Nm 20:4 - Chuj San Sebastian Bible

⁴ ¿Tas wal yuj on̈ eyij cot 'a lum cusltac lum tic? ¿Tom tze nib'j tzon̈ cham yet' smasnil qui cajb'en noc' 'a yojltac Jehová?

Chuj San Mateo Bible

⁴ ¿Tas yuj ix on̈ eyic'cot d'a taquin̈ luum tic? ¿Tom e gana tzon̈ champax a on̈ tic yed' noc' co molb'etzal noc'?

Nm 20:4 ပူးပေါင်းရင်းမြစ်များ

Salmos 106:21

'Ix ya'n sat eb' sc'ojl 'aych Mamin, palta to colwjum aj 'a eb', til wal tas satjub'tac xa b'o 'a Egipto yuj eb'.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Ex 17:3

Caw wal 'ay stacn̈til eb' chon̈b' cha, yuj cha, tz'awj chan̈ eb' 'a Moisés, tzyaln eb' 'ixtic: —¿Tas yuj on̈ eyij 'elt 'a Egipto? ¿Tom yuj qui cham yuj tacn̈til yet' eb' cunnal yet' pax qui cajb'en noc', yuj cha tzon̈ eyi'n 'elta? xchi eb'.

Ex 5:21

'Ix yaln eb' 'a eb' 'ixtic: —'Ojxam yil Jehová tas 'oj ex yutoc, yujto ax ab' 'ay e mul, yuj cha, a win rey yet' eb' 'aych yajlil yet'oc, caw wal tzon̈ yixtj eb' ticnec on̈; 'icha to ax xeyac' q'uen espada 'a eb', yic tzon̈ smiln cham eb' on̈, xchi eb'.

Nm 11:20

Palta to jun 'uj 'oj schi eb' chib'j cha, masnto 'oj xej eb' yuj no'. 'Oj jawc no 'a yol sn̈i eb', 'oj syajl eb' no', yujto may yel'ch in yutj eb', an Jehová in tic. 'Ayn 'ec' 'a e cal, til wal yoc' eb' xjaw eb' 'a wojltac, xyaln eb' 'ixtic: ¿Tas yuj on̈ ej 'elt 'a Egipto? xchi eb', xchi Dios 'a Moisés.

Nm 11:5

¡Caw wal tzqui na cot no chay tzsiyx qui chi 'a Egipto, 'ay pax te pepino, te melón, te puerro, te cewolia yet' te 'axux tzqui c'uxc ta'!

Nm 14:2

Smasnil eb' 'anma cha, xlaj q'ue b'uynjoc eb' yaln tu paxti 'a Moisés yet' 'a Aarón, xyaln eb' 'ixtic: ¡Comnoc wal a 'a Egipto, mto a 'a lum cusltac lum tic on̈ chamc cani!

Nm 16:41

Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.

A Tas Sc'ulejnac Eb' Schecab' Jesús Hechos 7:35

Palta ax yic xc'och 'a eb' yit chon̈b' cha, toxn may yel'ch 'a sat eb'. 'Ix yaln eb' 'ixtc 'a 'a: ¿Mach ach 'a'n 'och juezal, yuj cha, tzon̈ a'n mandar on̈? xchi eb' 'a 'a. Palta a Dios, 'ix 'a'n yopiso Moisés chi ya'n mandar eb'. 'Ix ya'n pax yopiso yi'n 'elt eb' 'a scal syail. A jun ángel chi 'ix sch'ox sb'a 'a Moisés 'a scal te q'ui'ix, a 'ix 'och yet'oc.

Jueces 11:16

A yic quelt 'a Egipto, a 'a lum cusltac lum 'aj on̈ b'ey coti, yic on̈ jaw 'a sti a Chac Mar, masnto on̈ c'och 'a Cades.