Nm 28:2 - Chuj San Sebastian Bible

² Al jun tic 'a eb' et israelal to matz yactj eb' ya'n yofrenda 'ayin. Checl stiempoal 'aj wach' ya'n eb' 'ixm pan yet' jun tzo'n̈ xajmb'al to tz'a'i. A jun tzo'n̈ cha, to wach' sjab' tzwab'i.

Chuj San Mateo Bible

² Al jun checnab'il tic d'a eb' etchon̈ab' chi': A d'a stiempoal chequel yajcani, sc'anab'ajej eb' yac'an juntzan̈ ofrenda sn̈usjitz'a silab'il d'ayin, te suc'uq'ui sjab' svab'i, xchi d'a vin̈.

Nm 28:2 ပူးပေါင်းရင်းမြစ်များ

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

1 Cr 23:31

yet' yic tz'ajx tz'a xajmb'al to tz'a smasnil 'a Jehová 'a sc'ul 'iljelal, yet' 'a yic tznax sq'uin̈l yic tzpac' 'uj, yet' pax jun tzo'n̈ xo q'uin̈ caw niwn yel'chi. Tz'a'wn̈ej servil eb' 'a Jehová, a tzyal sb'isl eb', yet' munljel tz'ajx sb'o eb'.

2 Cr 23:18

Yajn̈j cha, xya'n 'och Joiada jun tzo'n̈ munljel 'ay 'a yatut Jehová 'a yol sc'ab' eb' ya'mal 'och sti eb' 'anma 'a Dios, atn eb' yin̈tl can Leví. A tzyal stzol-l jun tzo'n̈ 'opiso 'aycn 'och 'a yol sc'ab' eb' 'a yatut Dios yuj rey David, yic tzya'n eb' jun tzo'n̈ xajmb'al to tz'a smasnil 'a Jehová, 'icha yaj stz'ib'x can 'a ch'an̈ ley yic Moisés. To tz'och pax b'it 'a tzaljc'ojlal, 'icha yutjnac David yaln cani.

2 Cr 31:3

A win rey 'ix yac' win no scajb'il noc' xajmb'alil: no xajmb'al to tz'a smasnil 'a yic sq'uin̈b'ial yet' 'a yemc'ual, no xajmb'al to tz'a smasnil tz'ajx 'a sc'ul 'iljelal, yet' no xajmb'al yic tznax q'uin̈ yic tzpac' 'uj yet' jun tzo'n̈ xo q'uin̈ to niwn yel'chi, 'icha yaj stz'ib'x can 'a sley Jehová.

Esdras 3:2

Xlajw cha, ax Jesúa yunnal Josadac, yet' jun tzo'n̈ xo eb' ya'mal 'och sti eb' 'anma 'a Dios, yet' Zorobabel yunnal Salatiel, yet' eb' yican, 'ix sb'on chan̈ eb' jun yet'l xajmb'al yic sDiosal chon̈b' Israel yic tzya'n tz'a eb' xajmb'al 'a yib'an̈, 'icha yaj stzib'x can 'a ch'an̈ ley yic Moisés, atn win schecb' Dios.

Esdras 3:3

Wach'xam to tzxiw eb' 'a eb' chon̈b' 'ay 'a stz'ey eb' cha, palta 'ix scha b'oj pax chan̈ eb' jun yet'l xajmb'al chi 'a yet'l xoni. 'A junjn sq'uin̈b'ial yet' 'a junjn yemc'ual, 'ix ya'n tz'a eb' xajmb'al to tz'a smasnil yuj yijx chan̈ sb'i Jehová yuj eb'.

Nehemías 10:34

An̈jtona', 'ix ca'ch suerte 'ayn̈ junjn 'in̈tal on̈ec, sec wach' tzquilec 'aja tiempoal 'a junjn ab'il, 'oj ca'c te c'atztz yic yatut qui Diosalec, te tz'a 'a yet'l xajmb'al yic Jehová qui Diosalec, 'icha yaj stz'ib'x 'a ch'an̈ ley. Wach'xam to ya'maln̈ 'och sti eb' 'anma 'a Dios, mto levita on̈, mto comn 'anma 'on̈, 'oj qui yicljn̈ej jun tzo'n̈ cha.

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

Ex 23:15

A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Ex 29:18

'Ixta to b'i'an, tza'nq'ue no chib'j chi 'a yib'n̈ yet'l xajmb'al, yic tz'a no smasnil 'a wojltac yuj yi'nb'ilc chan̈ in b'i. A jun xajmb'al tic, caw wach' sjab' tzwab'i.

Ez 16:19

An̈jtona 'ixm pan b'ob'il yet' 'ixm harina caw wach', aceite yet' no yal chab' xwac' sc'uxu', 'ix sb'achch 'a yojltac eb', sec wach' yec' sjab'. 'Ixtnta 'ix yutj sb'a 'a in sat an Jehová in.

Ez 20:41

A yic tox ex wij 'elt 'a jun tzo'n̈ nacion̈ cha, yet' 'a jun tzo'n̈ chon̈b' 'ajtil sactzicnac eyajcn 'at ticnec, ata 'oj in ch'ox eyila', to niwn wel'ch 'a e sat yet' 'a sat jun tzo'n̈ xo nacion̈. 'Oj ex in cha 'icha junc incienso to su'q'ui sjab'.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Lv 1:13

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc; ax win ya'mal 'och sti eb' 'anma cha, a tz'a'n tz'a no smasnil 'a yib'n̈ jun yet'l cha. A jun xajmb'al cha, caw wach' sjab' tzwab' an Jehová in.

Lv 1:17

Tzyamx sc'axl no', tzjecchtax 'at sb'acl yich spatc no', palta matz poj snan̈l no 'a jun 'ejmn̈ej. Tzlajw cha, tz'ajx tz'a no 'a yib'n̈ te c'atztz 'ay q'ue 'a yib'n̈ yet'l cha. A jun xajmb'al cha, caw wach' sjab' tzwab' an Jehová in.

Lv 1:9

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc. Ax win ya'mal 'och sti eb' 'anma cha, a win tz'a'n tz'a no smasnil 'a yib'n̈ yet'l xajmb'al cha. A jun xajmb'al cha, caw wach' sjab' tzwab' an Jehová in.

Lv 21:6

Wach' cab' tzyutj sb'a eb' 'a in sat an sDiosal in eb' tic. Man̈ cab' yac' b'uchxoc eb' in b'i, yujto a eb' tz'a'n tz'a no xajmb'al, tzya'n pax 'och eb' 'ixm pan ofrendail 'a wojltac. Yuj cha, yowlal to wach'n̈j tzyutj sb'a eb'.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Malaquías 1:12

Palta ax xo tic, 'in caw may jac wel'ch 'a e sat, 'in tzeyala to may yel'ch jun yet'l xajmb'al cha, yet' jun tzo'n̈ schib'l wal tzeyac' xajmb'al-l 'ayin.

Malaquías 1:7

Ax tic, tzeyij cot 'ixm pan to man̈ smojc sjaw 'a yet'l xajmb'al to wic yaji, tzlajw cha, tzcob' e c'anb'n pax 'ayn 'ixtic: ¿Tas wal 'aj tz'och qui mul 'ayach? xe chi. Ax tic, x'och e mul 'ayin, yujto xe patquilj can 'el jun yet'l xajmb'al cha.

Nm 15:24

Toto 'ay junc checnb'il tic tz'at satc'ojlal yuj eb' chon̈b' smasnil, 'oj e mol 'a'c junc no quelm wacx xajmb'al-l 'ayn an Jehová in, tzeya'n tz'a no', yujto wach' sjab' tzwab'i, tzeya'n pax 'ixm harina yet' yal uva, 'icha yaj sleyal. Chuc pax tz'ajx junc no chiwo xajmb'al-l 'ayn yuj ya'n lajwc e mul cha.

Nm 15:3

tzeyac' junc no quelm wacax, mto junc no cob's calnelu xajmb'al-l 'ayn an Jehová in, tzeya'n tz'a no 'a wojltac, yujto wach' sjab' tzwab'i, tzeyac' 'ayn yuj eya'n 'el'choc junc e ti', mto ton̈j tz'el 'a e c'ojl eya'ni, mto tzeyac' pax yuj junc q'uin̈.

Nm 15:7

'Ec'b'al cab' pax jun litro yal uva tz'ajx yet'oc, yujto a jun tzo'n̈ xajmb'al cha, wach' sjab' tzwab'i.

Nm 28:1

'Ix yaln Jehová 'a Moisés 'ixtic:

Nm 29:39

Atn jun tzo'n̈ xajmb'al tic yowlal tz'ajx 'ayn 'a yic q'uin̈al, to checl yaj sc'ual. A yet' jun tzo'n̈ tic, tztac' eya'n pax eyofrenda to ta'wb'il eyu'uj, mto ton̈j tz'el 'a e c'ojl eya'ni, toxn̈ej no xajmb'al, mto harina, mto yal uva, mto xajmb'al yic junc'ojlal, xchi Dios.

Nm 9:13

Palta toto 'ay mach matz nan q'uin̈ yic eyel 'a libre, q'uinloc wach' pax yaji, man̈ 'ayc 'at pax 'a junc schecnb'il, a jun cha, yowlal tz'ijx 'el 'a e cal. Yujto matz yac' yofrenda 'ayn 'a jun sc'ul checl yajcn wu'uj, 'oj scha yailal yuj smul cha.

Nm 9:7

'Ix yaln eb' 'ixtc 'a Moisés: —An̈ tic on̈, 'ix qui yam jun chamnc 'anma on̈, yuj cha, man̈ wach'c caj ticnec on̈. ¿Toc wal am ma'oj chaxc ca' cofrenda 'a Jehová 'a jun c'u tic, yet' smasnil eb' quit chon̈b'ec tic? xchi eb'.

2 Co 2:15

'Icha sjab' junc incienso tzyac' Cristo 'a Dios, caw su'q'ui sjab', 'ixta 'on̈ec, yic tz'ec' caln 'el yab'xil 'a scal eb' wan scolchji, yet' 'a scal eb' wanto satq'ui.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.