Nm 22:23 - Chuj San Sebastian Bible

²³ A no 'axna cha, 'ix yil sb'a no 'a jun yángel Jehová lin̈n 'ec' 'a yol b'e, yamb'il jun espada yu'uj. Yuj cha, 'ix yi'n 'el sb'a no 'a yol b'e cha. 'Ix 'at no 'a calcte', 'ix syamn 'och Balaam sma'n no', sec tz'ochx no 'a yol b'e cha.

Chuj San Mateo Bible

²³ Axo ix yilan noc' b'uru chi' to lin̈anoch jun yángel Jehová d'a nan̈al yol b'e, yed'nac jun espada, ix b'atcan noc' d'a caltac te'. Ix syamanoch vin̈aj Balaam chi' smac'an noc', yic tz'ochxi noc' d'a yol b'e chi'.

Nm 22:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:17

'Ix leslwi Eliseo 'ixtic: Tzin tew 'aych Mamin Jehová, to tza jac sat win in checb' tic sec to 'oj yila', xchi. 'Ix sjacn Jehová sat win checb' cha, 'ix yiln winac to a 'a jolmctac witz, oyn cot eb' soldado, 'ay q'ue eb' 'a yib'n̈ chej yet' 'a yol caruaje to nab'a c'ac', oyn 'och eb' 'a Eliseo cha.

1 Cr 21:16

A yic 'ix q'ue q'ueln David, 'ix yilni to 'ayc' jun ángel chi 'a snan̈l satcha'an̈ yet' lum lum tic, yamb'il chan̈ jun espada yu'uj, wan stojlb'tzan 'at 'a Jerusalén. Yuj cha, 'ix 'em n̈ojn yet' eb' yichm wincal chon̈ab', masnto squil 'ejm eb' snan̈l sat 'a sat lu'um, 'aych te pichl n̈achtac sat yic tzch'oxn 'el eb' scusc'ojlal.

Jeremías 8:7

A e no cigüeña tz'ec' 'a satcha'an̈, yojc e no stiempoal b'a'n̈ tzmeltzj e no 'a yet'ul. An̈jtona e no cowojte', e no pechul, yet' e no grulla, yojc e no', b'a'n̈ tz'at e no 'a junc xo lugar. Palta ax xo tic ex in chon̈ab', caw man̈ eyojcoc jac in ley.

Dn 10:7

Cojn an Daniel in tic wiljnac jun chi 'a 'icha waychil, ax jun tzo'n̈ xo eb' 'anma 'ayc' wet'oc, man̈ yiljnacc eb' jun cha, a yic eb' to x'at eb' 'eloc, sc'ub'n 'el sb'a eb' yujto xjaw jun niwquil xiwlal 'a eb'.

Nm 22:22

'Ix q'ue Balaam 'a yib'n̈ no 'axna cha, x'och tza'n chawn̈ eb' schecb' yu'uj. Palta ax Dios 'ix cot yowl 'a 'a, yujto 'ix 'at yet' eb' winc cha. Yuj cha, ax jun yángel Jehová 'ix wul macnoc yol sb'e, sec man̈xtzac stac' yeq'ui.

Nm 22:24

Ax jun yángel Jehová cha, 'ix 'ochx lin̈n jun 'ejm xo 'a yol b'e 'aj caw lot'an. A 'a scal nan̈l te uva, ata tz'ec' jun b'e cha, ax q'uen q'ue'en, a q'uen latz'b'il scol-lalc 'a sti b'e cha.

A Tas Sc'ulejnac Eb' Schecab' Jesús Hechos 22:9

Ax ewin ajun wet' cha, yiljnac ewin jun sacq'uinl cha. Caw xiw ewinac. Palta ma'ix nachj 'el yuj ewinac, tas jun chi alb'il 'ayin.

Josué 5:13

A yic 'ayc' Josué 'a sla'nil Jericó, 'ay jun c'ual 'ix yilni to 'ay jun winc lin̈n 'ec' 'a yojltac. A jun winc cha, yamb'il jun espada yu'uj. Ax Josué 'ix c'och 'a stz'ey, sc'anb'n 'a 'ixtic: —¿Tom quitb'eym qui b'a et'oc, mto etb'eym a b'a yet' eb' 'ajc'ojl yajch 'ayn̈ on̈? xchi 'a winac.

A Schab'il Carta San Pedro 2:16

Ax no b'uru, cojquec matz tac' spaxtin no'. Palta 'ay jun no tumjnac win yuj smul cha. Paxtinnac no 'icha junc 'anma'. A no tenjnac 'och wan win yuj sman̈ nab'enal chi sb'o cha. Palta cob' schecb' Dios yaj winac.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.