Nm 3:40 - Chuj San Sebastian Bible

⁴⁰ 'Ix yaln Jehová 'ixtc 'a Moisés: 'Ij q'ue wan sb'isl eb' sb'ab'l 'unnal eb' et israelal, tz'el yich 'a eb' jun 'ujl sq'uinal yet' 'a yojltac, yet' sb'i junjn eb'.

Chuj San Mateo Bible

⁴⁰ Ix yalanxi Jehová d'a vin̈aj Moisés chi' icha tic: Ic'chaan̈ sb'isul yed' sb'i eb' b'ab'el vinac unin d'a scal eb' etchon̈ab', tz'el yich d'a eb' jun ujal sq'uinal sb'eyn̈ejb'ati.

Nm 3:40 ပူးပေါင်းရင်းမြစ်များ

Salmos 87:6

Tz'ib'b'il yuj Jehová 'a yol slibro, 'a 'aj checl yaj sb'i eb' lum chon̈b' cha: A 'a Sión, ata 'elncta jun chon̈b' tic, xchi.

Is 4:3

A jaywn̈ocx eb' 'aj Sión 'oj can 'a Jerusalén, 'ay yaln eb' yic scan cajn ta', 'oj alxoc yuj eb', to yicn̈ej Dios yaj eb'.

Nm 3:12

A ticnec 'ix in si'cn 'el eb' levita sjelc junjn b'ab'l winc 'unn 'a scal eb' et israelal, yujto wic yaj eb' levita cha.

Nm 3:15

'Ij q'ue wan sb'isl eb' levita, a tzyal smacquixtacl yaj yin̈tl eb', tz'el yich 'a eb' jun 'ujl sq'uinal yet' 'a yojltac, xchi Dios.

Nm 3:41

A eb' levita tic, wic tz'aj eb' yuj sjelc sb'ab'l 'unnal eb' et israelal cha. 'Ixta pax yuj sb'ab'l 'une no scajb'en noc' eb', wic tz'ajcn scajb'en noc' eb' levita yuj sjelc no eyic cha. An Jehová in, an tzwala, xchi Dios 'a Moisés.

Nm 3:45

An Jehová in, an tzwala: 'A'cn 'och eb' levita sjelc eb' b'ab'l 'unn 'a scal eb' chon̈b' israel. 'Ixta pax no scajb'en noc' eb' levita, a no tz'ochcn sjelc no scajb'en noc' eb' israel, yujto a eb' levita tic, wic yaj eb'.

Lc 10:20

Palta man̈ yujoc to tzyiclj ewin demonio 'ayex, tzex tzalji. Palta tzaljan̈ec, yujto tz'ib'b'ilx can e b'i 'a satcha'an̈, xchi Jesús 'a eb'.

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

A Ch'an̈ Carta D'a Eb' Hebreo 12:23

tzyam sb'a ta', yic tzyaln eb' wach' paxti 'a Dios. 'Ayc' pax eb' yunnal xo Dios tz'ib'b'ilx sb'i 'a satcha'an̈. Ata 'ayc' Dios, atn sJuezal smasnil 'anma'. Ata 'ayc' spixn eb' wach' yutjnac sb'eyb'al, atn eb' tz'acn xo yuj Dios.

Apoc 14:4

A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.

Apoc 3:5

A eb' 'oj 'a'nc ganar ya'n techjoc, 'oj 'ajxc 'och junjn spichl eb' caw sac. Ma'oj in suc sat sb'i eb' 'a ch'an̈ libro yic q'uinl 'a jun 'ejmn̈ej. 'Oj wal yuj eb' 'a sat in Mam, yet' 'a sat eb' yángel, chajtlto wic eb'.