Nm 20:21 - Chuj San Sebastian Bible

²¹ Ma'ix yal xon sc'ojl win sreyl Edom to 'ix 'ec' eb' israel 'a sat slum eb' cha, yuj cha, 'ix sayn eb' israel chi junx b'e 'aj 'ix 'eq'ui.

Chuj San Mateo Bible

²¹ Yuj chi' ix say junxo b'e eb' israel b'aj ix b'ati.

Nm 20:21 ပူးပေါင်းရင်းမြစ်များ

2 Cr 20:10

A ticnec, 'ilto, 'ayc' eb' amonita, yet' eb' moabita, yet' eb' cajn 'a lum jolm witz 'a yol yic Seir, atn lum slum eb' 'aj ma'ix yal a c'ojl to 'ix 'e't eb' quit israelal on̈, yic xcot eb' 'a Egipto, yuj cha, 'ix sjeln eb' sb'e, ma'ix yac' lajwc 'el eb' 'anma cha.

Nm 21:23

Palta ax win Sehón, ma'ix yal sc'ojl win to x'e't eb' israel chi 'a sat slum eb' cha. A yico', to 'ix smolb'tzej eb' soldado yic tzya'n owl yet' eb' israel 'a lum cusltac lu'um. 'Ix c'och 'a Jahaza, ata xyac' owl yet' eb'.

Nm 21:4

'Ix 'elx eb' israel 'a yich lum witz Hor, 'ix 'ec' eb' 'a jun b'e tz'ec' 'a a Chac Mar. Najt 'ix 'ec' yoy sb'a eb', yujto ma'ix chax 'ec' eb' 'a yol smacb'en Edom. A yic 'aych eb' 'a yol b'e, ata 'ix jaw schab'c'ojlal eb'.

Dt 2:27

'Ix in na'a, to a 'a sat lum a lum tic tzin 'ec' yet' eb' 'anma tic, a 'a niwn b'e 'oj in b'ey yet' eb', may junc xo b'e 'aj 'oj qui comn 'ati.

Dt 2:29

'icha on̈ yutj eb' yin̈tl Esaú on̈ schan 'e't 'a sat slu'um, atn eb' cajn 'a lum Seír, yet' eb' moabita cajn 'a lum Ar. 'Ixtan̈ej 'oj caj qui b'ey'ti, masnto 'oj que'cn 'a yojl a Jordán, ax qui c'och 'a lum lum tzyac' Jehová qui Diosal quico'oc on̈, xin chi 'a 'a.

Dt 23:7

Palta man̈ e chacl eb' edomita, yujto quicanec to qui b'a yet' eb'. An̈jtona eb' 'aj Egipto, man̈ e chacl pax eb', yujto on̈ 'e'c jun tiempoal 'a sat slum eb' cha.

Jueces 11:17

Ata 'ix ca' cot qui checb' 'a win sreyl Edom, xcaln 'a win 'ixtic: Comnoc tzon̈ a chaj 'ec' 'a sat lum a lum tic, xqui chi 'a winac, palta ax win rey cha, ma'on̈ schaj 'e't xon winac. 'Ix qui c'ann pax 'e't qui b'a 'a lum yic win sreyl Moab, an̈jtona', ma'on̈ schaj 'e't pax winac, yuj cha, on̈ canx can 'a Cades on̈.

Jueces 11:18

Xlajw cha, on̈ laj oyy 'ec' 'a lum cusltac lu'um. C'uxn xcoymtej sti slum eb' 'aj Edom yet' lum yic eb' 'aj Moab, masnto on̈ jaw 'a stojlal 'aj tzq'uel c'u 'a Moab cha. Axta 'on̈ 'och wa'an, on̈ can 'a sc'axpil 'ec' sti a Arnón, ma'on̈ c'axw 'e't 'a 'a. Yujto ata tz'el yich smacb'en Moab.

Jueces 11:24

Q'uinloc a Quemós e diosal ax tic, a tz'a'n junc tas eyico'oc, ¿tom matz eyalch junc chi eyico'oc? 'Ixta pax caj an̈ tic on̈. A tas tzyac' Jehová qui Diosal quico'oc, atn tzcalch pax quico'oc on̈.