Nm 26:55 - Chuj San Sebastian Bible

⁵⁵ A 'oj 'aj spojx 'ec' lum lum cha, to 'oj 'och suerte 'a yib'n̈ lu'um. Junjn mach 'oj scha smacl 'a smacl yic smam yicham.

Nm 26:55 ပူးပေါင်းရင်းမြစ်များ

Pr 16:33

Wach'xam tzca'c 'och suerte 'a yib'n̈ junc tas, palta a Jehová, a 'ojtnac tas snab'en 'a yib'an̈.

Pr 18:18

A yic tzch'oxn 'el Dios snab'en 'a suerteal, tztup 'ejm owal, tzpojn snan̈l eb' 'ay yowl cha.

Ez 47:22

Tzeya'ch suerte 'a yib'n̈ lu'um, sec tzcheclji 'aj tzcan e macl junjn 'in̈tal ex, tzeya'n pax yic eb' chuc chon̈b'al cajn 'a e cal, mto yunnal eb' 'aljnac 'a yol e chon̈ab'. A yic tze pojn e lum cha, tzeyac' yic eb' chuc chon̈b'al chi eyet'oc, sec 'ay slum eb' chi 'a scal eb' yin̈tl Israel.

Nm 26:56

'Oj 'och suerte 'a scal eb' niwn sb'isul yet' pax 'a scal eb' man̈ niwnoc sb'isl cha, xchi Dios.

Nm 33:54

Palta yowlal suerteal 'oj eyutc e pojn 'ec' lum 'a junjn macn̈il, a tzyal jantc e b'ey 'a junjn 'in̈tal. A eb' niwn sb'isul, niwquil slum eb' chi tz'ajxi. A pax eb' to jaywn̈ej sb'eyi, jab' wal slum eb' tz'ajxi. Junjn 'in̈tal, 'oj scha smacl 'a 'aj suerte scani.

Nm 34:13

Yuj cha, 'ix yaln Moisés jun tzo'n̈ checnb'il tic 'ixtc 'a eb' israel: A jun lum cha, to 'oj e mol pojc 'ec' 'a e cal, a tzyal e suerte junjn c'aj ex, atn jun lum chi xyal Jehová to tzpojx 'ec' 'a snan̈l slajn̈il to 'in̈tal eb' quit israelal to mant 'a slu'um.

Nm 36:2

A Jehová a 'ix alni, to ach Moisés ach tic, ach tza pojc' lum qui macl lum chi 'a 'ayon̈. To suerteal tz'aj lum spojx 'eq'ui, yaln̈ej 'aj tzcan yic junjn mach. Xyaln pax Jehová to a lum smacl win Zelofehad, win quican on̈, atn win xi'lb'a, to tzac' lum smacl win chi 'a eb' 'ix yisil.

A Tas Sc'ulejnac Eb' Schecab' Jesús Hechos 1:26

Xlajw cha, x'och suerte 'a yib'n̈ eb' schawn̈il. Yuj cha, 'ix checlj yuj jun suerte cha, to a 'a yib'n̈ Matías xcan jun 'opiso cha. A x'ochx can stz'acb'oc eb' uxlchwan̈ schecb' Jesucristo.

A Scarta San Pablo D'a Eb' Aj Colosas 1:12

Ax eya'n yuj diosal 'a qui Mam Dios. A tzb'on qui nab'enec, sec 'ay calnec quic yet' jantcn̈ej eb' yic xo yaji, yujto yic on̈c xo sacq'uinal.

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Josué 17:14

'Ix yaln eb' yin̈tl José 'a win Josué 'ixtic: —¿Tas yuj cojn jun macn̈ lum lum 'ix ac' qui macl lumoc on̈? Palta an̈ tic on̈, caw niwn qui b'isl on̈, yujto a Jehová 'ix ya'n̈j syaxilal 'a quib'n̈ on̈, xchi eb'.

Josué 18:6

Ax yic 'oj lajwc spojnc can eb' lum lum cha, ax yi'n cot eb' 'ayin, yuj tas yaj lu'um, ax wa'n 'och suerte 'a yib'n̈ lum 'a yojltac Jehová qui Diosalec.

Josué 19:1

A lum schab'il, 'ix 'och suerte 'a yib'n̈ lu'um, ax eb' yin̈tl Simeón a eb' x'i'n lu'um, a tzyal jayc'aj eb' 'a smacl cha. A lum lum xyij eb' cha, ata xcan lum 'a yojl lum yic eb' yin̈tl Judá.

Josué 19:10

Lum yoxil, 'ix 'och suerte 'a yib'n̈ lu'um, ax eb' yin̈tl Zabulón a eb' x'i'n lu'um, a tzyal jayc'aj eb'. 'Ay lajchwe chon̈b' yet' yaldeail 'ix yique'ej eb' yin̈tl Zabulón. Ata tzc'och smon̈jonal 'a lum Sarid.

Josué 19:17

Lum schan̈il, 'ix 'och suerte 'a yib'n̈ lu'um, ax eb' yin̈tl Isacar a eb' x'i'n lu'um, a tzyal jayc'aj eb'. 'Ay waclajn̈e chon̈b' yet' yaldeail 'ix yique'ej eb'. Atn eb' tic: Jezreel, Quesulot, Sunem, Hafaraim, Sihón, Anaharat, Rabit, Quisión, Abez, Remet, En-ganim, En-hada, yet' Bet-pases. Masnto tzc'och jun mon̈jon chi 'a Tabor, Sahazima yet' Bet-semes axta tzlajw c'och 'a a Jordán. Atn lum tic xyique'ej eb' yin̈tl Isacar.

Josué 19:24

Lum yo'il, 'ix 'och suerte 'a yib'n̈ lu'um, ax eb' yin̈tl Aser a eb' x'i'n can lu'um. 'Ay chab'schawinc chon̈b' chi 'a smasnil yet' yaldeail xyique'ej eb' yin̈tl Aser. Locn pax jun tzo'n̈ xo chon̈b' tic 'aych stz'acb'oc: Helcat, Halí, Betén, Acsaf, Alamelec, Amad yet' Miseal, masnto tzc'och lum 'a stojlal 'aj tz'em c'u 'a jolm witz Carmelo, yet' Sihor-libnat.

Josué 19:32

Lum swaquil, 'ix 'och suerte 'a yib'n̈ lu'um, ax eb' yin̈tl Neftalí a eb' x'i'n lu'um, a tzyal jayc'aj eb'. 'Ay b'aln̈lajn̈e chon̈b' chi 'a smasnil yet' yaldeail xyique'ej eb' yin̈tl Neftalí. A slum eb' cha, tz'atn̈j lum 'a Helef, Alón-saananim, Adami-neceb yet' Jabneel, masnto tzc'och 'a Lacum, axta tz'el'ch 'a a Jordán. Ax 'a smon̈jonal 'aj tz'em c'u tz'atn̈j Azrot-tabor, tzc'och 'a Hucoc, yuj cha, 'a 'a stojlal sur ata tzchaj sb'a smon̈jonal slum eb' chi yet' eb' yic Zabulón, a 'aj tz'em c'u cha, tzchaj sb'a slum eb' chi yet' eb' yic Aser, ax 'a stojlal 'aj tzq'uel c'u ata tzc'och smon̈jon eb' chi 'a a Jordán.

Josué 19:40

Lum yuquil, 'ix 'och suerte 'a yib'n̈ lu'um, ax eb' yin̈tl Dan x'i'n lu'um, a tzyal jayc'aj eb'. Atn jun tzo'n̈ chon̈b' tic yet' yaldeail xyique'ej eb' yin̈tl Dan. A 'a lu'um, ata 'ay chon̈b' Zora, Estaol, Ir-semes, Saalabín, Ajalón, Jetla, Elón, Timnat, Ecrón, Elteque, Gibetón, Baalat, Jehúd, Bene-berac, Gat-rimón, Mejarcón, Racón, yet' lum tzcan 'a yojltac 'at chon̈b' Jope.