Nm 23:14 - Chuj San Sebastian Bible

¹⁴ Xlajw cha, 'ix 'ijx 'at Balaam yuj Balac 'a jun lugar tzcuch Zofim, 'a lum jolm witz Pisga. Ata xyac' b'o chan̈ uque yet'l xajmb'al, xya'n q'ue xajmb'al 'a yib'an̈, jun quelm wacax, jun mam calnelu 'a jun jun.

Chuj San Mateo Bible

¹⁴ Ix lajvi chi' ix ic'jib'at vin̈aj Balaam yuj vin̈aj Balac chi' d'a jun jacan d'a sjolom lum vitz Pisga. Ata' ix schec vin̈ b'ochajxiq'ue uque' altar, ix yac'anxi noc' vacax yed' noc' ch'ac calnel chi' vin̈ silab'il, junjun noc' d'a junjun altar.

Nm 23:14 ပူးပေါင်းရင်းမြစ်များ

Is 46:6

'Ay mach til wal q'uen oro tzyijq'uet 'a yol smucuc, tzyechtan pax q'uen plata 'a yojl junc 'echtab'. Tzlajw cha, tztojn junc win tenm q'ue'en, sec tzb'o win junc sdiosal win cha. A yic tzb'o 'el'chi, tzyamn 'och win ya'n 'ejm sb'a 'a yojltac jun yechl cha, tzleslwi 'och 'a 'a.

Os 12:11

A 'a lum Galaad, ata 'ay sdiosal eb' chuc chon̈b'al, palta man̈x 'a jac yel'ch 'oj 'ajcni. A 'a lum Guilgal, ata tzlaj yac' eb' no wacx xajmb'alil; palta a yet'l xajmb'al eb' cha, lajn 'oj 'ajcn 'icha q'uen q'uen jun b'uln̈ yaj si'x syam sb'a 'a 'aj tz'awx lum lu'um, xchi Dios.

Nm 21:20

'Ix 'elx eb' 'a Bamot, axta xjaw eb' 'a jun lum pan̈n 'a'lic 'ay 'a yol smacb'en lum Moab, 'a yich eb' lum switzl Pisga, 'a 'ajtil checl yilx 'at lum cusltac lu'um.

Nm 23:13

Palta 'ix tew 'och Balac 'a Balaam cha, xyaln 'ixtc 'a 'a: —Con̈ wet' 'a junc xo lugar, 'a 'aj cojn sti 'el scamplamento eb' chequel, 'a 'aj man̈ checloc smasnil, sec wach' ata tza catb'tzej can eb' in c'ana', xchi.

Nm 23:15

Xlajw cha, xyaln 'a Balac 'ixtic: —Cann̈ pax 'a stz'ey no xajmb'al tic, ya' sb'a 'oj in 'at paxtinc yet' Jehová, xchi.

Nm 23:29

Xlajw cha, 'ix yaln pax Balaam 'ixtc 'a winac: —B'o chan̈ uque'oc yet'l xajmb'al 'a tic, tzlajw cha, tza miln cham ucwn̈oc no quelm wacax, yet' ucwn̈oc no mam calnelu, xchi.

Dt 3:27

Lem, q'uen̈ta 'a sjolm lum witz Pisgá tic. Ata 'oj elcn 'at lum lum chi 'a stojlal norte, 'a stojlal sur, 'a stojlal 'aj tzq'uel c'u yet' pax 'a stojlal 'aj tz'em c'u. Al wal ec' 'a sc'axpil 'ec' a Jordán cha, may xon b'i'an.

Dt 34:1

'Ix 'at Moisés 'a lum cusltac lum 'a yol yic Moab, 'ix q'ue'ch 'a sjolm lum witz tzcuch Nebo, 'a lum switzl Pisgá, lum 'ay 'a yojltac Jericó. Ata 'ix sch'oxcn 'at Jehová yil Moisés lum slum Galaad, masnto 'aj tzc'och lum yic Dan,

Dt 4:49

A smacb'en eb', atn smasnil lum pan̈n 'ay 'a sti a Jordán 'a stojlal 'aj tzq'uel c'u, masnto tzc'och lum 'a a Mar Muerto, atn a 'ay 'a yich lum witz tzcuch Pisgá.