Nm 21:18 - Chuj San Sebastian Bible

¹⁸ ¡A eb' yajal, a eb' xjoyn q'uet a yet' sc'occh yic yopiso, a eb' niwc yajl 'a scal eb' chon̈b' tic! ¡A eb' xjoyn q'uet a yet' sc'ococh! xchi jun sb'it eb' cha. 'Ix 'elx eb' israel 'a lum cusltac lu'um, masnto xjaw eb' 'a lum Matana.

Chuj San Mateo Bible

¹⁸ A eb' vin̈ yajal ix joyanq'ueta a' yed' sc'ococh. A eb' vin̈ nivac yajal d'a yol schon̈ab', a yed' sc'ococh eb' vin̈ ix sjacq'ueta a a', xchi eb' d'a sb'it chi'. Ix b'eyn̈ejcot eb' d'a tz'inan luum masanto ix javi eb' d'a Matana.

Nm 21:18 ပူးပေါင်းရင်းမြစ်များ

Nehemías 3:1

A junjn c'aj eb' 'anma', schaj eb' yic chi 'oj sb'o 'a jun muro cha. Atn eb' tic xjucb'tzan jun munljel cha: A Eliasib sat ya'mal 'och sti eb' 'anma 'a Dios, yet' eb' yitb'eym ajun yet' cha, a eb' xb'on sjel spuertail chon̈b' 'aj tz'och no calnelu. 'Ix b'o yuj eb', 'ix ya'n 'och eb' spuertail, 'ix sb'on pax eb' jun muro tzchaj 'at 'a jun torre tzcuch Hamea, masnto xc'och 'a junx torre tzcuch Hananel.

Nehemías 3:5

Ax eb' 'aj Tecoa sb'on pax eb' yic cha, palta a eb' niwc winc 'a scal eb', ma'ix yal sc'ojl eb' xcolwj yet' eb' tzjucb'tzan jun munljel cha.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Nm 21:17

Atn 'a jun tiempoal cha, ata sb'itnej eb' israel jun b'it 'ixtic: ¡'Ix q'uel pulnjoc a 'uc'b'il a', tzon̈ b'itn yuj a 'uc'b'il a tic!

Nm 21:19

'Ix 'elx eb' 'a Matana, 'ix jaw eb' 'a lum Nahaliel, 'ix 'elx eb' 'a Nahaliel, 'ix jaw eb' 'a lum Bamot.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Dt 33:4

A jun ley 'ix wa'cn tic, 'icha to smacl eb' yin̈tl Jacob yaji.

Dt 5:31

Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin.

Santiago 4:12

Palta cojxn jun mach b'ojnac jun ley, junn̈j juez, atn jun tztac' on̈ scolnec, tztac' pax satn 'el eb' 'anma smasnil. Yuj cha, an̈ec xo, ¿tom 'ay calnec quic qui b'eyc'ojlan eb' quit 'anma'il?