Nm 3:6 - Chuj San Sebastian Bible

⁶ 'Awtj cot smasnil ewin yin̈tl Leví, yic tz'och eb' colwjoc yet' Aarón win ya'mal 'och sti eb' 'anma 'ayin, a tas 'oj yala', a 'oj sb'o eb'.

Chuj San Mateo Bible

⁶ Avtej masanil eb' vin̈ vinac d'a yin̈tilal Leví, yic scolvaj eb' yed' vin̈aj sacerdote Aarón icha ol yal vin̈.

Nm 3:6 ပူးပေါင်းရင်းမြစ်များ

1 Cr 15:2

Xlajw cha, 'ix yaln David chi 'ixtic: A eb' man̈ levitaoc, matz tac' yi'n cot eb' te scaxa Dios, palta cojn eb' levita smoj yi'n cot te', yujto a eb' sic'b'il 'el yuj Jehová, yic tzyi'n cot eb' te caxa cha, cojn eb' tztac' ya'n servil Jehová 'a smasnil tiempo, xchi.

1 Cr 23:28

A eb' cha, 'ix can eb' 'a yol sc'ab' eb' ya'mal 'och sti eb' 'anma 'a Dios, atn eb' yin̈tl Aarón, yic tzb'on eb' jun tzo'n̈ munljel 'a yatut Jehová: yic tzya'n cuenta eb' yamq'uil, yet' jun tzo'n̈ cuarto, sacb'tzan pax eb' smasnil yamc'ab' to cojn Jehová 'ay yico', tzb'on pax eb' jun tzo'n̈ xo munljel 'a yatut Dios cha,

1 Cr 23:32

A 'a yic yaln̈taxi a eb' tztan̈wni mantiado 'a 'aj tzqui chaj qui b'a yet' Dios, ax ticnec a eb' x'ochx can munljc 'a yatut Jehová 'a yaln̈ schecnb'il eb' yin̈tl Aarón, atn eb' yican eb'.

1 Cr 6:33

A eb' 'ayc' yet' yunnal ta', atn eb' yin̈tl Coat, a Hemán a tzjucb'tzan eb' 'a b'it; a stzolil tzchaj 'at 'a smam, masnto 'a slajb' smam 'icham, atn eb' tic: Joel, Samuel, Elcana, Jeroham, Eliel, Toa, Zuf, Elcana, Mahat, Amasai, Elcana, Joel, Azarías, Sofonías, Tahat, Asir, Ebiasaf, Coré, Izhar, Coat, Leví, Israel.

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

Esdras 6:18

Xlajw cha, x'ajx 'och junjn c'aj eb' ya'mal 'och sti eb' 'anma 'a Dios 'a stzol-l yiln yopiso, yet' jun tzo'n̈ xo eb' levita, x'ajx yopiso eb' 'a yatut Dios 'a Jerusalén, 'icha yaj stz'ib'x can 'a ch'an̈ libro yic Moisés.

Malaquías 2:4

'Ixta 'oj 'aj snachj 'el eyu'uj, chajtlto an Jehová in, tztac' wuj smasnil, an xwac' jun tennb'ilal tic, yic wach' a in trato wa'jnac yet' eb' yin̈tl Leví, 'oj b'eyn̈j 'a yojltac.

Nm 18:21

A 'a eb' levita, ata tzwac' sdiesmoal sat 'awb'en tzyac' eb' eyit israelal 'ayn yuj smunljel, atn tzwac' stojloc eb' yic tzmunlj 'och eb' 'a in Mantiado cha.

Nm 2:17

Ax eb' yin̈tl Leví, ata tz'at eb' 'a snan̈l chan̈e camplamento cha. A eb' tz'i'n b'ey Mantiado 'aj tzin chaj in b'a eyet'oc. A chan̈e camplamento cha, caw stzol-l tz'aj sb'eyi, a tzyal ya'jc eb' 'a smantiado, junjn c'aj eb' 'a stz'ey sbandera.

Nm 2:33

Ma'ix 'och eb' levita sb'isloc eb', 'icha yutjnac Jehová yaln 'a Moisés.

Nm 3:5

'Ix yaln pax Jehová 'a Moisés 'ixtic:

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.