Nm 23:5 - Chuj San Sebastian Bible

⁵ Yuj cha, 'ix yaln Jehová 'a Balaam tas 'oj yutc paxtinc sb'a, 'ix yaln 'a 'ixtic: —A ticnec, meltzjan̈ 'a 'aj 'aycn Balac, tzaln 'a 'icha xwutj waln 'ayach, xchi.

Chuj San Mateo Bible

⁵ Ix lajvi chi' ix yalan Jehová chi' tas ol aj slolon vin̈. Ix yalan icha tic: —Meltzajan̈ b'aj ayec' vin̈aj Balac chi', tzalan tas ix val tic d'ayach, xchi d'a vin̈.

Nm 23:5 ပူးပေါင်းရင်းမြစ်များ

Ex 4:15

Paxtinan̈ yet'oc, tzaln 'a 'a tas 'oj yutc paxtinc sb'a; an xo 'oj wal 'ayex tas 'oj eyal cha, 'oj wac' e nab'enoc yet' smasnil tas 'oj e b'o'.

Pr 16:1

An̈ 'anman̈ec tic, 'ay calnec quic qui nanec tas tzqui b'o'o, palta a Jehová a tztac' yalni tas tz'aj 'el'chi.

Pr 16:9

An̈ 'anman̈ec tic, si'mb'il tzqui nac tas tzqui b'o'o, ax Jehová a tztac' yalni tas tzon̈ 'ajc 'el'chi.

Is 51:16

An xin jen̈b't satcha'an̈, xin b'on pax lum lu'um. An pax xwac' eyal-l in paxti'. Tzex in coln pax yet' yipl in c'ab', yuj cha, xwaln 'ixtc 'a yib'n̈ Sión: A jun chon̈b'al eb' 'anma tic, caw yel wic eb', xin chi, xchi Dios.

Is 59:21

Yuj cha, xyaln Jehová chi 'ixtic: A ticnec, tzin b'ocn jun in trato tic eyet'oc, tzwa'n can in ti', to a Wespíritu yet' jun tzo'n̈ cuynb'il xwa'cn 'ayex, may xon b'a'n̈ 'oj 'el 'ayex. 'Oj e cuycn eb' eyunnal 'a in checnb'il cha, ax eb' eyunnal chi 'oj cuync can pax yunnal b'aq'uin̈. Tzcan jun in trato tic eyet' 'a jun 'ejmn̈ej, xchi Dios.

Jeremías 1:9

Xlajw cha, xya'n cot Jehová sc'ab', xwul squilnc 'och sc'ab' 'a in ti', xyaln 'ayn 'ixtic:

Nm 22:20

Ax 'a jun 'ac'wl cha, 'ix sch'oxn sb'a Dios 'a Balaam, 'ix yaln 'a 'ixtic: —Toto ojn̈ej 'ix japx jun tzo'n̈ winc cha, q'uen̈ wa'an tztac' a 'at yet' eb', palta cojn tas 'oj wal 'ayach, a chi tz'at a b'o', xchi.

Nm 22:35

Palta 'ix ta'w jun yángel Jehová chi 'ixtc 'a Balaam: —Tztac' cab' a 'at yet' jun tzo'n̈ 'anma tic, palta cojn tas 'oj wac' ala', a chi 'oj ala', xchi. Yuj cha, 'ix 'at Balaam yet' eb' schecb' win Balac cha.

Nm 23:16

Yajn̈j wal cha, 'ix schan sb'a Jehová yet' Balaam, 'ix yaln tas 'oj yutc paxtinc sb'a, xyaln pax 'a 'ixtic: —Meltzjan̈ 'a 'aj 'aycn Balac, tzaln 'a 'icha 'ix wutj waln 'aych tic, xchi.

Nm 23:4

Ata sch'ox sb'a Dios 'a Balaam, 'ix yaln win 'ixtc 'a Jehová: —'Ix wac' b'o chan̈ uque yet'l xajmb'al 'a cha. A 'a junjn yet'l xajmb'al cha, 'ix wa'cn q'ue junjn no quelm wacax yet' junjn no mam calnelu xajmb'al-l 'a yib'an̈, xchi.

Nm 23:6

'Ix meltzj Balaam 'a 'aj 'ix 'at cha, ax yic xc'och 'a Balac, lin̈n 'och 'a stz'ey no xajmb'al chi yet' eb' yichm wincal chon̈b' Moab.

Lc 12:12

Yujto a yic 'oj c'och stiempoal eyaln eyico', a Yespíritu Dios 'oj ch'oxnc 'ayex, tas wach' 'oj e yala', xchi Jesús 'a eb'.

Jn 11:51

A win Caifás cha, man̈ munoc xnachj 'el jun chi yu'uj, xyaln jun cha. Palta yujto sat ya'mal 'och sti eb' israel yaj win 'a Dios 'a jun ab'il cha, yuj cha, a 'a win 'ix sch'ox Dios, to 'oj cham Jesús sjelc eb' israel smasnil.

Dt 18:18

'Oj in sic' 'elt junc xo in checb' 'a scal eb' 'icha ach tic, junc mach to yit chon̈b' eb', sec a tas 'oj wal 'a 'a, a chi 'oj yalx 'a eb'.