Nm 3:7 - Chuj San Sebastian Bible

⁷ A eb' 'oj sc'anlb'oc Aarón yic tz'a'w servil eb' 'a eb' chon̈ab', 'a jun Mantiado 'aj tzin chaj in b'a eyet'oc. 'Ixta 'oj yutc eb' ya'n servil smasnil eb' eyit chon̈b' israel 'a in cajnub'.

Chuj San Mateo Bible

^7-8 A eb' chi' ayoch yopisio d'a yichan̈ vin̈aj Aarón chi' yed' d'a yichan̈ chon̈ab' d'a mantiado b'aj tzin ch'ox in b'a. Stan̈vanpax masanil yamc'ab' yic mantiado chi' eb'. Icha chi' tz'aj yac'ji servil masanil chon̈ab' Israel yuj eb' d'a masanil munlajel b'aj ay in cajnub'.

Nm 3:7 ပူးပေါင်းရင်းမြစ်များ

1 Cr 26:20

'Ay pax jun tzo'n̈ xo eb' yit levitail eb' 'aych 'a yib'n̈ yiln 'aj tzmolx tas 'a yatut Dios, yet' pax yet'l 'aj 'ay ofrenda to yic Jehová yaji.

1 Cr 26:22

A eb' yunnal Jehiel cha, atn Zetam yet' Joel. A eb' 'aych 'a yib'n̈ yiln tas molb'il 'a yatut Jehová.

1 Cr 26:26

A Selomit yet' eb' yu'tac, a eb' 'aych 'a yib'n̈ yiln smasnil tas to 'ac'b'il 'a Jehová yuj rey David, yet' tas ya'jnac eb' yajl yaj 'a yib'n̈ junjn macn̈ eb' yin̈tl eb', yet' eb' capitan̈ yaj 'a yib'n̈ mil soldado yet' 'a yib'n̈ jun ciente soldado, yet' pax eb' niwc yajl yaj 'a eb' soldado cha.

Lv 8:35

Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Nm 1:50

Yujto a eb' levita chi 'oj a'ch ya'malc servil in cajnub' 'aj 'ayc' scaxail in trato, yet' smasnil yamc'ab' tzc'anlb'ax 'a 'a. An̈jtona', a eb' 'oj 'i'nc b'ey jun in cajnub' chi yet' smasnil syamc'ab'il. Yowlal tzcann̈j cajn eb' 'a spatquil 'el in cajnub'.

Nm 1:53

A pax eb' levita, ata 'oj 'aj cajn eb' 'a spatquil in cajnub'; a eb' 'oj tan̈wnoc sec wach' ma'oj cot wowl 'a eb' israel, xchi Dios.

Nm 3:32

A mach sat yajl yaj 'a scal eb' levita, atn Eleazar yunnal Aarón, atn win ya'mal 'och sti eb' 'a Dios, a tz'iln smasnil eb' tzmunlj 'och 'a scajnub' Dios cha.

Nm 3:8

Tztan̈wni pax eb' smasnil syamc'ab'il jun Mantiado cha, 'ixta tz'aj ya'w servil eb' 'a eb' israel 'a smasnil munljel 'a in cajnub'.

Nm 31:30

Ax 'a yic eb' chon̈b' chi tzyij cha, ata tzeyijcan 'el junjn 'a junjn nan̈l ciente, atn eb' 'anma', no wacax, no b'uru, no calnelu yet' no chiwo. Tzlajw cha, tzeya'n 'a eb' levita 'aych yilmalc in cajnub', xchi Dios.

Nm 8:11

A Aarón a tz'a'n 'och eb' levita chi 'a wojltac, yuj yofrendaoc eb' eyit chon̈b' cha. 'Ixta 'oj 'ajcn yoch eb' levita chi in yac' servil.

Nm 8:15

A yic tox xlajw sacb'tzax can eb' 'icha yaln sleyal, yet' 'a yic tox 'ix 'ajx eb' 'ayn cha, tztac' xo sjaw eb' munljoc 'a in Mantiado cha.