Nm 23:23 - Chuj San Sebastian Bible

²³ A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

Chuj San Mateo Bible

²³ A d'a yin̈tilalcan vin̈aj Jacob malaj yelc'och eb' naumel lolonel, malaj pax yelc'och eb' ajb'aal. A ticnaic yovalil tz'alchaj d'a chon̈ab' Israel icha tic: Tzijtum tas satub'tacxon̈ej yoch ix sc'ulej Jehová d'ay, xchiocab'i.

Nm 23:23 ပူးပေါင်းရင်းမြစ်များ

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Salmos 31:19

Caw niwn a wach'c'ojlal tzac' 'a eb' 'ay el'ch 'a 'a. Sat wal eb' 'anma', tza pojn 'ec' a wach'c'ojlal chi 'a scal eb' tzach 'a'n 'och yipc sc'ojol.

Salmos 64:9

'Ixta to b'i'an, ax smasnil eb' 'anma', 'oj xiw chan̈ eb', 'oj yal-l eb' tas b'ob'il yuj Dios. Ax yojcan 'el eb' tas tz'el sb'on cha.

Is 41:4

¿Mach 'ix 'a'n sb'o jun tzo'n̈ tic? ¿Mach 'ix nalb'an smasnil tas 'ix uj 'a yictax pecti'? An ton Jehová in, an b'ojnac, cojn in ton Dios in, b'ab'l waj 'a smasnil, slajb' in paxi.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Ez 21:21

A yic 'oj jawc win sreyl Babilonia 'a 'aj tzpoj sb'a chab' b'e cha, 'oj 'och wan lin̈n ta', 'oj yac' scalc sb'a sjul-lab' 'a yet'ul, ax sc'anb'n sb'a 'a sdiosal. 'Oj say yil seyb' no noc' sec 'oj yojcoc 'eli, 'aja b'e 'aj 'oj 'ochoc.

Dn 9:15

Ach qui Diosal, Cajlil ach. 'Ix a ch'ox wal a poder yic 'ix e'n 'elt eb' qui mam quichm 'a lum Egipto on̈. Caw ach b'inax 'a yic jun tiempoal cha, masnto ticnec. Palta an̈ xo tic on̈, 'ix 'ochx qui mul on̈, cojn maysch'olnil tzqui b'o on̈.

Miqueas 7:15

'Ix ta'w Dios 'ixtic: 'Oj in ch'ox eyil tas to caw satjub'tac yilxi, 'icha wal wutjnac wi'n 'elt eb' e mam eyichm 'a Egipto.

Nm 24:1

Yujto xyil Balaam to tzchaj sc'ojl Jehová yalx wach' paxti 'a yib'n̈ chon̈b' Israel, yuj cha, man̈x 'ic 'at sc'anb'j 'a Jehová tas 'oj yalx cha, man̈ 'icha'oc xyac' 'a b'ab'el, palta ton̈j 'ix 'at q'ueln 'a lum cusltac lu'um.

Mt 12:25

Ax Jesús, yojtac tas wan snan eb', yuj cha, xyaln 'a eb' 'ixtic: —Tzann̈j junc nacion̈ tzpoj sb'a 'a yol yico', caw tzjuwi. An̈jtona', tzann̈j junc chon̈ab' mto junc n̈al 'anma tzpoj sb'a 'a yol yico', caw tzjuw pax 'eli.

Mt 12:27

Ax tic, tzeyala to yuj spoder win Beelzebú tzin pechn 'el ewin demonio cha. Palta toto 'ixta', ¿machm 'aych yet' eb' e cuywum, yic tzpechn 'el eb' ewin jun xo? Mun a eb' e cuywum chi tzch'oxn 'el e paltail.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

Jn 11:47

Ax ewin fariseo cha, yet' eb' sat ya'mal 'och sti eb' israel 'a Dios, 'ix sc'umj sb'a ewin yet' eb' sat yajal. 'Ix laj yalnc eb' 'ixtic: —¿Tas tzcutjec tze na'a? Yujto til wal jun tzo'n̈ milagro wan sch'oxn jun winc cha.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 15:12

Yic 'ix yab'n eb' jun tzo'n̈ tic, sictac x'aj eb' smasnil. 'Ix yab'n eb' tas 'ix yal Bernabé yet' Pablo. 'Ix yaln eb' chajtlto til wal milagro 'ix sb'o Dios yet' eb', yic x'ec' eb' 'a scal eb' man̈ israeloc.

A Tas Sc'ulejnac Eb' Schecab' Jesús Hechos 4:16

Xlajwn̈ej yelcn eb', 'ix yaln can ewin 'ixtic: —¿Tas wal tzcutjec ewin schawn̈il tze na'a? Yujto c'uxn yojc eb' 'aj Jerusalén tic jun niwn milagro tic 'ix sch'ox eb'. Yuj cha, matz tac' calnec, to yes eb'.

A Tas Sc'ulejnac Eb' Schecab' Jesús Hechos 5:12

Ax eb' schecb' Jesús, til wal milagro 'ix ch'ox eb'. Caw 'ix ch'oxl eb' spoder Dios 'a scal eb' 'anma'. A 'a jun scorredoral yatut Dios tzcuch Yic Salomón, ata tzyam sb'a eb' creyente smasnil.

A Tas Sc'ulejnac Eb' Schecab' Jesús Hechos 5:14

Til wal eb' winac, yet' eb' 'ix 'ix xya'ch sc'ojl 'a Cajlil.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Dt 3:24

Mamin Jehová, a ticnec xa chaj 'el yich a ch'oxni to niwn el'chi yet' a jelnal 'a 'ayn a checb' in tic. May junc xo Dios 'a satcha'an̈ mto 'a sat lum tic 'ay sjelnal sb'on junc tas satjub'tac yilx 'icha tas tza b'o tic.

Josué 13:22

An̈jtona', smil eb' israel chi win Balaam, win jeln snan 'el junc tas, atn win yunnal Beor, niwn to pax jun tzo'n̈ xo eb' xcham yet' winac.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.