Nm 27:3 - Chuj San Sebastian Bible

³ A qui mam on̈, chamnc can 'a lum cusltac lu'um, palta man̈ locnoc 'aych 'a scal eb' yic Coré, eb' meltzjnac 'och 'ajc'ojlal 'a Jehová. 'Ix cham yuj smul mun yico', palta may junc yunnal to winac.

Chuj San Mateo Bible

³ A vin̈ co mam a on̈ tic, ix cham vin̈ d'a tz'inan luum, palta man̈ locanoclaj vin̈ yed' eb' yic vin̈aj Coré ix meltzajoch ajc'olal d'a Jehová. A vin̈ co mam chi' yujn̈ej smul vin̈ d'a yol yico' ix cham vin̈, malaj junoc yuninal vin̈ ix cani.

Nm 27:3 ပူးပေါင်းရင်းမြစ်များ

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Nm 14:35

An Jehová in, an tzwala: 'Ixta wal 'oj wutc jun tzo'n̈ 'anma 'ix meltzj 'och 'ajc'ojlal 'ayn tic, a 'a lum cusltac lum tic 'oj lajwc can eb' schami, xchi Dios.

Nm 16:19

Ax Coré tox xyac' syam sb'a smasnil eb' chon̈b' 'a sti 'elt Mantiado cha, 'ix sch'oxn sb'a stzictznil Jehová 'a sat eb' chon̈b' chi smasnil.

Nm 16:49

Wal 'a muc'uc, xcham chan̈lajn̈e mil yet' uque ciente eb' 'anma cha, chuc pax yaj eb' xcham yet' Coré yic 'ix 'och eb' 'ajc'ojlal 'a Moisés yet' 'a Aarón.

Nm 26:33

Zelofehad win yunnal Hefer, a win tic, may junc swinc 'unin, palta 'ay eb' yisil, atn eb' 'ix tic: Maala, Noa, Hogla, Milca yet' Tirsa.

Nm 27:2

A own̈ eb' 'ix snul'j sb'a tic, 'ix c'och eb' 'ix 'a yol sti Mantiado 'aj tzchaj sb'a Dios yet' eb' 'anma'. Ata xc'och eb' 'ix paxtinc yet' Moisés, yet' Eleazar win ya'mal 'och sti eb' 'anma 'a Dios, yet' pax 'a eb' yajl yaj 'a scal eb' chon̈ab'. 'Ix yaln eb' 'ix 'ixtic:

Nm 27:4

Man̈ wach'oc, toto tzsatl sb'i qui mam 'a scal eb' yin̈til, yujto may junc yunnal winac. Yuj cha, to tzeyac' qui macl lum chi 'on̈, 'elt cab' lum 'a eb' lum yic eb' yu'tac qui mam on̈, xchi eb' 'ix.

Jn 8:21

'Ix yaln Jesús 'a ewin 'ixtic: —An tic, 'oj in 'ati. Ax xo tic 'oj cob' in e sayq'ui, palta a 'a scal e mul 'oj e chami. Yuj cha, ma'oj stac' e comn c'och 'a 'aj 'oj in c'och cha, xchi.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Ro 5:12

Yuj wal jun winac, spitzw can maysch'olnil 'a yolyib'n̈q'uinl tic, atn Adán. Yuj maysch'olnil cha, spitzw can chamel. Yuj cha, yochcn chaml 'a yib'n̈ smasnil 'anma', yujto c'uxn x'och smul eb' 'a Dios.

Ro 5:21

'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.