Nm 20:8 - Chuj San Sebastian Bible

⁸ 'Ij 'at a c'ococh, tzaln 'a o'tac Aarón to tzcolwj smolb'tzan eb' 'anma chi et'oc. Wal 'a sat eb' 'anma chi smasnil, tzaln 'a jun q'uen niwquil q'uen 'ayc' ta', to tz'elt a a 'a sat q'ue'en. 'Ixta 'oj 'aj yel-l secnjoc a a chi 'a sat q'ue'en, yic tzyu'n eb' 'anma chi a', yet' pax smasnil scajb'en noc' eb', xchi.

Chuj San Mateo Bible

⁸ —Ic'b'at te' a c'ococh, tzalan d'a vin̈ uc'tac aj Aarón chi' to tz'och vin̈ ed'oc yic tze molanb'at eb' anima, tzex b'at b'aj ay jun q'uen nivan tenam. D'a yichan̈ eb' tzal d'a q'ueen to tz'elta a a' d'a sat q'ueen, axo d'a yichan̈ masanil eb' anima chi' ol elul a', ol yuc'an a' eb' yed' noc' smolb'etzal noc' chi', xchi Jehová.

Nm 20:8 ပူးပေါင်းရင်းမြစ်များ

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

Salmos 105:41

Xya'n poj snan̈l q'uen niwquil q'ue'en, axta 'ix 'elt secnjoc a a'. 'Ix b'ey a 'a lum tacn̈ lum 'icha wal sb'ey a 'elmal a',

Salmos 114:8

A 'a sat q'uen q'ue'en, ata xlaj pac' 'elt eb' a a', xlaj 'och eb' a pama'il.

Salmos 33:9

Yujto a 'ix paxtini, yuj cha, 'ix b'o 'el'ch smasnil tas. A pax 'ix alni, yuj cha, xcheclj chan̈ smasnil tas.

Ex 14:16

A yic tzex c'och 'a sti a mar, tzej chan̈ a c'ab' yet' a c'ococh, tza'n 'at 'a yib'n̈ a'. 'Oj spoj sb'a a', ax scheclj chan̈ lum tacn̈ lu'um, sec 'oj e c'axw 'ec' 'a sc'axpil 'ec' a cha.

Ex 17:9

Yuj cha, xyaln Moisés 'ixtc 'a Josué: —Si'l jaywn̈oc eb' israel yic tz'at eya'nc owl yet' eb' amalecita cha. 'Oj in 'at 'a lum jolm tzaln chi 'a caw sq'uin̈b'il to q'uic'an, 'oj wic' te c'occh tzc'anlb'ej Dios wet'oc, xchi.

Ex 4:17

'Ij 'at a c'occh tic, yujto a 'oj a c'anlb'oc yic 'oj a ch'oxnc jun tzo'n̈ milagro satjub'tac yilx 'ix in ch'ox 'ayach, xchi Dios 'a Moisés.

Ex 4:2

—¿Tas jun yamb'il 'oj cha? xchi Dios 'a Moisés. —A te 'in c'ococh, xchi.

Ex 4:20

Xlajw cha, xyi'n 'at Moisés 'ix yistzil yet' eb' yunnal, 'ix q'ue eb' 'a yib'n̈ b'uru, 'ix pax 'a Egipto. 'Ix yi'n pax te sc'ococh, te xyal Dios 'a 'a.

Ex 7:20

'Icha wal 'ix yutj Jehová yaln cha, 'ixta 'ix yutj Moisés yet' Aarón. 'Ix yi'n chan̈ Aarón te sc'occh cha, 'ix sma'n 'ejm 'a yib'n̈ a Nilo 'a yojltac win rey, yet' 'a sat smasnil eb' 'aych yajlil yet'oc. Yajn̈j wal cha, 'ix 'och a a chic'al.

Is 43:20

'Oj yi' chan̈ e no calte'al noc' in b'i, atn no 'oques yet' no tucul, yujto 'oj wac' pac' a a 'a lum cusltac lu'um, ax wa'n b'ey yoctc a a chi 'a lum tacn̈ lu'um. Yuj eyu'n a ax in chon̈b' ex tic, to sic'b'ilx 'el wu'uj, yuj cha, 'ixta 'oj wutoc.

Is 48:21

Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.

Nm 20:11

A yic xlajw yaln jun tzo'n̈ cha, 'ix yi'n chan̈ Moisés sc'ab' yet' sc'ococh, 'ix sma'n 'och cha'ejm 'a sat q'uen q'uen cha. Yajn̈j wal cha, 'ix 'elt secnjoc a a cha. 'Ix yu'n eb' 'anma chi a yet' smasnil scajb'en noc' cha.

Nm 20:7

Xlajw cha, 'ix yaln Jehová 'a Moisés 'ixtic:

Nm 21:15

On̈ laj 'ec' 'a stitc a a cha, atn a 'aych smon̈jonoc lum Moab masnto tzc'och 'a chon̈b' Ar, xchi 'a ch'an̈.

Nm 21:18

¡A eb' yajal, a eb' xjoyn q'uet a yet' sc'occh yic yopiso, a eb' niwc yajl 'a scal eb' chon̈b' tic! ¡A eb' xjoyn q'uet a yet' sc'ococh! xchi jun sb'it eb' cha. 'Ix 'elx eb' israel 'a lum cusltac lu'um, masnto xjaw eb' 'a lum Matana.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

Lc 11:13

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' a eb' eyunnal. Ax qui Mamc 'ayc' 'a satcha'an̈, yel xo wal 'oj yac' Yespíritu 'a eb' tzc'ann 'a 'a, xchi Jesús 'a eb'.

Jn 16:24

Ax ticnec, mant 'a tas tze c'an 'a Dios 'a in b'i. C'anec, ax e chani. 'Oj 'ajxoc 'ayex, sec 'oj tz'acwc e tzaljc'ojlal.

A Tas Sc'ulejnac Eb' Schecab' Jesús Hechos 1:14

Junjn c'u, tzyamn sb'a eb' smasnil, tzleslwi eb' 'a Dios. 'Ay pax eb' 'ix 'ix tzleslwi yet' eb'. 'Ayc' María, atn snun Jesús. 'Ayc' pax eb' yu'tac.

Josué 6:20

A yic 'ix 'utz'x no cacha cha, 'ix 'el yaw smasnil eb' soldado. Yajn̈j wal cha 'ix cot lan̈n̈joc smuroal jun chon̈b' cha. Ax eb' soldado cha, 'ix 'at tza'njoc eb' 'a stojlal 'aj 'ayq'ui, 'ix 'och eb' 'a yol jun chon̈b' cha.

Josué 6:5

A yic tzeyab'ni to man̈xtzac 'och wan yoc' no cacha cha, caw 'ip tzex 'awj cha'an̈, ax scot lan̈njoc smuroal jun chon̈b' cha. Tzlajw cha, tzex 'at tza'njoc junjn ex 'a eyojltac, yic tzex 'och 'a yol chon̈b' cha, xchi.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.