Nm 22:6 - Chuj San Sebastian Bible

⁶ Yuj cha, cotn̈ muc'uc, wul catb'tzej can jun tzo'n̈ 'anma tic in c'ana', yujto caw jeln pax eb' 'a quib'n̈ on̈. Comnoc 'oj stac' wa'n ganar wi'n 'el eb' 'a yol in chon̈b' tic. Yujto wojtac, a tas tza catb'tzej, yet' tas 'aj tzal a wach' paxti', to tz'el'chn̈ej, xchi Balac.

Chuj San Mateo Bible

⁶ Yuj chi' cotan̈ d'a elan̈chamel yic tzul a catab'an eb', yujto yelxo nivan sb'isul eb' d'a quichan̈. Tato icha chi' tope ol yal vac'an ganar eb' yic tzin pechanel eb' d'a co lum tic, yujto vojtac to a a catab' yed' a vach' lolonel tzala', tz'eln̈ejc'ochi, xchib'at vin̈.

Nm 22:6 ပူးပေါင်းရင်းမြစ်များ

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

A Ch'an̈ B'ab'el Libro Yic Yab'ixal Eb' Rey 22:13

Ax win checb' xc'och 'a Micaías cha, 'ix yal win 'a 'ixtic: —A smasnil ewin schecb' Dios, junlajn tzyutj ewin yaln 'a win rey, wach' tas tzyal ewinac. Yuj cha, tzwaln 'ayach, to wach' cab' tas tz'at al 'a winac, 'icha tas xyal ewin cha, xchi win checb' cha.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

Nehemías 13:2

yujto may tas 'ix yac' eb' c'uxxoc, ma'ix yac' eb' 'u'xoc yal yuj eb' quit israelal. A yic eb' to 'ix yac' eb' tumn 'a Balaam yic tzcatb'tzax can eb' yu'uj. (Palta ax qui Diosalec, a 'ix 'a'n meltzjoc 'och jun catb' chi 'a wach' paxti'al).

Salmos 109:28

May yel'chi, wach'xam tzin scatb'tzej eb' 'ajc'ojl ya'ch 'ayin, palta ach xo tzac' a yaxilal 'a wib'an̈. Q'uixw cab' 'el eb', ya' sb'a an a checb' in tic to tzin tzalji.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Ez 13:6

Tzcob' yal eb' to 'ay tas tzyila, tznan eb' tas tzyutj ya'n 'es, tzyaln cob' eb' 'ixtic: A Jehová a tz'a'n cal jun tzo'n̈ tic, xchi cob' eb', palta may tas tzwal 'a eb'. Tzlaj cob' stan̈wnoc eb' yel'ch tas tzyal cha.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Nm 22:12

Yuj cha, 'ix yaln Dios 'a 'ixtic: —Man̈ ach 'at yet' jun tzo'n̈ winc cha, matz tac' a catb'tzan jun tzo'n̈ 'anma cha, yujto an tzwac' in wach'c'ojlal 'a yib'n̈ eb', xchi Dios.

Nm 22:17

Yujto tzyal 'ixtc 'ayach: Caw niwn yel'ch 'oj ach wutoc. A tas 'oj a c'an 'ayin, 'oj wa'n̈j 'ayach. Yuj cha, tzin tew wal 'ayach, to tza yiclj a coti, yic tza catb'tzan jun tzo'n̈ 'anma tic, xchi Balac, xchi eb' 'a 'a.

Nm 23:13

Palta 'ix tew 'och Balac 'a Balaam cha, xyaln 'ixtc 'a 'a: —Con̈ wet' 'a junc xo lugar, 'a 'aj cojn sti 'el scamplamento eb' chequel, 'a 'aj man̈ checloc smasnil, sec wach' ata tza catb'tzej can eb' in c'ana', xchi.

Nm 23:27

Xlajw cha, 'ix yaln pax Balac 'a Balaam 'ixtic: —Lem, con̈ wet' 'a junc xo lugar, toq'ue ata 'oj scha sc'ojl Dios a catb'tzan can chon̈b' Israel cha, xchi.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

A Tas Sc'ulejnac Eb' Schecab' Jesús Hechos 16:16

Ax 'a jun 'el, yic wan qui 'at 'a 'aj tzleslwi eb' 'anma on̈, 'ix c'och jun cob's 'ix 'ayn̈ on̈. 'Aych jun demonio 'a 'ix, yuj cha, wayjl 'ix. Jun 'ejmn̈ej 'aych 'ix ya'malc servil jun tzo'n̈ winac. A eb' cha, til wal tumn xyac' ganar eb' 'a spatquil 'ix, yujto tzyal 'ix, to yojcn̈ej 'ix tastc tot 'oj jawoc.

Dt 23:4

yujto a yic on̈ 'e't 'a sat slum eb', yic on̈ 'eltec 'a lum Egipto, ma'ix yac' xon eb' cu'c jac ya'al, may xon pax jac tas xyac' eb' qui c'uxu'. A yic eb', to 'ix stoj eb' Balaam win yunnal Beor, win cotnc 'a lum Petor 'a yol yic Mesopotamia, yic tzon̈ wul scatb'tzanec.

Josué 24:9

Xlajw cha, ax Balac yunnal Zipor, sreyl eb' moabita, 'ix cot yac' owl eyet'oc. 'Ix 'at ya'nc 'awtxoc cot Balaam yunnal Beor, sec tzex scatb'ej can snani.

A Ch'an̈ B'ab'el Libro Samuel 17:43

'Ix yaln win 'ixtc 'a David: —¿Tom tz'in tzela, yuj cha, tzach cot yet' a te 'ayin? xchi win 'a 'a. Xlajw cha, scatb'tzan win Goliat David chi 'a sb'i jun tzo'n̈ scomn dios.