Nm 25:6 - Chuj San Sebastian Bible

⁶ Ya' sb'a wanto yoc' eb' 'a sti Mantiado cha, 'ix 'ec' jun win israel yet' jun 'ix 'aj Madián. Xyi'n 'at win 'ix 'a 'aj 'ay smantiado, 'ix 'ec' eb' 'a yojltac Moisés yet' 'a sat eb' chon̈ab'.

Chuj San Mateo Bible

⁶ Junanto rato chi' ix ec'b'at jun vin̈ israel yed' jun ix aj Madián van yic'anb'at ix vin̈ d'a smantiado. Ix ec'b'at vin̈ d'a slac'anil scajnub' Jehová d'a yichan̈ vin̈aj Moisés yed' eb' anima molaneq'ui yic tz'oc' eb' d'a yichan̈ Jehová.

Nm 25:6 ပူးပေါင်းရင်းမြစ်များ

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

A Ch'an̈ B'ab'el Libro Yic Yab'ixal Eb' Rey 11:18

'Ix 'ec' eb' 'a lum Madián, axta xc'och eb' 'a Parán. Ata xyij 'at eb' jun tzo'n̈ eb' winc schecb'oc, ax yic xc'och eb' 'a Egipto. 'Ix 'at sch'oxnc sb'a eb' 'a yojltac win rey cha. Ax win rey chi x'a'n yatut eb', tas tzc'ux eb', yet' pax slum eb'.

Salmos 94:16

Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 36:23

A yic xlajw yawtn win Jehudí 'oxe', mto chan̈ macn̈ yojl ch'an̈ un̈ cha, ax win rey cha, 'ix scotc poln 'elt win ch'an̈ yet' jun q'uen cuchlub' tzc'an ewin 'ajtz'ib', xlajw cha, xya'n 'at win ch'an̈ 'a yib'n̈ c'ac' cha. 'Ixta xyutj win sn̈usn smasnil ch'an̈ un̈ cha.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Nm 16:47

Ax Aarón 'ix syiclj tas xyal Moisés, carela x'at 'a 'aj yamn eb' chon̈b' cha. Ax jun yab'il xyac' cot Jehová, wan xo laj scham 'anma chi yu'uj. Yuj cha, 'ix ya'n 'och Aarón sc'a'l incienso yic tzc'ann niwnc'ojlal 'a Dios yuj smul eb' chon̈b' cha.

Nm 22:4

Yuj cha, 'ix yaln eb' 'anma yic Moab 'a eb' yichm wincal chon̈b' Madián 'ixtic: Smasnil jun tzo'n̈ 'anma tic, 'oj juwc 'el qui lum tic yuj eb', 'icha wal tz'aj slajw 'el te c'ultc yuj no wacax, 'ixta 'oj 'aj lu'um, xchi eb'.

Nm 31:2

Al 'a eb' et israelal tic, to tzpac sb'a eb' 'a eb' 'aj Madián, tzlajw xoj cha, ax a chami, xchi Dios.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

Jueces 2:4

A yic xlajw yaln jun yángel Jehová chi jun tzo'n̈ tic 'a eb', 'ix syamn 'och eb' yoq'ui, caw x'el yaw eb' yoc' si'mb'il.