Nm 21:7 - Chuj San Sebastian Bible

⁷ A yic xyiln eb' 'anma cha, to til wal 'anma tzcham yuj no', 'ix 'at yalnc eb' 'ixtc 'a Moisés. —'Ix 'och wal qui mul caln tu paxti 'a Jehová yet' 'ayach. Palta ax ticnec, tewan̈ 'a Jehová, to tzyij 'el e no chan tic 'a qui cal, xchi eb'. —Yuj cha, 'ix leslwi Moisés 'a Jehová, to tzyac' niwnc'ojlal 'a yib'n̈ eb' 'anma yuj smul cha.

Chuj San Mateo Bible

⁷ Ayic ix yilan eb' icha chi', ix b'at yalan eb' d'a vin̈aj Moisés chi' icha tic: —Toxo ix och co mul a on̈ tic, ix cal chucal lolonel d'a Jehová yed' d'ayach. A ticnaic c'an d'a Jehová to syiq'uel noc' chan tic d'a co cal, xchi eb'. Ix sc'anan vin̈aj Moisés chi' d'a Jehová to syac' nivanc'olal d'a yib'an̈ eb' anima chi'.

Nm 21:7 ပူးပေါင်းရင်းမြစ်များ

Gn 20:17

Ax Abraham 'ix leslwi 'a Dios, yuj cha, ax Dios 'ix 'a'n pax stzatzl Abimelec jun 'ejm xo yet' yistzil, yet' eb' 'ix schecb' winac, yic wach' tz'aj yalj pax yune eb' 'ix.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.

A Ch'an̈ Schab'il Libro Yic Yab'ixal Eb' Rey 13:4

Ax rey Joacaz 'ix leslwi 'a Jehová, 'ix 'ab'x slesl cha, yujto 'ix yil Jehová to caw 'oltac tz'aj eb' israel yixtx yuj sreyl chon̈b' Siria.

Job 42:10

A yic xlajw sleslwi can Job yuj eb' swach'c'ojl cha, 'ixta to b'i'an, 'ix ya'n pax Jehová swach'c'ojlal 'a yib'n̈ jun 'ejm xo, 'icha xon 'a yic yalan̈, 'ec'b'al to xyutj pax Dios ya'n sjel 'a 'a.

Job 42:8

Yuj cha, a ticnec b'i'an, 'ijec cot ucwn̈oc no quelm wacax yet' ucwn̈oc no mam calnelu, tz'at eya'n 'a win in checb' Job, ax win 'oj 'a'nc e no xajmb'al-l 'ayn eyu'uj. Ax sleslwi win eyu'uj, ax in chan slesl win cha, sec may 'oj ex wutc yuj e man̈ nab'enal, 'icha wal smoj e chani, yujto man̈ wach'c tas xeyal 'a in patic, 'icha xyutj sb'a win in checb' cha, xchi Dios.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Salmos 78:34

A yic tzcham jaywn̈oc eb', ax nan̈locx eb' 'ix yal sb'a eb' 'a Dios. 'A smasnil sc'ojl eb' 'ix meltzj eb' 'a 'a.

Ex 10:17

Tzin tew wal 'ayx ticnec, comnoc tzeyac' wal niwnc'ojlal 'ayn yuj in tenmtacl 'ix 'och 'ayx tic. Cojxn jun 'ejm tic 'ixta xwutej. Leslwan̈c 'a Jehová e Diosal cha, sec tzyij 'el jun yailal to yic chaml yaj 'a jun in nacion̈ tic, xchi winac.

Ex 32:11

Xlajw cha, syamn 'och Moisés sc'ann niwnc'ojlal 'a Dios yuj eb' chon̈b' cha, xyaln 'a Jehová 'ixtic: —Mamin Jehová, ¿tas wal yuj tzcot yowl a c'ojl 'a yib'n̈ eb' a chon̈b' tic, palta 'in to ach 'ix ej 'elt eb' 'a Egipto yet' 'a poder?

Ex 32:30

Ax 'a junx c'u cha, 'ix yaln pax Moisés 'a eb' 'anma chi 'ixtic: —Ax tic, caw wal niwn e mul 'ix 'och 'a sat Jehová, tic tzin 'atx 'a sjolm lum witz chi jun 'ejm xo, 'a 'aj 'ayc' cha. Lemb'il 'oj wac' ganar ya'n niwnc'ojlal 'ayx yuj e mul tic, xchi Moisés cha.

Ex 8:28

'Ix yaln pax win rey chi 'ixtic: —Tztac' e 'at 'a lum cusltac lum cha, yic tz'at eya'nc e xajmb'al 'a Jehová e Diosal cha, cojn toto man̈ najtoc tzex 'ati. Tzex leslwi pax 'a Dios chi wu'uj, xchi win rey cha.

Ex 8:4

'Oj laj 'ec' no 'a eb'an̈, 'a yib'n̈ eb' 'aych yajlil et'oc, yet' 'a yib'n̈ smasnil 'anma', xchi Jehová, xa chi 'a 'a, xchi Dios.

Ex 8:8

X'ec' jaye c'u, xlajw cha, 'ix 'awtx 'at Moisés yet' Aarón yuj win rey cha, 'ix yaln win 'a eb' 'ixtic: —Leslwan̈c 'a Jehová, to tzyij 'el e no pajtza tic 'ayn yet' eb' wit chon̈b' tic, sec tzex wa'l 'a libre, yic tz'at eya'nc e xajmb'al 'a Jehová cha, xchi.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 37:3

A win rey Sedequías cha, 'ix schec cot win Jucal yunnal Selemías, yet' win ya'mal 'och sti eb' 'a Dios, atn Sofonías yunnal Maasías, yic tzwul in yilnc eb' an Jeremías in tic, xyaln eb' 'ayn 'ixtic: Leslwan̈ 'a Jehová qui Diosalec cuj on̈, xchi eb'.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Nm 11:2

Smasnil eb' chon̈ab', 'ix 'awj chan̈ eb', sc'ann eb' scolwal Moisés, yuj cha, 'ix leslwi 'a Jehová yuj eb', cojn cha, 'ix tup jun c'ac' cha.

Mt 27:4

Yuj cha, xyaln 'ixtc 'a ewinac: —Caw x'och in mul, yujto xwa'ch jun winc chi 'a yol sc'ab' chamel, palta may jac smul, xchi 'a ewinac. Palta xyaln ewin 'ixtic: —An̈ xo tic on̈ jun, ¿tom 'ay caln quic 'a a mul chi 'on̈? Mun 'oj a na', tas tzotj a b'a yuj jun ec cha, xchi ewinac.

A Tas Sc'ulejnac Eb' Schecab' Jesús Hechos 8:24

Xyaln win Simón chi 'ixtic: —Leslwan̈c 'a Cajlil wu'uj, sec ma'oj jawc jun yailal chi tzeyal jawc 'a wib'n̈ cha, xchi winac.

Ro 10:1

Ex wu'tac, ex wanab', caw tzin nib'j tzcolchj eb' wit israelal. Atn wal jun tic tzin c'an 'a Dios.

Dt 9:20

An̈jtona', caw wal xcot yowl Jehová 'a yib'n̈ Aarón. 'Ix snib'j wal 'a yajn̈ej 'ix satl Aarón cha, palta in leslwi yu'uj, yuj cha, ma'ix chami.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

A Ch'an̈ B'ab'el Libro Samuel 15:24

—Yel toni 'ix 'och in mul, ma'ix in yiclj tas xyal Jehová, atn tas xyal 'ayin yujto in xiw 'a eb' soldado ajun wet' tic, 'ix in yiclni tas xyal eb'.

A Ch'an̈ B'ab'el Libro Samuel 15:30

—Caw x'och in mul, palta tzin tew 'ayach, to 'ay cab' wel'ch 'a a sat 'a yojltac eb' 'ichmtac winac yet' 'a yojltac cab' smasnil eb' quit chon̈ab'. Meltzjan̈ wet'oc, yic tz'at ca'nc 'emmquilal 'a yojltac Jehová qui Diosal, xchi Saúl.