Nm 24:24 - Chuj San Sebastian Bible

²⁴ 'Ay eb' 'anma 'oj cot 'a yojl te barco 'oj cot 'a sti a mar yic Chipre, ax satn 'el eb' chon̈b' Asiria yet' chon̈b' Heber, palta 'oj satl pax eb', xchi Balaam.

Chuj San Mateo Bible

²⁴ Ay te' barco ol cot d'a Chipre, ol ja d'a sti' a' mar yic tzul yixtan chon̈ab' Asiria yed' chon̈ab' Heber, palta ol satjocpaxel eb' aj Chipre chi', xchi vin̈.

Nm 24:24 ပူးပေါင်းရင်းမြစ်များ

Gn 10:4

Atn sb'i eb' yunnal Javán tic: Elisa, Tarsis, Quitim, yet' Dodanim.

Gn 14:13

Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Is 10:5

'Ix yal Dios 'ixtic: A win sreyl Asiria, a win tzin c'anlb'ej yet' yowl in c'ojol, 'icha to in c'occh yaji, a tzwac' 'a'nc 'och eyailal.

Is 23:1

Alb'il can 'el jun tzo'n̈ paxti tic 'ixtc 'a yib'n̈ Tiro: Ex 'i'mb'ey barco yic Tarsis, 'el cab' eyaw yuj somc'ojlal, yujto 'ix lan̈chj 'ejm chon̈b' Tiro, man̈x 'a xon junc n̈a xcani, man̈x 'a 'aj wach' spixx can te barco. A yic ex jaw 'a Chipre, 'ix eyab'n speclal jun cha.

Ez 27:6

A te sma'lab'il a yic te barco cha, 'ix b'o te 'a te mach' 'ix cot 'a lum Basán; ax te q'uisis xcot 'a Chipre, a te x'och smacloc eb' te barco cha. A q'uen marfil, a 'aych pax yelwnub'loc.

Dn 10:20

'Ix yaln 'ayn 'ixtic: ¿Ojc ama tas yuj in jaw wul ach wila'? A ticnec, 'oj wal 'ayach, tas jun tzo'n̈ tz'ib'b'il 'a ch'an̈ libro yic jun tzo'n̈ paxti caw yel: A ticnec, to 'oj in 'atx wac' owl yet' jun ángel syajlil Persia. Ax yic 'oj lajwc wa'n owl yet' cha, ax sjaw pax jun ángel syajlil Grecia. A yic tzwa'n owl yet' eb', may junc mach tzcolwj wet'oc, cojn wal Miguel, jun ángel syajlil chon̈b' Israel, a tzcolwj wet'oc.

Dn 11:30

Yujto a eb' soldado 'ay 'a stojlal 'aj tz'em c'u, 'oj jawc eb' 'a yol barco. A eb' 'oj tennc 'och wa'an. 'Ixta 'oj 'aj xiw win sreyl norte cha, ax smeltzj pax 'a spatic. Yuj cha, ax 'a yib'n̈ strato Dios sb'ojnac yet' eb' israel, ata oj yi'l yowl sc'ojol, ax schan yab' tas 'oj yal eb' 'oj 'actnoc can jun trato cha.

Dn 11:45

Ax sb'on chan̈ scamplamento 'a snan̈l a niwquil mar yet' 'a jun tzaln to yicn̈ej Dios yaji, atn jun tzaln caw wal wach' yilxi. Palta atnta 'oj c'och stiempoal slajw yopiso, man̈x 'a junc mach 'oj colnoc.

Dn 2:35

Wal 'a yajn̈ej, 'ix poj smasnil q'uen hierro, lum mucb'il lu'um, q'uen bronce, q'uen plata, yet' q'uen oro cha. Nab'a pococ x'ajcn 'icha tzyac' stzapil 'ixm trigo 'a yic cuaresmail, ax 'ic' x'utz'n can 'ati, man̈x 'a jac sc'ajl 'ix can yu'uj. Ax q'uen q'uen 'ix ma'n poj jun yechl 'anma cha, 'ix ya'ch sb'a q'uen niwquil witzal. C'uxn 'ix macchj 'el sat lum lum tic yuj q'ue'en.

Dn 2:45

Atn wal chi tzyal 'el'ch q'uen q'uen 'ix el scot 'a sat witz cha, to man̈ 'anmac 'ix ecn cot q'ue'en. A q'uen 'ix 'a'n 'och poccal q'uen hierro, q'uen bronce, lum mucb'il lu'um, q'uen plata yet' q'uen oro. A jun Dios caw niwn yel'chi, a 'ix ch'oxn 'aych mamin rey, yuj tas 'oj ujc b'aq'uin̈. A jun a waych cha, 'oj 'el'choc tas tzyala, 'icha wal tzwutj waln 'aych tic, 'ixta wal tzyal 'el'chi, xchi Daniel 'a win rey cha.

Dn 8:21

Ax pax no chiwo xel cha, atn sreyl chon̈b' Grecia tzch'oxo. A jun sch'ac caw niwquil 'ay 'elt 'a snan̈l yol sat schab'il, atn jun b'ab'l rey tzch'oxo.

Nm 24:20

'Ix meltzj 'at q'ueln Balaam 'a lum chon̈b' Amalec, 'ix yaln 'ixtic: A chon̈b' Amalec, yel xo wal niwn yel'ch 'a yib'n̈ jun tzo'n̈ xo chon̈ab', palta 'oj satcn 'el 'a jun 'ejmn̈ej, xchi.

Nm 24:23

Xyaln pax 'ixtic: ¡'Ay! ¿Tom 'ayt mach 'oj can 'a spitznal yic 'oj sb'onc Dios jun tzo'n̈ tic?

Mt 24:15

Palta 'ay jun win yajb'il yuj Dios, a 'oj 'a'nc juwc 'el jun tzo'n̈ tas. A Daniel win schecb' Dios pecti', a aljnac can yuj jun cha. A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a yol yatut Dios,

Lc 20:24

—Ch'oxc wil junc tumin. ¿Mach yechl jun tic, mach sb'i pax jun tz'ib'b'il 'och tic? xchi 'a eb'. —Atn yechl win yajl 'a Roma, yet' sb'i tic, xchi eb'.

Jn 11:48

Toto ton̈j tzquilc win ticnec, smasnil eb' quit chon̈b'ec, 'oj ya'ch eb' sc'ojl 'a winac. Ax ewin yajl 'a Roma, 'oj wul smac' poj ewin jun yatut Dios tic, ax ya'n pax ewin owl yet' eb' quit chon̈b'ec smasnil. Caw 'oj qui canc 'a yaln̈ yuj ewinac, xchi eb'.