Nm 30:3 - Chuj San Sebastian Bible

³ A junc 'ix cob's 'ix 'ayt 'ec' 'a smam, toto 'ay junc tas tzyal 'ix yac' 'a Jehová, mto tzyac' 'ix sti' yic matz b'o 'ix junc tas,

Chuj San Mateo Bible

³ Tato a junoc ix cob'es aytoec' yed' smam, syac' sti' yac'an junoc tas d'a Jehová, mato syac' sti' d'a junoc tas man̈ ol sc'ulej,

Nm 30:3 ပူးပေါင်းရင်းမြစ်များ

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Salmos 50:14

A 'e xajmb'al tzin nib'ej, atn alj wach' paxti 'ayin. 'A'c 'el'choc e ti tzeyac' 'ayn an Dios in tic, to caw niwn wel'chi.

Lv 27:2

Al yab' eb' et israelal to an tzwal jun tzo'n̈ tic: Toto 'ay junc mach tznib'n mannc 'el junc 'anma to ya'jnacx sti ya'n 'ayn an Jehová in, tztac' cab' smann 'eli, palta 'icha cab' yaln slistail tic, 'ixta tzyutj stojni.

Nm 30:2

Toto 'ay mach tzyac' sti' ya'n junc tas 'a Jehová, mto junc strato tzb'o yet'oc, yowlal tzyac' 'el'choc spaxti cha, matz tac' sma'n 'ec' tas 'aj tzyac' sti cha.

Nm 30:4

ax yic tzyab'n smam 'ix yuj jun cha, palta may tas tzyal win yu'uj, toto 'ixta', yowlal tzyac' 'el'choc 'ix tas alb'il yuj cha.

Nm 6:2

Al jun tzo'n̈ tic 'a eb' et israelal: To an tzwala, toto 'ay junc winac, mto junc 'ix tzyac' sti ya'n 'och sb'a 'a yol in c'ab' 'icha nazareoal, a jun cha, man̈xtzac stac' yu'n 'an̈, man̈xtzac stac' yu'n junc xo tas jawnc xo sti', man̈xtzac stac' yu'n vinagre, man̈xtzac stac' yu'n yal uva, yet' te sat uva taquin̈, man̈xtzac stac' sloni.

1 Co 14:34

An̈jtona', 'ixta 'ayex, yowlal sictac tz'aj eb' 'ix 'a 'aj tzeyam e b'a cha, yujto may spermiso eb' 'ix spaxtin 'a culto. Yiclum cab' tzyutj sb'a eb', yujto 'ixta tzyal sley Dios.

Josué 9:18

Ma'ix milx eb' yuj eb' soldado cha, yujto a eb' cha, 'ix yac' eb' sti 'a Jehová Dios to matz milx eb' 'anma chi yuj eb'. Yuj jun snab'en eb' cha, 'ix cot yowl smasnil eb' israel chi 'a eb' yajl yaj 'a scal eb' cha.

Jueces 11:35

A yic 'ix yiln sb'a win 'a jun c'otn yisl cha, 'ix stzilnjat win spichul yic tzch'oxn 'el win scusc'ojlal. 'Ix yaln win 'ixtc 'a 'ix: —¡'Ay wisil! Caw wal tza'ch in cusc'ojlal tzwab'i. Ach wal tza loc cot yailal 'a wib'an̈, yujto 'ay jun in ti 'ix wac' 'a Jehová, to yowlal tzwac' 'el'choc tas xwal cha, xchi winac.

A Ch'an̈ B'ab'el Libro Samuel 1:11

Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.