Nm 30:2 - Chuj San Sebastian Bible

² Toto 'ay mach tzyac' sti' ya'n junc tas 'a Jehová, mto junc strato tzb'o yet'oc, yowlal tzyac' 'el'choc spaxti cha, matz tac' sma'n 'ec' tas 'aj tzyac' sti cha.

Chuj San Mateo Bible

² Ix yal Jehová tato ay junoc vin̈ vinac syac' sti' yac'an junoc tas d'a Jehová, mato syac' sti' d'a junoc tas ol sc'ulej, yovalil sc'anab'ajej sc'ulan tas ix yal chi'. Max yal sq'uexan tas ix yal chi'.

Nm 30:2 ပူးပေါင်းရင်းမြစ်များ

Job 22:27

Toto 'ay tas 'oj a c'an 'a 'a, 'oj yab'i', ax ya'n 'ayach, tza'n 'el'choc pax a ti tza'cn 'a 'a.

Salmos 116:14

A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'.

Salmos 116:18

A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'

Salmos 119:106

'Ix wac' in ti', to yowlal 'oj in yiclc tas xwala', yuj cha, 'oj in b'eylb'oc jun tzo'n̈ a ley tic, yujto tojl eb'.

Salmos 15:3

Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.

Salmos 22:25

Ach in Diosal, a wal 'ajtil caw niwn yaj syamn sb'a eb' a chon̈ab', ata 'oj ach in b'itnoc. A 'a yojltac eb' tzach yiclni, ata 'oj wac' 'el'choc tas ta'wb'il wuj 'ayach.

Salmos 50:14

A 'e xajmb'al tzin nib'ej, atn alj wach' paxti 'ayin. 'A'c 'el'choc e ti tzeyac' 'ayn an Dios in tic, to caw niwn wel'chi.

Salmos 55:20

A jun wu'lem cha, tzyij chan̈ sc'ab' 'a eb' swach'c'ojol; matz yiclj 'aj tzyac' sti yoch 'a junc'ojlal.

Salmos 56:12

Ach in Diosal, 'oj in yiclc jun tzo'n̈ in ti 'ix wac' 'ayach, atn jun xajmb'al yic tzwaln yuj diosal 'ayach,

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Ex 20:7

An Jehová e Diosal in tic, man̈ e comn locc in b'i 'a nab'an̈ej, yujto 'oj wac' syailal eb' tzcomn locn in b'i.

Pr 20:25

Caw wal 'ay smay toto ji'lti tzcutjec ca'n qui ti 'a Dios, tzlajw cha, tzqui nanec pax qui b'a yuj tas 'aj 'ix ca'c can qui ti cha.

Lv 5:4

Q'uinloc 'ay mach tzyac' sti 'a junc paxti 'a sji'lti'al, 'a tzann̈j junc tas, a jun 'anma cha, tz'ochcn jun chi smuloc yic tznachj 'el yu'uj chajtlto matz tac' ya'n 'el'choc 'aj ya'jnac can sti cha.

Nahúm 1:15

Ex 'aj Judá, 'iltec, sjaw win alm 'el 'ab'x yic junc'ojlal 'a sjolm eb' lum tzalan. 'A'c 'och e q'uin̈, 'a'c 'el'choc 'aj eya'jnac can e ti'. Man̈x 'a b'a'n̈ 'oj ex yixtc eb' tu snab'en, tox 'ix lajw 'el eb' 'a jun 'ejmn̈ej.

Nm 21:2

Yuj cha, xya'n eb' israel sti 'a Jehová, toto tzcolwj yet' eb' yic tzya'n eb' owl yet' jun nacion̈ cha, ax satn can 'el eb' jun tzo'n̈ chon̈b' chi 'a jun 'ejmn̈ej.

Nm 30:10

A junc 'ix 'ix 'ay yichmil, tzta'wni 'ix ya'n junc tas yic 'ayc' 'ix 'a yatut yichmil cha,

Nm 32:24

A ticnec, b'oc can e chon̈b' cha, yuj eb' eyistzil yet' eb' eyunnal, tze b'on can scol-l e calnelu. Tzlajw cha, tzeya'n 'el'choc tas 'aj xeya'cn e ti', xchi Moisés.

Mt 23:16

Ax tic, lajn ex 'icha junc matz uj yilni, tzcob' squetznc 'at junc xo mach. Caw 'oltac ex, yujto tzeyal 'ixtic: Toto 'ay mach tzlocn sb'i yatut Dios yic tzya'n junc sti', man̈ yowlalc ya'n 'el'choc sti cha. Palta toto 'ay mach tzlocn sb'i q'uen oro 'aych 'a yatut Dios, yowlal tzyac' 'el'choc sti cha, xe chi.

Mt 23:18

Tzeyaln pax 'ixtic: Toto 'ay mach tzlocn sb'i jun yet'l xajmb'al yic tzya'n sti', man̈ yowlalc ya'n 'el'choc tas tzyala. Palta toto 'ay mach tzlocn sb'i jun ofrenda 'ayc' 'a yib'n̈ jun yet'l xajmb'al cha, yowlal tzyac' 'el'choc sti cha, xe chi.

A Tas Sc'ulejnac Eb' Schecab' Jesús Hechos 23:12

Ax 'a sq'uin̈b'ial, 'ay jaywn̈ eb' israel 'ix syam sb'a. 'Ix smol aln eb', to 'oj smil cham eb' Pablo. 'Ix yaln eb' 'ixtic: Ma'oj qui wa'ec, may tas 'oj cuq'uec, masnto tzcham Pablo cujec. Comnoc 'oj yac' Dios qui yailalec toto matz cac' 'el'choc 'icha tzcalec, xchi eb'.

A Tas Sc'ulejnac Eb' Schecab' Jesús Hechos 23:14

Yuj cha, x'at eb' 'a ewin sat ya'mal 'och sti eb' 'a Dios, yet' 'a eb' 'ichmtac winc 'ay yopiso 'a yib'n̈ eb' israel, 'ix yaln eb' 'ixtic: —'Ix cac' qui ti 'on̈, chajtlto matz on̈ wa 'on̈, masnto tzcham Pablo cuj on̈. Xqui c'ann qui yailal 'a Dios on̈, toto matz cac' 'el'choc tas chi tzcal on̈.

A Tas Sc'ulejnac Eb' Schecab' Jesús Hechos 23:21

Palta man̈ a cha ab'i', yujto 'ec'b'al chawinc eb' 'oj sc'ub'c 'el sb'a, ax sma'n cham eb' 'a yol b'e. Tolab' xyac' eb' sti', chajtlto ma'oj wa eb', masnto ab' 'oj cham Pablo chi yuj eb'. 'Ix sc'ann eb' syailal 'a Dios, toto ma'oj yac' 'el'choc eb' jun tzyal cha. A ticnec, lista xo yaj eb', wan stan̈wni eb' yab'i', toto 'oj a't Pablo cha, xchi win quelm cha.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

Jueces 11:11

Yuj cha, 'ix 'at Jefté yet' eb', ax eb' chon̈b' cha, 'ix ya'ch eb' win Jefté chi syajliloc. Ax 'a Mizpa cha, ata 'ix scha alj pax Jefté jun tzo'n̈ spaxti chi 'a yojltac Jehová, atn jun tzo'n̈ xyal 'a eb' 'aj Galaad chi 'a yic b'ab'el.

Jueces 11:39

Xlajw sb'eyc' can 'ix 'a chab' 'ujl cha, 'ix pax 'ix 'a yatut smam cha; xlajw cha, 'ix ya'n 'el'choc win sti ya'jnac 'a Jehová. A 'ix cob's cha, may xon junc winc sc'umej 'ix.