Nm 27:18 - Chuj San Sebastian Bible

¹⁸ 'Ix ta'w Jehová 'a Moisés, 'ix yaln 'ixtic: —A Josué yunnal Nun, 'ayx 'och Wespíritu 'a 'a, yuj cha, 'awtj coti, tza'n can opiso 'a 'a.

Chuj San Mateo Bible

¹⁸ Ix tac'vi Jehová chi' d'a vin̈ icha tic: —Te ay val och Vespíritu d'a vin̈aj Josué yuninal vin̈aj Nun, yuj chi' ac'b'at a c'ab' d'a sjolom vin̈.

Nm 27:18 ပူးပေါင်းရင်းမြစ်များ

Gn 41:38

Xyaln win 'ixtc 'a ewin 'aych yajlil yet' cha: —¿Yamto 'ay 'aj tz'ilchj junc xo winc cujec, to 'aych Yespíritu Dios 'a 'a, 'icha win tic? xchi winac.

Ex 17:9

Yuj cha, xyaln Moisés 'ixtc 'a Josué: —Si'l jaywn̈oc eb' israel yic tz'at eya'nc owl yet' eb' amalecita cha. 'Oj in 'at 'a lum jolm tzaln chi 'a caw sq'uin̈b'il to q'uic'an, 'oj wic' te c'occh tzc'anlb'ej Dios wet'oc, xchi.

Dn 5:14

'Ix alx wab'i', to caw ab' 'aych sjelnal jun tzo'n̈ dios 'ayach, caw ab' wach' ach, 'ay a nab'en, caw jeln ach ab' paxi.

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

Nm 13:16

Atn sb'i eb' winc tic 'ix schecb't Moisés yic tz'at yilnc eb' lum Canaán. A win Oseas yunnal Nun, 'ix sjel Moisés sb'i winac, Josué xyac' sb'i'oc.

Nm 27:23

Xlajw cha, xya'n q'ue Moisés chi sc'ab' 'a sjolm Josué cha, xya'n can 'och yopiso 'a yib'n̈ smasnil eb' 'anma cha, 'icha 'ix yutj Jehová yaln 'a 'a.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

A Tas Sc'ulejnac Eb' Schecab' Jesús Hechos 13:3

Yuj cha, 'ix 'och eb' 'a c'ajb'c'ojlal, 'ix leslwi eb'. Xlajw cha, 'ix ya'n 'at eb' sc'ab' 'a sjolm Bernabé yet' Saulo, 'ix schecn 'at eb'.

A Tas Sc'ulejnac Eb' Schecab' Jesús Hechos 19:6

Xlajwn̈ej cha, 'ix ya'n 'at Pablo sc'ab' 'a sjolm junjn eb'. 'Ixta to b'i'an, 'ix 'ajx can 'och Yespíritu Dios 'a eb'. 'Ix paxtin eb' 'a jun tzo'n̈ chucchc ti'al. Xlajw cha, 'ix 'ajx pax yal-l eb' jun tzo'n̈ cuynb'il yic Dios.

A Tas Sc'ulejnac Eb' Schecab' Jesús Hechos 6:3

Yuj cha, ex wu'tac, tze say ucwn̈oc winc 'a qui calc tic, tzeya'n 'och yopiso eb' sb'on jun munljel tic. Yowlal caw wach' sb'eyb'al eb', tznachj 'el yic Dios yuj eb', yowlal caw 'aych Yespíritu Dios 'a eb'.

A Tas Sc'ulejnac Eb' Schecab' Jesús Hechos 6:6

Xlajw si'x 'el eb', 'ix 'ijx 'at eb' 'a yojltac eb' schecb' Jesús. Ax eb' schecb' Jesús cha, 'ix leslwi eb'. 'Ix ya'n 'at eb' sc'ab' 'a sjolm eb'.

Dt 1:37

Eyuj wal ax tic, 'ix cot yowl Jehová 'ix yaln 'ixtc 'ayin: An̈jtona pax ach tic, ma'oj a c'och 'a sat lum lum cha.

Dt 3:21

A 'a Josué, ata xwal jun checnb'il tic 'ixtic: 'Ix el wal si'mb'il tas 'ix yutj Jehová qui Diosalec chawn̈ eb' rey cha. 'Icha wal x'aj eb' cha, 'ixta pax 'oj 'aj jun tzo'n̈ xo eb' rey 'a jun tzo'n̈ xo lugar 'aj 'oj e c'ochi.

Dt 3:28

A ticnec, 'a'cn snab'enoc Josué, tza cuyn cani, sec a 'oj jucb'tzanc eb' in chon̈b' tic, ax spojn 'ec' jun lum chi 'a eb', atn lum 'oj elcn 'at cha, xchi 'ayin.

Dt 31:14

Xlajw cha, 'ix yaln Jehová 'a Moisés 'ixtic: 'Ilto, wan sc'och stiempoal a chami; yuj cha, 'awtj cot Josué tzex 'at e chawn̈il 'a jun Mantiado 'aj tzin chaj in b'a eyet'oc, sec ata 'oj wa'cn 'och yopiso, xchi. Yuj cha, 'ix 'at Moisés yet' Josué 'a jun Mantiado cha.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

Dt 31:3

Palta a Jehová qui Diosalec, a 'oj b'ab'ljoc eyu'uj, ax satn 'el smasnil jun tzo'n̈ nacion̈ 'ayc' 'a yol e b'e, yet' eb' 'ayc' 'a sat lum lum 'aj 'oj e c'och cha. Ax xo 'oj e caj slum eb' cha. A Josué tic 'oj 'ochx can ex sjucb'tzoc 'icha xyutj Jehová yalni.

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

1 Ti 4:14

A yic ya'n 'at eb' anciano sc'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil 'a 'a. A 'a'jnac nachjc 'el yuj eb', to 'ixta 'oj ach yutoc. Yuj cha, caw man̈ actc can jun opiso cha.

1 Ti 5:22

Man̈ a comn 'a'c 'och yopiso junc mach muc'uc, yic mantzac a b'eyc'ojlej. Toto tz'och smul, caw locn ach yet' 'a smul chi 'a sat Dios. Caw tzej 'el a b'a 'a junc tzann̈j maysch'olnil.

A Ch'an̈ Carta D'a Eb' Hebreo 6:2

Tzyaln yuj bautismo. Tzyaln yuj eb' tzya't sc'ab' 'a qui jolmec, yic tz'och copisoec. Tzyalni, to 'oj qui pitzwec pax 'a scal eb' chamnac. Tzyaln paxi, to 'oj 'ajxc syailal eb' 'anma 'a jun 'ejmn̈ej. A jun tzo'n̈ cuynb'il tic 'och cab' wan qui cuynec.

Josué 1:17

'Icha wal xcutj qui yiclni tas xyal Moisés 'ayn̈ on̈, 'ixtnta 'oj qui yiclc pax tas tzal 'ayn̈ on̈. Cojn b'i'an, 'och cab' Jehová qui Diosalec et'oc, 'icha 'ix yac' yet' Moisés.

Jueces 11:29

Yuj cha, 'ix 'och Yespíritu Jehová 'a Jefté, 'ix syamn 'och s'ati, 'ix 'ec' 'a yol yic Galaad yet' 'a yol yic Manasés. 'Ix 'ec' pax 'a Mizpa 'a yol yic Galaad cha, 'ix smolb'tzan eb' soldado, xc'och yac' owl yet' eb' amonita.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

A Ch'an̈ B'ab'el Libro Samuel 16:18

'Ix yaln jun 'a scal eb' schecb' chi 'ixtic: —'Ay wal jun win wojtac. Caw jeln win syucn te arpa cha, yunnal win Isaí winac. Ata cajn 'a Belén. Caw jeln winac, yojc ya'n owal. Caw wach' pax yilx 'ochi, jeln spaxtini, 'aychn̈ej Jehová yet'oc, xchi.