Nm 25:7 - Chuj San Sebastian Bible

⁷ 'Ix yiln sb'a Finees win yunnal Eleazar, yixchicn can Aarón, win ya'mal 'och sti eb' 'a Dios, 'ix 'elt 'a scal eb' 'anma cha, 'ix yi'n win q'uen slanza.

Chuj San Mateo Bible

⁷ Ayic ix yilan vin̈aj Finees yuninal vin̈aj Eleazar, yixchiquincan vin̈aj Aarón vin̈ b'ab'el sat sacerdote, ix q'ue vaan vin̈ d'a scal eb' anima ayec' molan chi'. Ix yic'ancot slanza vin̈, ix b'at tzac'an vin̈ yuj jun vin̈ israel yed' ix aj Madián chi',

Nm 25:7 ပူးပေါင်းရင်းမြစ်များ

1 Cr 9:20

A Finees, yunnal Eleazar, a 'aych syajlilc eb' 'a yaln̈taxi. ¡Caw 'aych Jehová yet'oc!

Salmos 106:30

Palta ax win Finees, 'ix yil sb'a 'a jun 'ay smul cha, smiln chamoc. Cojn wal cha, 'ix 'och wan scham eb' 'anma cha.

Ex 32:28

'Ix syiclj eb' levita jun checnb'il cha, 'aym 'oxe'oc mil eb' winc xcham 'a jun c'u cha.

Ex 6:25

A Eleazar yunnal Aarón, 'ix yij sb'a yet' 'ix yisl win Futiel, atn snun Finees, a eb' tic yajl yaj 'a junjn macn̈ eb' yin̈tl Leví.

Malaquías 2:5

A 'in trato yet' eb' yin̈tl can Leví, atn eb' e mam eyicham to tzwac' stzatzl eb', yet' sjunc'ojlal eb'. 'Ix wac' in trato chi yet' eb', sec wach' 'ay wel'ch 'a sat eb'. A eb' cha, sch'oxl eb' to caw 'ay wel'ch 'a sat eb', 'ay pax xiwc'ojlal eb' 'ayin.

Nm 31:6

Xlajw cha, schecn 'at Moisés eb' 'a owl cha. 'Ix 'at pax win Finees yet' eb', win yunnal Eleazar ya'mal 'och sti eb' 'anma 'a Dios. A win x'i'n 'at jun tzo'n̈ yamc'ab' tzc'anx 'a scajnub' Dios, yet' pax q'uen trompeta tz'utz'xi yic tz'och eb' 'a owal.

Josué 22:13

'Ix schecb't eb' win Finees, win yunnal Eleazar ya'mal 'och sti eb' 'anma 'a Dios 'a Galaad, 'a 'aj 'ayc' eb' meltzjnacx 'a slugar.

A Ch'an̈ B'ab'el Libro Samuel 19:9

Palta x'ochx jun espíritu man̈ wach'c 'a Saúl yuj Jehová, wocn 'ejm 'a yol yatut, yamb'il jun slanza yu'uj, ax David wan syucn te arpa 'a yojltac.