Nm 28:9 - Chuj San Sebastian Bible

⁹ A 'a yic sc'ul 'iljelal, yowlal tzeyac' chawn̈oc no quelm calnelu ofrendail, no junjn ab'il sq'uinal, no may spaltail. Tz'ajx pax wajxque'oc libra 'ixm harina caw wach', wach' pax tz'aj scalx yet' aceite, yujto ofrenda yic tas tzc'uxxi, tz'ajx pax yal uva yet'oc, 'icha xon tz'aj yajxi.

Chuj San Mateo Bible

⁹ A d'a sc'ual ic'oj ip, yovalil syac' chavan̈ocxo noc' quelemtac calnel eb', aton noc' jun ab'il sq'uinal, malaj jab'oc spaltail yed' vajxaque' libra ixim harina te vach' calab'il yed' aceite d'a ofrendail d'a ixim trigo. Tz'ac'jipax vino yed'oc, ichataxon tz'aj yac'ji.

Nm 28:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

2 Cr 2:3

Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

2 Cr 2:4

A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

2 Cr 8:13

sec wach' tz'ajx junjn macn̈ tas 'a yic sc'ul yajx xajmb'al cha, 'icha tzyal ley 'ix yalcn Moisés, tzyal 'el'chi, atn 'a sc'ul 'iljelal, 'a sc'ul yic tzpac' 'uj, yet' 'a 'oxe niwc q'uin̈ tznax 'a yol junjn ab'il, atn q'uin̈ yic tzwax 'ixm pan may yich, yet' q'uin̈ yic tzmolx sat 'awb'ente', yet' pax q'uin̈ Chinama.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Ez 20:12

'Ix waln 'a eb' to tzyiclj eb' sc'ul 'iljelal yic tzcheclj 'eli to wic eb', to 'ay in trato yet' eb'. An Jehová in, an si'jnac 'el eb'.

Ez 46:4

A jun tzo'n̈ xajmb'al 'oj yac' win yajl chi 'ayn 'a sc'ul 'iljelal, atn jun tzo'n̈ tic: Wacwn̈ quelm calnelu yet' jun mam calnelu, e no may spaltail.

Nm 28:10

A jun tzo'n̈ xajmb'al cha, tz'ajx 'a yic sc'ul 'iljelal, tz'ajx pax yal uva yet'oc, chuc pax yaj xajmb'al tz'ajx 'a junjn c'u.

Nm 28:8

Ax no schab'l calnelu cha, a 'a yemc'ul tz'ajx tz'a no', tz'ajx pax tz'a harina yet' yal uva, 'icha wal tz'aj no b'ab'l cha. A jun tzo'n̈ ofrenda cha, tz'ajx tz'a 'a wojltac an Jehová in, to wach' sjab' tzwab'i.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.