Nm 26:53 - Chuj San Sebastian Bible

⁵³ 'Oj pojxoc 'ec' lum lum 'a eb' 'anma tic, a tzyal jantc sb'isl eb' 'a junjn 'in̈tal, 'icha wal x'aj eb' stz'ib'xi.

Chuj San Mateo Bible

⁵³ Pucchajocab'ec' lum luum d'a scal junjun in̈tilal ato syala' jantac sb'isul junjun ix q'ue vaan.

Nm 26:53 ပူးပေါင်းရင်းမြစ်များ

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

1 Cr 16:18

yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.

Salmos 105:44

'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.

Salmos 49:14

A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Ez 47:22

Tzeya'ch suerte 'a yib'n̈ lu'um, sec tzcheclji 'aj tzcan e macl junjn 'in̈tal ex, tzeya'n pax yic eb' chuc chon̈b'al cajn 'a e cal, mto yunnal eb' 'aljnac 'a yol e chon̈ab'. A yic tze pojn e lum cha, tzeyac' yic eb' chuc chon̈b'al chi eyet'oc, sec 'ay slum eb' chi 'a scal eb' yin̈tl Israel.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Nm 26:52

'Ix yaln Jehová 'a Moisés 'ixtic:

Nm 26:54

A eb' niwn sb'isul, niwn yic eb' tz'ajxi, ax eb' man̈ niwnoc sb'isul, jab' wal yic eb' tz'ajxi. A junjn c'aj eb', 'oj 'ajxoc slum eb' cha, a tzyal 'ix 'aj chan̈ sb'isl eb', 'ixta pax slum eb' tz'ajxi.

Nm 33:54

Palta yowlal suerteal 'oj eyutc e pojn 'ec' lum 'a junjn macn̈il, a tzyal jantc e b'ey 'a junjn 'in̈tal. A eb' niwn sb'isul, niwquil slum eb' chi tz'ajxi. A pax eb' to jaywn̈ej sb'eyi, jab' wal slum eb' tz'ajxi. Junjn 'in̈tal, 'oj scha smacl 'a 'aj suerte scani.

Mt 5:5

A eb' 'emmquil tzyutj sb'a, caw wach' yic eb', yujto 'oj yico'oc eb' jun lugar 'aj ya'jnac can Dios sti'.

Josué 1:6

Te'n tzotj a b'a, man̈ ach xiwoc, yujto ach 'oj a pojc smacl lum eb' et israelal tic 'a 'a, atn lum 'aj wa'jnac in ti wa'n 'a eb' e mam eyicham.

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.