Nm 3:8 - Chuj San Sebastian Bible

⁸ Tztan̈wni pax eb' smasnil syamc'ab'il jun Mantiado cha, 'ixta tz'aj ya'w servil eb' 'a eb' israel 'a smasnil munljel 'a in cajnub'.

Nm 3:8 ပူးပေါင်းရင်းမြစ်များ

1 Cr 23:27

Yuj cha, a eb' yin̈tl Leví, a yic tz'acw eb' 'a sjunc'lil ab'il, tzya'n tz'ib'xoc sb'a eb' 'icha tas xyal win David 'a slajb' schecnb'il.

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

Is 52:11

'Eln̈ecta, 'eln̈ect 'a yol schon̈b' eb' 'aj Babilonia, man̈ eyam tas man̈ wach'c 'ay 'a jun chon̈b' cha. A mach tz'i'nb'ey jun tzo'n̈ yamc'ab' yic Jehová, man̈x eya't e b'a 'a scal maysch'olnil.

Nm 10:17

Xlajw cha, 'ix xuyn chan̈ eb' scajnub' Dios, ax eb' yin̈tl Gersón yet' eb' yin̈tl Merari, a eb' 'ix 'i'n coti, yujto a eb' 'aych 'a yib'n̈ yi'n b'eyoc.

Nm 10:21

Tza'n pax scot eb' yin̈tl Coat, a eb' 'et'jnac syamc'ab'il scajnub' Dios. Ax yic xjaw eb', tox 'ix b'o chan̈ scajnub' Dios chi yuj jun tzo'n̈ xo eb' yit levitail cha.

Nm 3:7

A eb' 'oj sc'anlb'oc Aarón yic tz'a'w servil eb' 'a eb' chon̈ab', 'a jun Mantiado 'aj tzin chaj in b'a eyet'oc. 'Ixta 'oj yutc eb' ya'n servil smasnil eb' eyit chon̈b' israel 'a in cajnub'.

Nm 3:9

Pojl eb' levita 'a scal smasnil eb' eyit israelal, yic wach' tzc'anlb'ej Aarón eb' yet' 'a smasnil eb' yin̈til.

Nm 31:30

Ax 'a yic eb' chon̈b' chi tzyij cha, ata tzeyijcan 'el junjn 'a junjn nan̈l ciente, atn eb' 'anma', no wacax, no b'uru, no calnelu yet' no chiwo. Tzlajw cha, tzeya'n 'a eb' levita 'aych yilmalc in cajnub', xchi Dios.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Nm 4:28

Atn wal yopiso eb' yin̈tl Gersón tic, yic tzmunlj eb' 'a in Mantiado 'aj tzin chaj in b'a eyet'oc; yiclum cab' eb' 'a smasnil tas tzyal Itamar, win onnal.