Nm 23:13 - Chuj San Sebastian Bible

¹³ Palta 'ix tew 'och Balac 'a Balaam cha, xyaln 'ixtc 'a 'a: —Con̈ wet' 'a junc xo lugar, 'a 'aj cojn sti 'el scamplamento eb' chequel, 'a 'aj man̈ checloc smasnil, sec wach' ata tza catb'tzej can eb' in c'ana', xchi.

Chuj San Mateo Bible

¹³ Palta ix ochn̈ej ijan vin̈aj Balac chi' yalan icha tic: —Con̈ ved' d'a junocxo lugar, b'aj janic'n̈ej syal quilan d'a stitac scampamento eb', a val ta' ol a catab'ej eb' in c'ana', xchi vin̈.

Nm 23:13 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:23

Ax ewin syajlil eb' soldado 'aj Siria cha, xyaln ewin 'ixtic: —A jun tzo'n̈ sdiosal eb' israel cha, atn jun tzo'n̈ dios 'ay 'a eb' lum niwc witz, yuj cha, on̈ ya'nec ganar eb'. Palta q'uinloc ata tzca'c owl yet' eb' 'a lum pan̈n 'a'lic, 'oj quilec checl toto man̈oc on̈ec 'oj ca'c ganar eb'.

A Ch'an̈ B'ab'el Libro Yic Yab'ixal Eb' Rey 20:28

At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.

Salmos 109:17

A maysch'olnil tznib'ej, yuj cha, catb'tzaxc cab' cani. Ma'ix snib'j sb'o wach'il, yuj cha, may cab' b'a'n̈ tzchaj yaxilal.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Nm 22:41

Ax 'a yic sq'uin̈b'il 'a junx c'u, 'ix yi'n 'at Balac chi win Balaam. Xlajw cha, xyi'n q'ue 'a sjolm jun lum witz tzcuch Bamot-baal, yujto ata checl scamplamento eb' israel.

Nm 22:6

Yuj cha, cotn̈ muc'uc, wul catb'tzej can jun tzo'n̈ 'anma tic in c'ana', yujto caw jeln pax eb' 'a quib'n̈ on̈. Comnoc 'oj stac' wa'n ganar wi'n 'el eb' 'a yol in chon̈b' tic. Yujto wojtac, a tas tza catb'tzej, yet' tas 'aj tzal a wach' paxti', to tz'el'chn̈ej, xchi Balac.

Nm 23:12

'Ix ta'w Balaam, xyaln 'a 'ixtic: —Toc wal 'oj in xiw waln tas tzyac' Jehová wal-li, xchi 'a 'a.

Nm 23:14

Xlajw cha, 'ix 'ijx 'at Balaam yuj Balac 'a jun lugar tzcuch Zofim, 'a lum jolm witz Pisga. Ata xyac' b'o chan̈ uque yet'l xajmb'al, xya'n q'ue xajmb'al 'a yib'an̈, jun quelm wacax, jun mam calnelu 'a jun jun.

Josué 24:9

Xlajw cha, ax Balac yunnal Zipor, sreyl eb' moabita, 'ix cot yac' owl eyet'oc. 'Ix 'at ya'nc 'awtxoc cot Balaam yunnal Beor, sec tzex scatb'ej can snani.