Nm 23:7 - Chuj San Sebastian Bible

⁷ Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.

Chuj San Mateo Bible

⁷ Ix lajvi chi', ix och ijan vin̈ yalan icha tic: Ayinec' d'a jun vitz d'a stojolal b'aj sjavi c'u d'a yol yic Aram, ayic ix in yavtancot vin̈aj Balac sreyal Moab. Cotan̈, tza catab'an eb' israel. Alcan chucal lolonel d'a yib'an̈ yin̈tilal vin̈aj Jacob chi', xchib'at vin̈.

Nm 23:7 ပူးပေါင်းရင်းမြစ်များ

Gn 10:22

Eb' yunnal Sem, atn Elam, Asur, Arfaxad, Lud yet' Aram.

Gn 28:2

Ata tzach 'at 'a yol yic Padan-aram 'a yatut a mam 'ichm Betuel. Tze'n a b'a yet' junc eb' 'ix yisl win Labán, win snul'j a nun tic.

Gn 28:7

Ax Jacob x'atcn 'a Padan-aram, 'icha xyutj yaln smam yet' snun 'a 'a.

A Ch'an̈ Schab'l Libro Samuel 21:21

Caw 'ix b'uchwj win 'a eb' soldado israel, yuj cha, a Jonatán yunnal Simea, win yu'tac rey David, 'a xmiln chamoc.

A Ch'an̈ Schab'l Libro Samuel 23:9

Ax win schab'l yaj 'a scal eb' 'oxwn̈ jeln cha, atn Eleazar yunnal Dodo, 'aj Aho. A xcan yet' David 'a Pasdamim yic 'ix syamn sb'a eb' filisteo ta', yic tzya'n eb' owal. A jun tzo'n̈ xo eb' israel 'ayc' ta', 'ix 'at eb' 'eloc.

Job 27:1

Scha aln pax Job 'ixtic:

Job 29:1

Syamn 'och Job yaln jun 'ejm xo 'ixtic:

Salmos 49:5

¿Tas yuj 'oj in xiwi, yic 'oj jawc jun tzo'n̈ tiempo maysch'olnil 'a wib'n̈ yuj smaysch'olnilal eb' tzchichn 'och 'ayin?

Salmos 78:2

'Oj wal jun tzo'n̈ paxti to caw niwn yel'ch 'ayex; atn jun tzo'n̈ tas to c'ub'b'il 'el 'a yictax pecti'.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Ez 17:2

Ach 'anma', al jun 'ab'x tic 'a eb' et israelal.

Ez 20:49

Xlajw cha, xwaln 'ixtic: ¡'Ay, Mamin Jehová! A eb' wit chon̈b' cha, tzlaj yal eb', to a tas tzwal cha, toxn matz nachj xon 'el ab' jun tzo'n̈ paxti chi yuj eb', xin chi 'a 'a.

Miqueas 2:4

A 'a yic jun c'ul cha, 'oj stz'ac b'itnc sb'a eb' 'ajc'ojl yuj ex sb'uchni. 'Oj yal eb' 'ixtic: A wal ticnec, caw wal on̈ lajwec 'el 'a jun 'ejmn̈ej, a qui chon̈b'ec to yic Jehová yaji, caw xjelmj mach 'ay yico'. Man̈x 'a mach tztac' stenn 'och wa'an. A eb' on̈ lajnec 'el cha, tox 'ix spojc' eb' qui lumec 'a 'a, 'oj schic eb' 'a sb'it cha, xchi Dios.

Habacuc 2:6

Palta a smasnil eb' 'anma 'a jun tzo'n̈ nacion̈ tz'ijx 'ec' cha, 'oj b'uchwjoc eb' 'a eb' caldeo tz'i'n 'ec' lum lum cha, ax laj yalnc eb' 'ixtic: ¡'Oltacx wal ax tic! Caw tzex 'och ricoal yuj tas man̈ eyico'oc. ¿B'a'n̈ wal tzex 'och wan eyecn syam sb'a smasnil tas tze chaj yuj eyixtm 'anma'il? 'oj schic eb'.

Nm 22:11

tolab' 'ay jun chon̈b'al eb' 'anma xcot 'a Egipto, ax ticnec xb'ut'j ab' 'ejm eb' 'a sat slu'um. Yuj cha, to tznib'j win tzin 'at 'a schon̈ab' yic tz'at in catb'tzan can jun tzo'n̈ 'anma cha, sec wach' 'oj techjoc spechn 'el win eb' 'anma chi 'a sat slum cha, xchi.

Nm 22:17

Yujto tzyal 'ixtc 'ayach: Caw niwn yel'ch 'oj ach wutoc. A tas 'oj a c'an 'ayin, 'oj wa'n̈j 'ayach. Yuj cha, tzin tew wal 'ayach, to tza yiclj a coti, yic tza catb'tzan jun tzo'n̈ 'anma tic, xchi Balac, xchi eb' 'a 'a.

Nm 23:18

Xlajw cha, syamn 'och Balaam yaln 'ixtic: Balac ach yunnal Zipor, tzcham wal ab'n tas 'oj wala':

Nm 23:6

'Ix meltzj Balaam 'a 'aj 'ix 'at cha, ax yic xc'och 'a Balac, lin̈n 'och 'a stz'ey no xajmb'al chi yet' eb' yichm wincal chon̈b' Moab.

Nm 24:15

'Ix yaln can Balaam 'ixtic: Atn in paxti an Balaam in tic, yunnal in Beor, c'ac' yol in sat.

Nm 24:21

An̈jtona', 'ix 'at q'ueln 'a schon̈b' eb' quenita, 'ix yaln 'ixtic: Ex quenita, wach'xam caw lista eyaj e coln e b'a, wach'xam sjolm q'uen tze b'o q'ue eyet'ul,

Nm 24:23

Xyaln pax 'ixtic: ¡'Ay! ¿Tom 'ayt mach 'oj can 'a spitznal yic 'oj sb'onc Dios jun tzo'n̈ tic?

Nm 24:3

Yuj cha, 'ix yaln 'ixtic: Yaj in paxti an Balaam in tic, yunnal in Beor, c'ac' yol in sat.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Mt 13:35

'Ixta xyutj yaln 'a eb', sec tz'el'ch tas stz'ib'jnac can jun schecb' Dios 'a pecti', yic yaln can 'ixtic: A jun tzo'n̈ 'ab'x ya snachj 'eli, a 'oj wal 'a eb' 'anma'. 'Oj wal jun tzo'n̈ paxti to caw niwn yel'ch 'ayex; atn jun tzo'n̈ tas to c'ub'b'il 'el 'a yictax sb'on Dios yolyib'n̈q'uinl tic, xchi.

Mr 12:12

'Ix ya'lj ewin ya'n yamchjoc, yujto xnachj 'el yuj ewinac to yuj eb' xyaln jun 'ab'x cha. Palta 'ix xiw ewin yuj eb' 'anma', yuj cha, xyactn can ewin Jesús cha, 'ix pax ewinac.

Dt 23:4

yujto a yic on̈ 'e't 'a sat slum eb', yic on̈ 'eltec 'a lum Egipto, ma'ix yac' xon eb' cu'c jac ya'al, may xon pax jac tas xyac' eb' qui c'uxu'. A yic eb', to 'ix stoj eb' Balaam win yunnal Beor, win cotnc 'a lum Petor 'a yol yic Mesopotamia, yic tzon̈ wul scatb'tzanec.

A Ch'an̈ B'ab'el Libro Samuel 17:10

A wal 'a yic jun c'u tic, tzwaln eyab' ex israel: ¡Checc cot junc winc 'a e cal cha, yic tzwul ya'nc owl wet'oc! xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.

A Ch'an̈ B'ab'el Libro Samuel 17:45

'Ix ta'w David 'a win 'ixtic: —Ach tic, tzach cot 'ayn yet' espada, yet' a lanza yet' pax a cotc lanza, yic tzwul a'nc owl wet'oc, palta an xo tic, tzin 'at wac' owl et' 'a sb'i Jehová jun tzta'n̈j yuj smasnil, atn jun qui Diosal an̈ soldado Israel on̈ tic on̈, atn 'aj ach b'uchwji.