Nm 22:38 - Chuj San Sebastian Bible

³⁸ 'Ix ta'w Balaam, xyaln 'a Balac 'ixtic: —Man̈ ach 'och 'il, 'ayn xo 'ec' et'oc. Palta may tas 'oj stac' waln 'a yol wico', cojn tas 'oj yac' Dios wala', atn chi 'oj stac' walni, xchi.

Chuj San Mateo Bible

³⁸ Ix tac'vi vin̈aj Balaam chi' icha tic: —Man̈ ac' pensar, ayinxo eq'ui, palta max yal-laj valani tastac tzin nib'ej svala', an̈ej tastac schec Dios vala', an̈ej ol vala', xchi vin̈.

Nm 22:38 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:14

'Ix ta'w win Micaías chi 'ixtc 'a winac: —'A sat Jehová tzwaln 'ayach, a tas 'oj yal Jehová 'ayin, atn chi 'oj 'at wala', xchi.

A Ch'an̈ B'ab'el Libro Yic Yab'ixal Eb' Rey 22:16

—Til wal 'ejm xwal 'ayach, to a tas yel a chi tzal 'ayn 'a sb'i Jehová, xchi win rey cha.

2 Cr 18:13

'Ix ta'w Micaías 'ixtic: —Tzwac' in ti 'a Jehová, a wal tas 'oj yal in Diosal 'ayin, a 'oj wala', xchi 'a 'a.

Salmos 33:10

A tztenn juwc smasnil tas tzlaj cob' sna eb' 'anma sb'o', atn eb' man̈ schon̈b'oc.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Is 47:12

B'eylb'ej 'ajchumal cha, yet' tas cuyb'il oj 'a yictax cob'sal. 'Oj ela', toto 'oj 'och to yopiso jun chi o'oj, 'oj ela', toto 'ojt xiw eb' 'anma chi 'aych yu'uj.

Nm 22:18

Palta 'ix ta'w Balaam 'a eb', xyaln 'ixtic: —Wach'xam b'ut'jnac sdespacho Balac yet' smasnil q'uen oro mto q'uen plata yic tzya'n 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'.

Nm 22:37

'Ix yaln win Balac 'ixtc 'a Balaam: Caw wal yelc'ojlal 'awtb'ilch cot wu'uj. ¿Tas pax yuj 'ijn matz ach jawi? ¿Am a nani to ma'oj tza'wnoc wa'n tas tza nib'ej? xchi.

Nm 22:39

Xlajw cha, 'ix 'at Balaam yet' win Balac 'a chon̈b' Quiriat-huzot.

Nm 22:8

Ax Balaam cha, 'ix yal 'a eb' 'ixtic: —A ticnec, cann̈ec wet' 'a jun 'ac'wl tic. A 'a tic 'oj e wayi, ax yic 'oj sacb'oc 'el q'uic'an, ax wa'n spac e checnb'il tic, a tzyal tas 'oj yutc Jehová yaln 'ayin, xchi 'a eb'. Yuj cha, 'ix way 'ejm eb' yichm wincal chon̈b' Moab 'a yatut Balaam.

Nm 23:16

Yajn̈j wal cha, 'ix schan sb'a Jehová yet' Balaam, 'ix yaln tas 'oj yutc paxtinc sb'a, xyaln pax 'a 'ixtic: —Meltzjan̈ 'a 'aj 'aycn Balac, tzaln 'a 'icha 'ix wutj waln 'aych tic, xchi.

Nm 23:26

Yuj cha, 'ix ta'w Balaam 'ixtc 'a winac: —¿Tom ma'ix wal 'ayach, to a tas 'oj yac' Jehová wala', a chi 'oj wala', 'in xin chi? xchi Balaam cha.

Nm 24:13

Wach'xam b'ut'jnac a despacho yet' q'uen oro mto q'uen plata, yic tza'n q'uen 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'. Yujto a tas tzyac' Jehová wala', atn chi yowlal tzwala.