusán 'a somc'ojlal, ax eb' cajn 'a lum Madián, 'ix 'ochcn eb' 'a xiwc'ojlal.

Nm 22:10

'Ix ta'w Balaam 'ix yaln 'ixtic: —A Balac a 'ay schecb' ewinac, win yunnal Zipor sreyl Moab, to tzwul yac' win alxoc 'ayin,

Nm 22:4

Yuj cha, 'ix yaln eb' 'anma yic Moab 'a eb' yichm wincal chon̈b' Madián 'ixtic: Smasnil jun tzo'n̈ 'anma tic, 'oj juwc 'el qui lum tic yuj eb', 'icha wal tz'aj slajw 'el te c'ultc yuj no wacax, 'ixta 'oj 'aj lu'um, xchi eb'.

Nm 22:5

Yuj cha, 'ix 'at ya'nc win Balac cot jun win 'ay tas tztac' yu'uj, atn Balaam, win yunnal Beor. Ata cajn win 'a jun lugar tzcuch Petor, 'a sla'nil sti a Éufrates 'a yol smacb'en Amav. 'Ix ya'n 'at Balac jun tzo'n̈ schecb' 'a Balaam cha, yic tz'at yalnc eb' 'a 'ixtic: A 'a Egipto, ata 'ix cot jun chon̈b'al eb' 'anma', ax ticnec 'ix b'ut'j 'ejm eb' 'a sat in lu'um, 'ix jaw eb' 'a in tz'ey.

Nm 23:10

Lajn eb' 'icha wal lum pococ, ¿may junc mach tztac' sb'isn eb'? ¡Comnoc wal tzin cham 'a junc'ojlal 'icha jun tzo'n̈ 'anma wach' snab'en cha! xchi win Balaam 'a sat eb' 'ayc' 'a stz'ey cha.

Nm 24:14

Caw wal wach' toto tzin pax 'a in chon̈ab', palta yic mantzac in paxi, yowlal tzwalcn ab'i' tas 'oj 'aj a chon̈b' tic yuj jun chon̈b'al eb' 'anma chi b'aq'uin̈, xchi.

Nm 24:25

Xlajw xoj cha, 'ix pax Balaam 'a schon̈ab', 'ixta pax win Balac, 'ix paxcn win 'a yatut.

Nm 25:15

Ax 'ix 'ix cha, Cozbi sb'i 'ix, yisl jun win tzcuch Zur, yajl pax yaj win 'a jun c'aj eb' 'aj Madián cha.

Nm 25:18

yujto xcot yailal 'a eyib'n̈ yuj eb'. 'In ex yij 'at eb' eyac' 'ejm e b'a 'a Baal cha, yet' pax yuj tas sb'o 'ix Cozbi, 'ix yisl junc win syajlil eb' chon̈b' cha. 'Ix cham yuj q'uen lanza yic caw ow ya'n jun yab'il 'a e cal, yujn̈ej eb' xit' yac' 'ejm sb'a 'a Baal cha, xchi Dios.

Nm 31:16

Atn eb' 'ix x'i'n 'at eb' quit chon̈b'ec 'a maysch'olnil, yuj tas 'ix yal Balaam. 'Ix 'och wal smul eb' 'a Jehová yic xya'n 'ejm sb'a eb' 'a comn dios tzcuch Baal 'aj Peor. Yuj wal cha, caw niwn eb' quit israelal smiljnac cham Jehová yet' jun yab'il.

Nm 31:9

Ax smasnil eb' 'ix 'aj Madián cha, yet' yune eb' 'ix, 'ix 'ijx 'at eb' 'icha presoal yuj eb' israel. C'uxn xyij 'ec' eb' smasnil scajb'en noc' eb' 'anma cha, yet' jantcn̈ej tas 'ay 'a eb'.

A Schab'il Carta San Pedro 2:15

'Ix yactj can eb' jun tojl b'eyb'al, satcn 'at eb'. Yuj cha, a sb'eyb'al win Balaam 'a pecti', win yunnal Beor, a chi tzb'eylb'ej eb'. A win cha, ton̈j snib'jnac win yac' ganar stumn 'a spatc maysch'olnil.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.