Nm 28:3 - Chuj San Sebastian Bible

³ Tzaln pax 'a eb', 'aja jun tzo'n̈ xajmb'al chi wach' stz'a 'a wojltac an Jehová in yic tzyi'n chan̈ eb' in b'i. 'A junjn c'u tz'ajx tz'a chatcwan̈ no quelm calnelu junjn ab'il sq'uinal, no may spaltail.

Chuj San Mateo Bible

^3-8 Ix yalan vin̈aj Moisés chi' d'a eb' yetchon̈ab' chi' yuj juntzan̈ ofrenda yovalil sn̈ustz'a eb' yuj yic'jichaan̈ Jehová. Junjun c'u sn̈usjitz'a chatacvan̈ noc' quelemtac calnel jun ab'il sq'uinal, malaj jab'oc spaltail. Jun noc' sn̈usjitz'a d'a q'uin̈ib'alil, axo junxo noc' d'a yemc'ualil. Yovalil tz'ac'ji chan̈e' libra ixim harina te vach', scalaj yed' junoc litro aceite yic sat te' olivo ofrendail yed' junjun noc'. Tz'ac'jipax junjun litro vino yed' junjun noc' calnel chi', secchajem b'aj ay scajnub' Jehová yuj yic'jichaan̈. A d'a lum vitzal Sinaí ix schec Jehová ac'joc juntzan̈ silab' tic d'a junjun c'u, aton ofrenda suc'uq'ui sjab' syab' Jehová.

Nm 28:3 ပူးပေါင်းရင်းမြစ်များ

1 Cr 16:40

A eb' tz'a'n no xajmb'al tz'a smasnil 'a Jehová 'a yet'l xajmb'al. 'A junjn sq'uin̈b'ial, yet' 'a junjn yemc'ual tz'ajx tz'a no', 'icha wal yaj stz'ib'x can smasnil 'a sley Jehová ya'jnac 'a chon̈b' Israel.

2 Cr 8:13

sec wach' tz'ajx junjn macn̈ tas 'a yic sc'ul yajx xajmb'al cha, 'icha tzyal ley 'ix yalcn Moisés, tzyal 'el'chi, atn 'a sc'ul 'iljelal, 'a sc'ul yic tzpac' 'uj, yet' 'a 'oxe niwc q'uin̈ tznax 'a yol junjn ab'il, atn q'uin̈ yic tzwax 'ixm pan may yich, yet' q'uin̈ yic tzmolx sat 'awb'ente', yet' pax q'uin̈ Chinama.

Esdras 3:5

'A junjn c'u tzya'n eb' smasnil xajmb'al 'icha stzolil, tzya'n pax eb' xajmb'al yic tznan eb' q'uin̈ yic tzpac' 'uj yet' jun tzo'n̈ xo xajmb'al yic smasnil q'uin̈ to niwn yel'ch 'a Jehová. Tzya'n pax eb' smasnil xajmb'al to tz'el 'a sc'ojl eb' 'anma ya'ni.

Dn 11:31

Ax eb' soldado cha, caw 'oj yixtc 'el eb' jun scajnub' Dios, yet' jun tzo'n̈ cuartel jun yaj yet'oc. 'Oj yi'ch wan eb' yajx jun tzo'n̈ xajmb'al tz'ajx 'a junjn c'u. Ax tas yajb'il yuj Dios, a 'oj ya'ch eb' 'a yol scajnub' Dios cha, sec tzjuw 'el yu'uj.

Dn 12:11

A yic 'oj macxoc 'och wan yajx xajmb'al tz'ajx 'a junjn c'u, yet' 'a yic 'oj 'ajxoc 'och tas yajb'il yuj Dios 'a yol scajnub' yic tzjun 'eli, 'ixta to b'i'an, ax yel yich 1,290 c'ual.

Dn 8:11

An̈jtona 'ix ste'wtzan sb'a 'a yojltac jun Syajlil eb' 'ay 'a satchan̈ cha. Smacn 'och wan yajx jun tzo'n̈ xajmb'al tz'ajx 'a jun Yajl chi 'a junjn c'u, xyixtn pax 'el jun lugar yic 'emmquilal yaji.

Dn 8:13

Xlajw cha, ax xwab'ni 'ay jun ángel xc'anb'n 'a junx ángel 'ixtic: ¿Jantc to wal tiempo 'oj yac' jun tzquil tic? ¿Jantc to tiempo 'ayc' jun yajb'il 'el yuj Dios tic, atn jun tzmacn 'och wan xajmb'al tz'ajx 'a junjn c'u? ¿B'a'n̈ to 'oj 'och wan ste'x 'ejm eb' soldado 'aj satchan̈ yu'uj, yet' jun scajnub' Jehová? xchi.

Lv 3:5

Ax win ya'mal 'och sti eb' 'anma cha, a win tz'a'n tz'a smasnil 'a yib'n̈ yet'l xajmb'al, junn̈j tz'aj stz'a yet' no xajmb'al wan stz'a 'a yib'n̈ te c'atztz cha. A jun xajmb'al cha, caw wach' sjab' tzwab' an Jehová in.

Lv 6:9

Al 'a Aarón yet' 'a eb' yunnal, yuj sleyl tas tz'aj yajx no xajmb'al tzn̈usxi. A no noc' tz'ajx xajmb'al-l cha, yowlal tzcan no 'a yib'n̈ stzac'ac' 'a smasnil 'ac'wal, sec tz'a no'.

Am 4:4

An Jehová in, an tzwala: 'In tze nib'j e b'o tas tze nib'ej, yuj cha, 'ixquec 'a Bet-el, yet' 'a Gilgal 'aj tz'och jun tzo'n̈ niwc yamnil, 'a'c e nab'en e b'on jantc maysch'olnilal tze nib'j e b'o ta'. 'Ijc 'at e xajmb'al 'a junjn sq'uin̈b'ial, 'a'c e diesmo 'a yoxtquil c'ual.

Nm 28:10

A jun tzo'n̈ xajmb'al cha, tz'ajx 'a yic sc'ul 'iljelal, tz'ajx pax yal uva yet'oc, chuc pax yaj xajmb'al tz'ajx 'a junjn c'u.

Nm 28:15

Yowlal tz'ajx pax junc no chiwo xajmb'al-l yuj mul, yet' pax xajmb'al tz'ajx 'a junjn c'u, yet' pax yal uva tz'ajx ofrendail 'ayin.

Nm 28:23

Smasnil jun tzo'n̈ cha, junn̈j tz'aj yajx 'ayn yet' no xajmb'al tz'ajx tz'a 'a junjn sq'uin̈b'ial.

Nm 28:24

'Ixtnta tz'aj jun tzo'n̈ chi 'a junjn c'u, yic 'ay uque c'u q'uin̈ cha, tz'ajx tz'a jun tzo'n̈ ofrenda cha, caw wach' sjab' tzwab' an Jehová in. Chuc pax yaj xajmb'al tz'ajx xon 'a junjn c'u yet' yal uva.

Nm 28:31

A yet' jun tzo'n̈ xajmb'al cha, tzeyac' pax 'ixm harina ofrendail yet' yal uva, tzeya'n pax no xajmb'al to tz'ajx 'a junjn c'u. A smasnil no noc' cha, may cab' spaltail e no'.

Nm 28:4

Jun no tz'ajx tz'a 'a sq'uin̈b'ial, junx no 'a yemc'ual.

Nm 29:11

Tzeya'n pax junc no mam chiwo xajmb'alil, sec tz'ajx can lajwc e mul 'a eyib'an̈. Tzeya'n no xajmb'al tz'a'n lajwc mul 'a sc'ul yic 'ay niwnc'ojlal, yet' pax no xajmb'al tz'ajx 'a junjn c'u, tz'ajx pax 'ixm harina yet' yal uva.

Nm 29:16

Tzeya'n junc no mam chiwo xajmb'alil, sec tz'ajx can lajwc e mul 'a eyib'an̈. Tzeya'n pax no xajmb'al tz'ajx 'a junjn c'u, tzeya'n 'ixm harina ofrendail yet' no', yet' pax yal uva.

Nm 29:6

Tzeya'n e xajmb'al tz'ajx 'a junjn 'uj, yet' pax xajmb'al tz'ajx 'a junjn c'u, tzeyac' pax 'ixm harina ofrendail yet' yal uva, 'icha 'ix wutj walni. Atn jun tzo'n̈ tic tz'ajx tz'a 'a wojltac, to wach' sjab' tzwab'i.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

A Ch'an̈ Carta D'a Eb' Hebreo 9:6

A yic yoch yopiso jun tzo'n̈ cha, a eb' ya'mal 'och sti eb' quit chon̈b'ec 'a Dios, junjn c'u 'ochnc eb' 'a jun b'ab'l cuarto cha. Ata ya'jnac servil eb' Dios.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.