Nm 21:5 - Chuj San Sebastian Bible

⁵ 'Ix cot yowl eb' chon̈b' chi 'a Jehová yet' 'a Moisés, 'ix yaln eb' 'ixtic: —¿Tas wal yuj on̈ eyij 'elt 'a Egipto? ¿Tom tze nib'j to tzon̈ cham 'a lum cusltac lum tic? May tas tzqui c'uxu, may pax tas tzcuq'uej, tzq'ue syoch'l qui c'uxn jab' tas tzqui c'ux tic, xchi eb'.

Chuj San Mateo Bible

⁵ ix cot yoval eb' d'a Dios yed' d'a vin̈aj Moisés. Ix yalan eb' icha tic: —¿Tas yuj ix on̈ iq'uelta d'a Egipto? ¿Tom yuj co cham yuj vejel d'a taquin̈ luum tic? Malaj tas sco va'a, malaj pax tas scuq'uej. Maxtzac techaj co vaan juntzan̈ chucal vael tic, xchi eb'.

Nm 21:5 ပူးပေါင်းရင်းမြစ်များ

Salmos 68:6

A eb' tz'ec' sch'ocoj, a Dios tz'a'n 'aj wach' scan cajn eb'. Ax eb' tzyamchj can 'at 'icha presoal yuj owal, tzcolx 'elt eb' yu'uj, tzlajw cha, tzya'n q'ue'choc eb'. Palta ax eb' tu snab'en, a 'a lum tacn̈ lum 'oj can cajn eb'.

Salmos 78:19

Xyaln eb' speclal Dios 'ixtic: ¿Tom 'oj stac' ya'n qui c'ux tas wach' 'a cusltac lum tic?

Ex 14:11

'Ix yaln eb' 'ixtc 'a Moisés: —¿Tom may campusan 'a Egipto, yuj cha, a 'a lum cusltac lum tic tzon̈ ej cot chamoc? ¿Tas wal yuj on̈ ej 'elt 'a Egipto?

Ex 15:24

'Ix syamn 'och eb' 'anma chi yaln tu paxti 'a Moisés, 'ix laj sc'anb'lan eb' 'ixtc 'a 'a: ¿Tas 'oj cu'c ticnec? xchi eb'.

Ex 16:15

Man̈ yojcoc xon eb' israel jun cha. A yic xyiln eb', 'ix laj yal-lanc eb' 'a 'ixtic: ¿tas laj jun tzo'n̈ tic? xchi eb'. Yuj cha, xyaln Moisés 'ixtc 'a eb': —Atn jun tic tzyac' Jehová e c'uxu'.

Ex 16:31

A eb' israel cha, maná 'ix yac' eb' sb'ic jun tzo'n̈ 'ix sic' sc'ux cha. Sac yilxi, lajn yilx 'icha sat te culantro, caw chi swax 'icha 'ixm c'oxox pan 'aych yal chab' 'a 'a.

Pr 27:7

Q'uinloc tox ex b'ut'ji, wach'xam tz'ajx no yal chab' 'ayex, man̈x 'a swach'l no tzeyab'i; ax pax toto 'ay e wejel, toxn̈ej c'a tas tz'ajx e c'uxu', wach'n̈j tzeyab'i.

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Nm 11:20

Palta to jun 'uj 'oj schi eb' chib'j cha, masnto 'oj xej eb' yuj no'. 'Oj jawc no 'a yol sn̈i eb', 'oj syajl eb' no', yujto may yel'ch in yutj eb', an Jehová in tic. 'Ayn 'ec' 'a e cal, til wal yoc' eb' xjaw eb' 'a wojltac, xyaln eb' 'ixtic: ¿Tas yuj on̈ ej 'elt 'a Egipto? xchi eb', xchi Dios 'a Moisés.

Nm 16:41

Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.

Nm 17:12

Palta ax eb' israel cha, 'ix yaln eb' 'a Moisés 'ixtic: Toto 'ixta tz'aji, 'oj qui satl ton b'i'an. Qui masnil 'oj qui chami.

1 Co 10:9

Matz tac' ca'nec prowal Cajlil yic tzquilni, toto tzyac' niwnc'ojlal 'ayn̈ec. Yujto 'ixta yutjnac sb'a jun tzo'n̈ eb' 'a scal eb' cha. Yujn̈ej cha, slajw 'el eb' yuj jun tzo'n̈ no chan.