Nm 31:6 - Chuj San Sebastian Bible

⁶ Xlajw cha, schecn 'at Moisés eb' 'a owl cha. 'Ix 'at pax win Finees yet' eb', win yunnal Eleazar ya'mal 'och sti eb' 'anma 'a Dios. A win x'i'n 'at jun tzo'n̈ yamc'ab' tzc'anx 'a scajnub' Dios, yet' pax q'uen trompeta tz'utz'xi yic tz'och eb' 'a owal.

Chuj San Mateo Bible

⁶ Ichaton chi' ix aj schecjib'at eb' d'a oval yuj vin̈aj Moisés. Ix b'atpax vin̈aj Finees, yuninal vin̈aj sacerdote Eleazar yed' eb'. A vin̈ ed'jinac juntzan̈ yamc'ab' to yic Dios yaji yed' q'uen trompeta spuji yic tz'och eb' yac' oval.

Nm 31:6 ပူးပေါင်းရင်းမြစ်များ

A Ch'an̈ Schab'l Libro Samuel 11:11

'Ix ta'w win Urías 'ixtic: —Matz tac' in comn 'at 'a watut, yic tzin wa'i tzwu'n tas tzwuq'uej, tzin way yet' wistzil ya' sb'a a te scaxail strato Jehová, yet' eb' soldado quit israelal yet' eb' 'aj Judá, mantiado yaj yet'l eb', ax eb' a soldado yet' Joab, 'a'lic 'aj tzway eb'. Yuj cha, matz tac' in b'on 'icha tzal chi mamin rey, xchi winac.

Ex 25:9

Palta a jun lugar 'aj tzin 'aj cajn cha, smasnil tas 'oj c'anxoc 'a yojol, lajnn̈ej tz'aj sb'o'i, 'icha wal yaj yechl 'oj in ch'ox 'ayach, xchi Dios.

Nm 14:44

Caw ma'ix schaj eb' yab'i', 'ix yi'n 'at sb'a eb' 'a lum jolmctac witz cha. Palta ax te scaxail strato Jehová yet' Moisés, ma'ix 'elt xon 'a yojl camplamento cha.

Nm 31:5

Yuj cha, junjn mil eb' soldado 'ix 'elt 'a scal junjn 'in̈tal. Lajchwe mil x'aj eb' 'a smasnil. Xyi'n eb' syamc'ab' yic owal.

Dt 20:2

Ax yic tzc'och yorail yoch owl cha, ax win ya'mal 'och sti eb' 'anma 'a Dios, a win 'oj jucb'tzanc eb' e soldado cha,

Josué 22:13

'Ix schecb't eb' win Finees, win yunnal Eleazar ya'mal 'och sti eb' 'anma 'a Dios 'a Galaad, 'a 'aj 'ayc' eb' meltzjnacx 'a slugar.

A Ch'an̈ B'ab'el Libro Samuel 14:18

'Ix yaln Saúl 'a win Ahías 'ixtic: —'Ij cot te scaxail strato Dios, xchi. A 'a yic jun tiempoal cha, to ata 'ayc' te caxa chi yet' eb' israel.

A Ch'an̈ B'ab'el Libro Samuel 23:9

'Ix yojquej 'el David chajtlto 'a Saúl wan sc'och yac' owl yet'oc. 'Ix yaln 'a win Abiatar ya'mal 'och sti eb' 'anma' 'a Dios, to tzyij cot win te camx chaleco yic tzc'anb'n eb' 'a Jehová.

A Ch'an̈ B'ab'el Libro Samuel 4:17

'Ix ta'w win alm 'ab'x chi 'ixtc 'a 'a: 'Ix cot eb' quit israelal 'elc 'a eb' filisteo. Til wal 'anma xchami. 'Ix cham pax eb' onnal schawn̈il, atn win Ofni yet' win Finees. An̈jtona 'ix 'e'cn te scaxail strato Dios yuj eb' 'ajc'ojl cha, xchi.