Nm 22:26 - Chuj San Sebastian Bible

²⁶ Ax jun yángel Jehová cha, 'ix b'ab'lj yuj eb', ax wal 'a jun lugar 'aj caw lot'n b'e cha, ata 'ix 'ochx lin̈an. Ata', may xon 'aj wach' yel no 'a sti b'e cha.

Chuj San Mateo Bible

²⁶ Ix el yángel Jehová chi' ta', ix snitzanb'at sb'a d'a yichan̈b'ati, ix ochxi lin̈an b'aj te lod'an b'e, b'aj maxtzac yal yelcan junoc mach d'a titac b'e a schalan sb'a yed' junocxo mach.

Nm 22:26 ပူးပေါင်းရင်းမြစ်များ

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Os 2:6

Yuj cha, an xo 'oj in mac yol sb'e yet' te q'ui'ix, 'oj woych col-l 'a spatquil, man̈x 'oj 'ilchjoc sb'e 'aj 'oj 'atoc.

Nm 22:25

A yic xyiln pax sb'a no 'axna chi 'a jun yángel Jehová cha, 'ix squiln 'och sb'a no 'a sat q'uen q'uen chi 'a sti b'e cha. 'Ix sc'an̈tzan 'och no yoc win Balaam chi 'a sat q'ue'en. Yuj cha, 'ix sma'n pax win no jun 'ejm xo.

Nm 22:27

'Ix yiln pax sb'a no 'axna chi 'a jun yángel Jehová cha. 'Ix 'em lachn no 'a sat lu'um, yujto man̈x 'a 'aj wach' sc'och no'. Yuj cha, caw 'ix cot yowl Balaam, syamn 'och win sma'n no yet' sc'ococh.