Nm 21:32 - Chuj San Sebastian Bible

³² Xlajw cha, 'ix schecn 'at Moisés jaywn̈ eb' winac, yic tz'at yilnoc eb' tas yaj chon̈b' Jazer. 'Ix ya'n eb' israel owl yet' eb' 'anma cha, 'ix ya'n ganar eb' israel spechn 'el eb' amorreo cajn 'a jun tzo'n̈ xo chon̈b' 'a sla'nil cha.

Chuj San Mateo Bible

³² Ix lajvi chi' ix yac'anb'at schecab' vin̈aj Moisés d'a chon̈ab' Jazer yic sb'eytzitej eb' tas yaji. Ix ac'ji ganar jun chon̈ab' chi' yuj eb' israel yed' masanil juntzan̈ chon̈ab' ay d'a spatictac. Ix pechjiel masanil eb' cajan ta' yuj eb', aton eb' amorreo.

Nm 21:32 ပူးပေါင်းရင်းမြစ်များ

A Ch'an̈ Schab'l Libro Samuel 24:5

'Ix 'ec' eb' 'a a Jordán, 'ix schan 'el eb' yich sb'isn 'a Aroer, jun chon̈b' 'ay 'a snan̈l jun lum pan̈n 'a'lic, 'ix 'ec' eb' 'a yol yic Gad masnto 'ix c'och eb' 'a Jazer.

Jeremías 48:32

Yel xo wal niwn 'oj woc' yuj chon̈b' Sibma 'a yib'n̈ 'icha tz'aj yoc' eb' 'aj Jazer. Yujto a yawb'en uva eb', caw tzc'axw 'ec' 'a junx sc'axpil 'ec' sti a mar, masnto tzc'och 'a sti a yic Jazer. Palta ax ticnec, 'ix jaw eb' 'oj satnc 'el sat te uva cha, yet' sat jun tzo'n̈ xo 'awb'en.

Nm 21:31

'Ixta 'ix yutj eb' israel yi'ncan 'ec' slum eb' amorreo cha.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Nm 32:3

—'Iltec wal lum lum macb'il yuj chon̈b' Atarot, Dibón, Jazer, Nimra, Hesbón, Eleale, Sebam, Nebo yet' Beón. Caw wal wach' swa no cajb'en noc' 'a lu'um. A Jehová x'i'n can 'ec' lu'um, yic tz'och lum quico'oc an̈ israel on̈c tic. 'In eyojc pax si'mb'il to cajm on̈ noc' an̈ tic on̈.

Josué 13:25

A jun tzo'n̈ slum eb' chi xyijcani, atn Jazer, yet' smasnil jun tzo'n̈ chon̈b' Galaad, yet' spacl xo lum yic eb' amonita, masnto tzc'och 'a Aroer, jun 'ay 'a yojltac 'at Rabá.

Josué 24:12

A chawn̈ eb' sreyl amorreo cha, man̈ yujoc eyespada, man̈ yujoc pax e jul-lab' x'em eb' eyu'uj, palta an xwa' cot jun niwquil xiwc'ojlal 'a yib'n̈ eb', yuj cha, x'at eb' 'elc 'ayex.