Nm 3:10 - Chuj San Sebastian Bible

¹⁰ Cojn Aarón yet' eb' yin̈til, cojn eb' tz'ochcn yopiso ya'malc 'och sti eb' 'anma 'ayin. Toto 'ay junc 'anma man̈ 'ayc 'och jun 'opiso chi 'a yib'an̈, tzlajw cha, tzb'on 'icha tzb'o eb' 'ay yopiso cha, yowlal tzchami, xchi Dios.

Chuj San Mateo Bible

¹⁰ An̈ej d'a yib'an̈ vin̈ yed' yin̈tilal tz'ochcan yopisio yac'an sacerdoteal. Tato ay junoc mach man̈ yin̈tiloc vin̈ chi' syecoch sb'a d'a jun opisio chi', yovalil schami, xchi d'a vin̈.

Nm 3:10 ပူးပေါင်းရင်းမြစ်များ

A Ch'an̈ Schab'l Libro Samuel 6:7

Yuj cha, xcot yowl Jehová 'a win Uza, yujto scomn yamj win te scaxail strato Dios, yuj cha, xchamcn win 'a stz'ey te caxa chi muc'uc.

A Ch'an̈ B'ab'el Libro Yic Yab'ixal Eb' Rey 12:31

'Ix sb'on pax Jeroboam chi yatutal jun tzo'n̈ comn dios chi 'a lum jolmctac witz. 'Ix si'n pax 'och jun tzo'n̈ eb' yit chon̈b' ya'malc 'och sti eb' 'anma 'a jun tzo'n̈ scomn diosal cha, atn eb' man̈ levitaoc.

1 Cr 6:32

A eb' cha, 'ix b'itnn̈ej eb' 'a yojltac mantiado 'aj tzchaj sb'a eb' 'anma yet' Dios, masnto yic 'ix sb'on chan̈ Salomón yatut Jehová 'a Jerusalén. 'Ix b'eyn̈j eb' yet' yopiso ta', 'a 'icha xon sb'eyb'al eb'.

Nehemías 6:11

Yuj cha, xwaln 'a 'ixtic: An tic man̈ in mojc in 'at 'eloc. ¿Tom 'oj c'och 'a yatut Dios in c'ub'c 'el in b'a tza na'a? xin chi 'a 'a.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Ez 44:8

Ma'ix eyiclj sleyl tas to wic yaji, palta a 'a yol sc'ab' jun tzo'n̈ chuc chon̈b'al cha, ata xeya'cn eyopiso.

Lv 22:10

May wal junc 'anma to may yuj sb'a yet' win ya'mal 'och sti eb' 'anma chi tztac' sc'uxn tas to wic yaji. Eb' ton̈j cajn 'ec' 'a 'a, mto eb' ton̈j 'ayc' munljoc 'a 'a, matz tac' pax sc'uxn eb' tas to wic yaj cha.

Nm 1:51

Toto 'ay 'aj 'oj 'ijxoc 'ati, a eb' 'ajcuenta xuyn cha'an̈, tzb'on pax 'ejm eb' 'a 'aj tzc'och cha. Tzann̈j 'anmal tzjaw 'a stz'ey in cajnub' cha, toto man̈ levitaoc, tojln̈ej schami.

Nm 16:10

Yujto 'ixta x'el 'a sc'ojl Jehová, to ax wit levitail, ax tzex yij 'och 'a stz'ey, ax ticnec tze nib'j to tzex 'och e masnil ya'malc 'och sti eb' 'anma tic?

Nm 16:35

An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Nm 18:3

Atn eb' 'oj munljoc et' 'a in cajnub' cha, palta checln̈ej 'aj wach' scolwj eb'. Matz tac' yochch eb' 'aj 'ay syamc'ab'il in cajnub', mto 'a yet'l xajmb'al. Toto ma'ay 'oj cham eb', ax e cham pax jun xo.

Nm 18:7

Palta ach tic yet' eb' onnal, cojn ex tztac' eya'n 'och sti eb' 'anma 'ayin, yic tze b'on junc munljel 'a 'aj 'ay yet'l xajmb'al, mto 'a yojltac 'och te cortina. A jun munljel cha, eyic yaji, yujto an 'ix wac' jun 'opiso tic 'ayex. Toto 'ay junc comn 'anma tzcob' ya'ch sb'a 'a jun munljel tic, tojln̈ej schami, xchi Dios.

Nm 3:11

'Ix yaln Jehová 'a Moisés 'ixtic.

Nm 3:38

Ax 'a stojlal 'aj tzq'uel c'u 'a yojltac scajnub' Dios, 'a yojltac Mantiado 'aj tzchaj sb'a eb' 'anma yet'oc, ata 'ay smantiado Moisés yet' Aarón, yet' pax eb' yunnal Aarón cha, atn eb' tz'a'w servil 'a yojl scajnub' Dios sjelc eb' yit israelal. Toto 'ay mach tzcomn 'och 'a jun 'opiso cha, to man̈ yopisooc yaji, yowlal tzchami.

Ro 12:7

A mach 'ac'b'il yopiso ya'n servil eb' yit creyenteal, yowlal caw wach' tzyutj ya'n servil eb'. A mach 'ay yopiso scuyn eb' yit creyenteal, yowlal caw tzya'ch snab'en scuyn eb'.

Ef 2:19

A 'a yic yalan̈, 'icha jun tzo'n̈ eb' chuc chon̈b'al yaji, 'ixta ex 'a sat Dios, yujto man̈ ex schon̈b'oc. Al ticnec, man̈x ex 'ichcta 'a 'a. Yujto schon̈b' ex xo quet' on̈. Yunnalx xo quet' qui masnil an̈ yic on̈ xo on̈.

Dt 18:5

Yujto a Jehová qui Diosalec, a si'n can 'el eb' yin̈tl Leví 'a scal smasnil jun tzo'n̈ xo eb' quit chon̈b'ec, sec an̈j eb' tz'a'n servil Jehová 'a smasnil tiempo.

A Ch'an̈ Carta D'a Eb' Hebreo 8:4

Q'uinloc an̈ja 'ayc' 'a yolyib'n̈q'uinl tic ticnec. To 'ixta', may am yopiso ya'n 'och qui tic 'a Dios, yujto 'ay jun tzo'n̈ xo eb' 'ay yopiso 'ixta', tzyac' eb' jun tzo'n̈ ofrenda 'icha tzyal ley yic Moisés.

Jueces 17:5

'Ixta 'ix 'aj yatut Micaía yoch yatutoc comn dios. 'Ix ya'n win b'o jun chaleco yic eb' ya'mal 'och sti eb' 'anma', yet' jun tzo'n̈ xo yechel. 'Ix ya'n pax 'och win junc eb' yunnal ya'malc 'och sti' eb' 'anma 'a sdiosal cha.

A Ch'an̈ B'ab'el Libro Samuel 6:19

Palta ax Dios, 'ix smil cham jun tzo'n̈ eb' 'aj Bet-semes cha, yujto say eb' yil tas 'ay 'a yojl te caxa cha. 'Ix cham 70 eb' winc chi yu'uj, a eb' 'anma 'a jun chon̈b' cha, caw wal tz'oc' eb' si'mb'il, yujto niwquil jun chaml chi x'och 'a scal eb' yuj Jehová.